¹ I hwa huii, tyai duswon Yesu Kristi nang Gwazi'u zangu attak mmnan ntam guni kyang nang huli byang dak u kwok uvwo khi duswon i. Asi chi alyen da ntam ngwon ntam gu khi attutak atyi ntam gu'u Yohna. ² Yohna si shai aliyat dutan nswang Gwazi nbyang shai aliyat dutan Yesu Kristi salai nkyang nang guli. ³ Atyi mmiyang a yet atyi nang a twang tazi - nbyang atyi nang a krok afwo - ba swang tak kyang hu tubai ⁴ Yohna, tunad atu hui natad bi ba Asiya: Yok sitan nu shio ba nyin nbyang sak shwon yiet ba atyi nang anshio, nbyang a khan nshio nbyang uwa tubai nbyang nyet ba tsui natad nang ba shio dugyi agrak gu khi, ⁵ nyet ba Yesu Kristi, nang ayet chuchuk nkhan nshio, nfum bin'u yet ba anyet a kwii nbyang atyi nang a byong tyok agwam swanti'u nado ba atyio nang a chat zit'i nbyang atyi nang a tin zit ba katuk zit ni, ba asok guni, ⁶ a ji zit agrak, anyet kwi anyet ba Gwazi gu nbyang iwa biyo gbandang'u nbyang chat'u, nini tanad bazan nwaityak. Hun swan anya ⁷ Ili u'wa tubai ba aniyan bi i koda agyi li li gu, nbyang si bi nang a tip gu'i, salai nwap swanti ni li twai dangu. E, hun swan anya. ⁸ "Nu a gyet Alpha nbyang Omega," atyi Gwazi uwa nyio anya "Atyi an shio'i, nbyang a khan nshio nbyang uwa tubai, atyi salai shi'u." ⁹ Nu, Yohna - danyiwuk a u nang a show zwat'u ba nwan'i nbyang agrak'u nbyang shim fwo, yab fwo nang hun shio ba Yesu'i - nang akhan nshio abion bu chio saghuat khi nang angye Fatimos hangag aliyat Gwazi nbyang shei aliyad tutan Yesu. ¹⁰ Mnin nshio ban tsui bu utuk mam atyo a khe, nsin fok maliyim nu ga gbandang aghwad nang agwii. ¹¹ A yio, "Lru nkyang nang uli i ban kwi abwat,utam do ba atu hui natad - nadau Afisawa, nadou Simima, nadou Bargamas, Nadou Tayatara, nadou Sardisu, nadou Fidafiya, nbyang nadou Laudikiya." ¹² Nsin buwak ndi atyi nang aliyad i, nsin di zazzarak shan awuk natad. ¹³ Bu chio awuk khi, ayin yong nang ali ngwon achi bi shi, a kwub awura aturo nang a nat gu ba attak bi, nbyang zazzarak kyang grak gu bi frurungh. ¹⁴ Apio gu khi nbyang pio'u li kenkyai nang wulu'i, kenkyai nang ten i, nbyang agyi gubi a yi ulirap ndong'u. ¹⁵ Attak gubi a' yi tatirab taggula, nang shuai ban dong'i nbyang anghwad gu khi nang tung ga saghuat. ¹⁶ A bio tungwad natad ban bwak yak'u nbyang tswat i biyo unu ufiyang bunu gu khi. Ugyi gu khi sai a yi unu ugyi mam. ¹⁷ Nang nu ndi gu'i, nsin shwat dugyi gu a yi kwam i.A si sak bwak danu aba nyi, "Yok fuk uwun dak, nuwa gyet nfum'u, nbyang nhyen u, ¹⁸ anyet nang a shio achet i, n ghu, ama i li, n swon ba sangang! nbyang nu a byo kyang tyak ahu, nbyang hades u. ¹⁹ Kha ayawa,lru kyang nang u kan di i, kyang nang hunshio nini, ba kyang nang hu bili bai duswon'i. ²⁰ Ba nkyang nang aliyat nyin dou io tutan tungwad natad ni, nang ili ban bwak yak nu i, nbyang kyekyad nfang shanm awuk natad: tungwad natad ni yet mman ntam Gwazi natad si atu hui Gwazi natad ba, nbyang shan awuk natad bi yet atu hui Gwazi bya.