¹ Nado ba ngwon ntam Gwazi ba anyet hwi a si Afisawa lru: Tsui aliyat nai, nang i byong tungwad natad ban bwak yak u, nbyang i nya tsong ba shan awuk di. ² "'Ndyen kyang nang ukan nyio i nbyang ntam ni ba shim aliyo, ba yab aliyo a khi, ndyen nang uli shim anyet nang a yio katuk u dak, ndyen nang ukan mark anyet nang ba nyi ba yet anyet ntam, ama ba yet kyang dak, nbyang ba nwan ba bio chuchuk dak. ³ Ndyen nang u bio shim alyio, yab alyio, nbyang u khan fub jat ama ba lirok nu khi, ama u khan van dak. ⁴ Ama di kyang nbiyung tutan yi ki'i - a fhum chat nang u kai gwan i. ⁵ Dam anya bu uvwo nang u nswad i. Kok ntong u yiop nkyang nang uma fhum yio. Sanan u kok ntong, nni bai ba nwan nmin tin awuk khi du uvwo nang khi nshio i. ⁶ Ama u bio kyang hi, u lak nkyang nang Nikolatawa bi yi'i, nang nu birung nmin dak. ⁷ Yok atyi nang abio afuo'i yok gu krok afuo bi, ban kyang nang Zazzarak tsui u lyat ba anyet hwi bi. Tyi nang a wiyang i nnin za gu igag a gyi bu ukwan swon ki, nang hu shi ba tsak-tsak uli Gwazi ki i. ⁸ Nado ba ngwon ntam Gwazi ki ba anyet hui Simana lru: Swang zai za atyi nang ayet nfum u nbyang nyen i, atyi nang aghu nbyang asi bu ship i: ⁹ "'Ndyen sho zwat nbyang kunak yin u(ama i yet anyet byio) nbyang tyam anyet nang a nyet ayio ba yad Yahudawa i, ama ba yet nman tangyirang nia. ¹⁰ I yok fok uwun zwot nang ili shwo i dak. Ili! Tangyirang khi dam khi yiruk agyang nyin chi bu hwo an shio a mak nyin, nbyang ili shio tsot mmam shwak. I byong chuchuk u tunad aghu, ntimin zan nyin swon bung tiyok. ¹¹ Yok atyi a bio a fwo, nfwong kyang nang zazzarak Tsi zi lyat ba anyet hui bi i. Atyi nang awiyak i kyang li shio gu dak ko aghu ufiyang khi." ¹² "Na do ba ngwon ntam Gwazi ba anyet hui a si Pagamu lru: 'Swang zai za atyi nang a bio tswat zi zanzyan unu fyang: ¹³ Ndyen uvwo nang u swan i, a zah grak tangyirang zi nshio. Salai ba anya i ba byong alirok nu khi dad-dan, nbyang i si tan chuchuk yi hu da nu dak, ko ba zan Antibas atyi nshio nang nbio chuchuk dangui nang abi hyad bumi nyin i, a zah nang tangyirang khi nswan i. ¹⁴ Ama nbio nkyang dadai da nyin: I bio agyang ba nyin nang abyong dandan tyet Bal'amu nang a tuwang balak i yok gu sa nman Isrealawabi kyang nyuk tak, ban nshio gyi kyang yak nang aniyep gwazi apio nbyang yayara nyio huwat agyang. ¹⁵ Ba nyio azai, i min bio agyang nang a min byong dan-dan tyet nikolatan. ¹⁶ I kok ntong, kha anya a dak, i si lak, nnin bai ba nyin nfen nmin chio jwang da nyin ba tswat na i ruk bu unu in khi. ¹⁷ Yok atyi nang abio afuo, yok ku fok kyang nang zazzrak Tsui u lyat ba anyet hui, atyi nang awiyang i, nmin zan gu nkyang yak nang nniyat i, nbyang nmin zan gu asai afang ba alirok afai nang an liru tutan afang khi i, a tirok nang koyan lyen dak sai atyi nang asan i' ¹⁸ "Na do ban ngwon ntam Gwazi ba anyet hui na si Tiyatara lru: 'Swang ngwon Gwazi khi za je, nang a bio agyibi i, uli rab ndong i nbyang atak bi nang tatirab taggula i. ¹⁹ '"Ndyen kyang nang i yio i: chat nyin u nbyang chuchuk u, nbyang ntam ni nshim fwo, yab fwo u, ndyen nkyang nang i nyio nini i, swak si nfwun ni. ²⁰ Ama nbio kyang hio dutan nyin: i krang abiyuk wi Yezebel nang ayeh apiogu atyi shei ntam Gwazi i Ba tyet asi bwai anyet ntam mbi ba nyio yayara nyio si myai agyang nbyang gyi nkyang yak nang anyep a gwazi apio bi u. ²¹ Nzan gu zan a kok ntong, ama abio adam a kok ntong dak ba yayira yio ku hu. ²² i li! nnin gyuruk gun chio a gbrak zwan, nbyang aniyet tsang anyuk ko atuyok ban gu, bumi gbandang kaian, sai dai ba kok ntong ba nyi guzi. ²³ Nnin tad mman guni nkrok nkwon nbyang salai anyet hui bi li lyen nang ngyet atyi nang achiang adam u nbyang lilyo u. Nnin za ko anyan tsatsar kyang gu yio i. ²⁴ Ama a kwum khi ba Tiyatara u, nat do ba ko anyan nang a lak byon tyert i, nbyang anyet nang a nghwai lyang nkyang agyang ngye lilik nkyang tanyirang ni - nyi ba nyin, 'Npat nyin mkprok ngyang dak.' ²⁵ Hagag hundi i, byong i gyi dandan sanang nbai. ²⁶ Atyi nang awiyang i nbyang atyi nang ayio nkyang nang nyio i tunad nyeii, i wa nnin zan gu gbandank tudan tsatsat ukrang. ²⁷ Ali byong bi ba shan chwan, nang lan lyem a li fuwai bi ba tsitsiyak. ²⁸ Da hangag nang nu nsan ba Adi nu i, anya nu birung, nnin zan gu tungwad tsatswang khi. ²⁹ Atyi nang a bio fufuo, yok gu fok kyang nang zazzarak ntsi i liyat anyet hwi zo i.