¹ Kibo ka'a ki yo tono, ne ɗonshu a e ɗoɗonshu ki ɗonshu tim ki bo biya shaf ki onom ki ka shaf ki biya, ² ki bo ma'inshe ana mene ki ka mu e deinok lahiya ki deinok, mata hangkal tong Ndeyi ki daraja. ³ Woi zina ke 'yak bisku dom Ndeyi yo wangumu. ⁴ Si ndalo algi shaf we wangu ke nditu mante jire. ⁵ Ki ka Ndeyi moɗi, jo moɗi ke e a ershe tintil Ndeyi ki ngo, ngo ye Kiristi Yeso. ⁶ Ongko kanni wangu ki ka lei ngoi yiya ki ka tamya dom. ⁷ Kika'ya woi, ne ek kano, matano a hekuwa eni Ndeyi ki a nama kusa Yeso. Ne anshe jire. Ne lerei bu. Ne malum mayei managko Ndeyi tong ona jire ki jire. ⁸ Ki bo ka ,a nen ndalo goraji lei yiya e ɗonshu, jo hafte sarasu so bu'uno ɓaɓa ki yabta tili bu ki hafta hankal bu. ⁹ Jo ka a, monde e karei yo suba nzuni ki ommo so suba nzuni jo ki ngaha ka. Kada deyi ana yaro, ki som yo dinar bu. ki a azurfa, ki karei yo a dogdo bu. ¹⁰ Ne ndalo monde zof karei yo suba nzuni ana tama Ndeyi ki bei rutai zina. ¹¹ Mandu shute lei miya tong mata hangkali tong miya. ¹² Ne ongkok mandu e shutantu domana gere mizinto bu me deyi ye'eteno lei tamiya. ¹³ Adamu ngo yo tono, kabui e Hauwa'u. ¹⁴ Adamu youtangko si bu, me mandus youtangko ngete tong leihi. ¹⁵ Shaf ki ka a, a watik wangu ki be'i le'ya milla, na tanko dom a tong ona jire ki ndaltu ki bu'unok ki tili zina.