¹ Salai anyet sai kurum gangu bi ba anyet katuk bi si drok tubai a krok afau bi Yesu. ² Farisiyawabi nbiyang anyet tyet chyi bi ba trung aliyat duzan bi, biba nyio, "Atyi sai anyet katuk bi had aba gyi banbi." ³ Yesu si tak bi gaan ze, aba nyio, ⁴ "Anya-na ba nyin, kanang gu bio tsep chi-juyung, asi bi nchat juyung ywai, ali kai wad akum khi anat achat juyung di da? ⁵ Ki atu shio di, akyak frak nesen buwat tubai dibi agwai. ⁶ Ka abu buwok bai buli, ayurong apwandang gu bi anyet a swan tung gu i, ahyio banbi, 'Igwai dandung banu, nshio tsep nchat ywai i.' ⁷ Nhyio ba nyin, agwai li nshio tazi, kanang a shio atyi katuk anyung nang a kok ntong, lan anyet chuchuk nang ba chat ba nwak chuchuk dak. ⁸ Kanang abyuk bio tswi-kurum swak, kanang gu nchat juyung yuwai, ali mat long kang awat a liyang uvwo ki sinang gu shio hu da? ⁹ Ka aman shio hu, a yai apwandang gu bi ba anyet a swan tung gu i, anyio banbi, 'I byang nu agwai'u, nshio tswi-kurum nchat ywai'i.' ¹⁰ Ba anya uma, ntak nyin, kyang agwai a du ugyi nman ntam Gwazi ni bi atyi katuk anyung nang akok ntong." ¹¹ Yesu si hyio "Agyang anyet byo nman afyang, ¹² shushuo u si ba nyio bu adi'u, 'Adi, nwa nkyang nu ni nmai byong apio nu.' adi u si ma kau bi zwi gu di. ¹³ Ku bun biyan jan dak, shushuo gusyen u si kok nkyang asi nyi achiyet nat bu abin ugyang gbang, asi tu hyat kurum u bu ga yayra nkyang. ¹⁴ Nang gu ngyi tyak i, zong si tabat abin akai. ¹⁵ Asi nat tu tabat tu bu atyi abin awai, asi chi gu nat yet atyi kau alede gu bi yak. ¹⁶ Amu li gyi yak alede u ba agwai, dong ayin nwat gu kyang ayak dak. ¹⁷ Nang gusyem khi nbwok bai bu hakali khi bi'i, khi nyio ba apio khi, 'Anyet nswat amang ba shi bu uli adi nu khi, nang ba bio yak gyi didid, nma shi azi, zong di ba chat hyat nu! ¹⁸ Nni wat azi u, nnat bu adi nu ntu hyio bangu, "Adi, nnyio tazi khi katuk nbiyang du ugyi'a. ¹⁹ Nmai a yrong nu ngwan a dak, tyi nu ngyet aghuo nswan bu uli a khi.'" ²⁰ Fung gusyen u su drok tubai du uswan adi khi. Nang khi li shi gbang, adi'u si li gu, asi fok asai nfwo, asi tyong tu mub gu da nchung, asi kiss gu. ²¹ Gusyem khi ba nyio bangu, 'Adi, nnyi tazi khi katuk nbiyang du ugyi'a. Nmai abu yrong nu ngwan'a dak.' ²² Adi'u ba nyio bu aghuo gu bi, "Ibai ba ayywan gbongbong a lab gu, tyi gu ani nbwak, a tyi gu kwi ntak ba atak bi. ²³ Awad a fet gbandang nyak. Yok zi gyi zi nyio agwai. ²⁴ Ngwan nuki zamang ghu, ni'ini khi nshio bu swan zi. Khi zamang bwuk, ni'ini achat hki shio.' Basi fwum agwai u. ²⁵ Nang aghuop gusyen'u nshio dak. Nang gu bin shio bu tubai bu uli khi asi fok bubwom bu song. ²⁶ Asi yrong aghuo anyung asi liyip gu kyang hu kwi aba nnyio agwai i. ²⁷ Aghuo u ba hyio bangu, 'Lanyuk a'u wa bai bu uli, uhwa adi nyin u nfyet gu gbandang nyak a ngwai bwok gu hu dusham.' ²⁸ Afai ahwap u si byan fwo asi lak nwo u, adi bi'u si wuruk bi nai gu. ²⁹ Afai ahwap u si hyio bu adi'u, 'Di njio nang nun ngwak akwap bi ba nwan i, nkan byan a fwo dak, ba anya u kan nang nu angwan nzwan nang nu nyio agwai bu pwadang dak, ³⁰ ama nang ngwan aki nbai'i, nang khi tu byan ayurok aki ba anyuk miyai ba atiyok nti, had usi fyet gu ga gbandang nyak.' ³¹ Adi'u si hyio bangu, 'Ngwan,u man kai nshio ban nu, nkyang nu ni yet si nwan a. ³² Ama hu yet usham zi nnyio agwai nsong tutang lanyuk akhi nang aghu asi bu tabok bu swan zi'i; a bwuk, asi bu tet gu.'"