¹ Bu mam fuwung gyang, nang gu n'nat bu uli aliyak Farisiyawabi agyi buredi, nang ba chik gu. ² Ba anya, an bio agyang anyet nang a vwo bu zwan vam muwat. ³ Yesu si liyip anyet answak lyen chyi Yahudawa unbiyang Farisawabi, "Hu shi nchyi a chirok ayin bu mam fuwung u?" ⁴ Basi swan nyanwang. Yesu si kyak gu salai, asi chirok gu, asi chi gu taliyen. ⁵ Asi hyio banbi, " Anya na ban nyin nang ngwan gu ki ko nyak gu swat bu bwong ban mam fuwung Yahudawabi alak tin wuruk dyo u?" ⁶ Basi fuk ngyat ba shim kyang gu lirim i dak. ⁷ Nang Yesu nfuk ayang anyet aye bi agwai, aba chat swan ban kyakyat chuk, asi liyat banbi ban gaan, aba nyio, ⁸ "Ka ayin yei nyin agwai nyrang, iyok swan du uvwo chat chyin dak, agyang anyet che shi nvak tubai nang mun tak gu nang a chyin lan nyin. ⁹ Ka atyi ayei nyin agwai u'i bai, ali hyio ba nyin, 'Zan atyi'i uvwo nwsat akai,' awad usi bwok nat bu dadai kyang nwat u ba nsum. ¹⁰ Ka ayin yei nyin agwai, nat tu swan ba nchuk dadai di, ka atyi byo agwai u bai, ache li hyio ba nwan, 'Pwandang, nat bu gbwandang nchuk'u.' Awat a chyin'a du uswan anyet i swan bu tebul u dandung i salai. ¹¹ Ki nang ayin chyin apio gu ali juwai gu, atyi ama juwai gu ali chyin gu dusan." ¹³ Ka ayin bio agwai gyi yak, yok gu yei kunak ni, bu a kuluk bi, bu apak gyi bi, ¹⁴ bu anyet nwai liyat. Ali nkrok gu nmiyang ni kanang ba bai basi gyi, biti bi bi shio kyang ntan u dak, awat abi tan na bu drok Yesu bu chiyang nkyang konyan nyio. ¹⁵ Nang atyi anyung banbi nang aswan bu kukwan gyi yak bu Yesu in fok ngi, asi hyio banbi, "Ali krok anyu nmiyang atyi agyi bredi ki bu bu tyok Gwazi." ¹⁶ Yesu si tak bi, "Agyang anyet sak ga gbandang yak agwai dushuyung, asi yei didid anyet. ¹⁷ Nang yak u nbiyang u, asi tam aghuo gu atak anyet ashai i abai, kudan kyang biyang.' ¹⁸ Basi bwak yong, ida ba byo zan dak, atyi nfwum'u hyio, 'Nsan apwai, huyet ti'a n'nat ndi. Chi ali nswak.' ¹⁹ Nsak u si bu bai asi hyio, 'Nkwai nyak ghap tsuwan, nchat nat nmak ni. N-nai'a chi li nswak.' ²⁰ Atyi agyang sibu hyio, 'Nbwo abyuk, ba anya, nin bai dak.' ²¹ Aghuo u si bai bu tak atyi-uli u nkyang gu tu fok i, asi biyan fwo, asi hyio ba aghuo u, 'wuruk anfiyen aunt ba nvak ba ndang ni, u yei kunak ni, bu akuluk bi, bu apak agyi bi, bu anwai fwong bi.' Aghuo u si hio, ²² 'Atyi-uli, kyang utam nu i, n-nyio tyak, ama tu nyung nbwat.' ²³ Atyi-uli u si hyio bu aghuo u, 'nat bu chachat nvak nbiyang apwai nswat u tung anyet abai abang nu, a nfang uvwo ni. ²⁴ Nhyio ba nyin, ayin ba anyet nshei i li tyi yak nu u bu unu dak.'" ²⁵ Ni'ini apwi anyet didid nghui gu, asi bwak asi hyio banbi, ²⁶ "Kanang ayin bai ba nu, da nang gu lak Adi, Ayang, Abyuk, Nman, Lanyuk asam ba anab, bu swan gu di dak, ali yet atyi ghui nu dak. ²⁷ Atyi alak kyak atyem nkwan gu u asi bai bannu dak, ali yet atyi ghui nu dak. ²⁸ Ki anya-na banyin, nang achat nok sop tu, alak ya nswan a dam krum gu li hyat i, asi nok hu salai u? ²⁹ Ko dak ka aprak afang tsi tu khi nang gu bi nok tyak dak, anyet a yong chiyang i li mai gu, ³⁰ ba nyio, 'Atyi wi fwum nok tu, asi tyak nok u dak.' ³¹ Ki da agwam'a, nang ka atu mun bi agwam agyang ba nzwang, alak swan aya nchat shaura, ki ali ngyat ashio atyok chi-kob swak nang bi li kwan bu agwam siwu nang abai bu atyok chi-kob nswak-nfiyang u? ³² Ki ba anya, nang ahuwat sibi lishi gbang, a tam anbasado go anai swat dusam. ³³ Ba anya uwa, Kanang ayin banyin nghuak kakap nkyang guni, ali yet atyi-ghui nu dak ³⁴ Nfak ni yet, ama ka nfak ni yet bu unu dak, ali nyi ni a ntyi ni ibu yet bu unu? ³⁵ I byo kyang alin nyio ba mbin ni nbiyang bwum'u dak. Ali kyak Wiyen. Atyi abyo afuo fwong uvwo bi yok gu fwong."