¹ Yesu si bu lyat banbi ban ga'an, aba nyio, ² "Tyok tazi'u li nang agwam nang aji agwai nyirang si ngwan gu. ³ Asi tam aghwo gu bi ba nad ba tu yai anyet nang atak bi agwai nyirang'ui, ama basi bai dak. ⁴ Agwam'u si bu tam agwam agiyang, aba nyio, I tak anyet nang atak'i, I li, nka ji nkyangyak. Afak ngyak nu di nbyang chachet tibi ngyak aka ji nkyang ni sala. Ibai ba nyirang'u.'' ⁵ Ama basi nkad nang nyin ga krok afwo bi kyang nang alyat'i dak, atyi angyug si nad uyit gu ki, agiyang si nad abwang gu. ⁶ Akum anyet ki si tabat aghwo agwam bi, basi nyio bi kyang nswum basi hyai bi. ⁷ Agwam'u si fok aligi asi tam ahuwod gu bi, basi tu hyai anyet hyai anyet abai, basi shwai umi ukarang bini. ⁸ Asi hyio ba aghwo gu bi, 'Akan sak nyirang'u, ama anyet nang atak'i ban tai dak. ⁹ Ba anya'u i nad ba gbandang nvak nang asuwak'i itak anyet bi deni bisangag nang igiya i si inshi bi bai agwai nyirang'u.' ¹⁰ Aghwo bi si nad ba gbandang nvak'u basi tung salai anyet nang ba shio'i, salai alak yet ba atan do. Tu nang anyio nyirang'ui sin nhyad ba anyet chan bi. ¹¹ Ama nang agwam'u si bai ali anyet a chan bi'i, asi ndi atyi agiyang nang da akub aturoh nyirang bi dak. ¹² Agwam'u si gyio bangu, 'Kpandang, ni'a ubai aji nang du ukub aturo nyirang bi dak?' Ama atyi awai si krak kyang dak. ¹³ Aza agwam'u sin hyio ba aghwo bi, I lab atyi'i nbwak ni ba atak bi, iti gu nti ban dyin'u, bu uvwo nang ali tyet agi nbyang ayuai angyung. ¹⁴ Anyet deni ba ayurong, ama dadai'a atin ¹⁵ Aza Farasiyawabi si nad basi lab bisangag nang bali nchiram Yesu ba alyat gu ni. ¹⁶ Basi tam anyet ghwi bibi, dandung ba anyet Hiridu. Basi hyio ba Yesu, ''Atyi-tyet, zi lien uyet atyi nyio chuchuk'a, nbyang utyet chuchuk ban vak Gwazi'u. U chiyet fuo ba adam ayin dak, du u chat apio bumi anyet ki dak. ¹⁷ Tak zit, yaha udam? hushi ba chyi'u atan kaisar'u kurum abyin'u ko ayok?'' ¹⁸ Ama Yesu si fuk apot bi'u asi hyio, ''yahwa nbio nang in mak nu, nyin abuk anyet? ¹⁹ I tyo ndi kurum nang antarang kurum abyin'uu'' Aza basi nep gu dinari. ²⁰ Yesu si hyio banbi, ''Ighwu ayanna ba ayurok ayan ka kai?" ²¹ Basi hyio, "kaisa'a'' Aza Yesu si hyio banbi ''I zan Kaisar'u kyang nang huyet sin Kaisar, i zan Gwazi'u kyang nang huyet sin Gwazi.'' ²² Nang ban fok anya'i, husi tyi bi adam. Basi wat basion nkad. ²³ Utuk akai sadukiyawa agiyang, nang ba nyio idi tabok bi lyak nshio dak, basi bai bangu. Basi liyip gu, ²⁴ Biba nyio, ''Atyi-tyet, Musa hyio, khanang ayin ghu, nang gu tyai nman dak, huyet ti'a langyug gu'u abwo abyuk langyug'u antyai gu nman. ²⁵ Langyug natad agiyang kan nshio. uswon'u nyio nyirang'u asi ghu. angwot ngwon dak, asi wai langyug gu bi abyuk'u. ²⁶ Langyug afiyang'u si bu nyio bibi gag'u, anya'a atyi atad'u, salai anya tunad langyug natad'u. ²⁷ Basi kwi salai bi, abyuk'u si ghu. ²⁸ Nini bi tabok bi lyak'u, ali yet abyuk anyanna ba langyug natad be? salai bi ba nyirang gu'' ²⁹ Ama Yesu si shim asi hyio banbi, ''Iteb, krok ilien alyat Gwazi ko chet Gwazi'u dak. ³⁰ Bi tabok bi lyak'u anyio nyirang dak da ali nwak abyuk ba nyirang dak. Nang anya'i bali yet nang nman tam Gwazi tazi. ³¹ Ama krok tabok akahu bi bi lyak'u, ifang kyang nang Gwazi'u lyat banyin, aba nyio. ³² 'Nu'a nyet Gwazi Abraham, Gwazi Ishaku, nbyang Gwazi Yakub'u da?' Gwazi'u yet Gwazi akahu ba dak, ama sin nswon.'' ³³ Nang akpwi anyet'u sin fok anya'i,uwun si tabat bi bi tyet gu'u. ³⁴ Ama nang Farisiyawabi nfok Yesu nfang Sadukiyawabi'i unu ni'i basi tung apio bi dandung. ³⁵ Atyi angyug banbi, yet atyi lien chyi'a, asi liyip Yesu gu a mak gu ³⁶ "Atyi-tyet, dag chyi'a nsuwak yet lyak'u ba chyi ni?'' ³⁷ Yesu si hyio banbi, '''chat atyo Gwazi awu salai ba alio ki, salai bi swon adi, nbyang salai bi fuo ahu.' ³⁸ Chyi'i hwa yet lyak'u bi suswon'u. ³⁹ Chyi fiang'u li nang sahwai, chat atyi nang ashi npwen ba nwan ni nang unchat apio'ai.' ⁴⁰ Chyi fiang'i krang salai nchyi ni nbyang alyat anyet shei tam Gwazi bi.'' ⁴¹ Nang Farasiyawabi li shi di tung dandung'u, Yesu si liyip bi lyip. ⁴² Asi hyio, Ya idam tutan kristi? Ngwon anyanna ka gu yet?'' Basi hyio bangu, "Ngwon Dauda'' ⁴³ Yesu si hyio banbi, ''husi li ni'a nang Dauda nshi bi tsui asi yurong gu Atyo, aba nyio, ⁴⁴ 'Atyo hyio ba atyo nu'u, ''Swan ban bwak yak nu'u, sei nang atyio langyug abi ba atak abi?'' ⁴⁵ Khanang Dauda yai kristi Atyo, ni'a guli nyet ngwon Dauda?'' ⁴⁶ Ayin si giyad asi nwak gu shim dak, nbyang ayin sin giyad asi bu gu yin liyip dak nyet utuk akai.