¹ Yakub aghuo Gwazi nbyang si Atyo Kristi, nbyad nyin kwai swak bafiyang nang akau tyet'i. ² Yok huyet nyin kyang asai alio, lanyuk, kanang ishio ba ngbang didid, ³ Iliyen kanang amak chuchuk yin ni huli chio nyin ilab aliyo. ⁴ Yok lab alio yinnu hu chio ntam yinnu iyet, bisangag nang ilin tad agi, ili chat kyang yuwai dak. ⁵ Ama khanag ayin chat muamwang, aliyib hu nbwak atyi nang A'nghuat i, Gwazi, nang A'nghuat bwak'u gang" nbyang amuli lak atyi alirim'i dak, ali nwak'a kyang nang uliyib gu'i. ⁶ Khanang uli liyab, liyab bi chuchut uyok ntin fwo dak, atyi nang aturung fuo bi kyang nang e ayuan saghuat ka bichen'i, nang wun hyab ka zo. ⁷ Yok atyi awai yok dam e ali kyang nang gu chat'i bi Gwazi'u dak; ⁸ Atyi awai yet nang atyi abio iliyo fiang, akwok vak chuk dak. ⁹ Lanyuk, atyi nang ayet kunak, ayong tutan gbandang gu ki, Lanyuk nang abio zui ayok vyet apio dak, krok utuk ugyang ali swak bisangag nang furai ji uyit nsuad'i. ¹⁰ khanang mam'u tabok kakhu nwoi nyiat huchi itin ukwannu hu hwot, nbyang furai ji li swot usham atin ukwan ki ki buk. ¹¹ Anyya anyet nang babio zui ji linnbuk nang ba shio bi yio nkyang bini. ¹² Atyi nang alab aliyo bi mak'u ali krok gu nmiyang, khanang gu swak mak'u, ali sanbung nsuwon ji, nang asak e li nwak anyet nang bachat Gwazi'u. ¹³ khanang a mak ayin ayok hio, "E Gwazi'u wa mak gu dak," krok Gwazi'u mak bi katuk dak, Gwazi ba pio gu mak ayin dak. ¹⁴ Kodayan shiyat mak'u krok katuk adam gu nang hu kwakgu katzo'i. ¹⁵ Khanang katuk adam'u kyak ufi, huli byin katuk, nbyang khanang katuk'u lai bai deni van ntam'u hwa yet aghu ki. ¹⁶ Laniuk nang nu shiyai fou'i, iyok shim alen yin dak. ¹⁷ Koda zanang chan nbyang zanang nswak lien nyiet tazi, hu chiyet tubai abyin nyiet ba Adi nangayet long sai. Gwazi'u shai nang ighu nshai dak. ¹⁸ Gwazi'u hiai zit azan zit suwan di krok swang alyat chuchuk, bisangag nang zili ngyet nang suswon aswum ukwan bumi nkyang nang gu ji'i. ¹⁹ Laniuk nang nu shiyai fuo'i ilien sihwi. Huyet ti'a koda atyibishi akrok afok , alyat tanchuwon, nbyang ayok mu fok aligi afen, ²⁰ Atyibishi nang anyio aligi afen yio Gwazi'u tam tan dak. ²¹ Nang hundi anyya iwhem katuk yini nang ishio ko'azai, nbyang ihwum san swang alyat atibi, nang huli chi swon yini ishio san. ²² Iwak swan alyat di gbok'u, iyok krok afuo bi bi fuwong'u hwa ndai, iyok len apio yinnu. ²³ Khanang ayin fok swan alyat di nang dugu nyio ntam dak, ayet nang atyi nang achiyang ugi akwi ki bi dobi'i. ²⁴ Khanang gu chiyang ugi guki, khanang gu drok aza ali bwung igag nang ugi ki ndi'i. ²⁵ Ama atyi nang achiyang ba adam atn si chyi'i chyi won ufwod, nbyang amu gi'uswon bi nwak chyi gbok'u, yok yet atyi fuwong'a ndai dak bisangagnang guli nbwung dak, atyi awai ali krok gu nmiyang khanang gu yio anyya. ²⁶ Khanang ayin dam e ayet atyi hwi, ama nang gulai nbiong aliam gu ki dak, alen apio gu nbyang hwi gu yet kyang'a dak. ²⁷ Zazzarak nbyang hwi tan'u dugi Gwazi nbyang Adi zit'u ihwa yet, aben nmann kunak nbyang akaniuk bi ba nbhang nang ba su'i, nbyang achok ayin nyiet do bi shyog swanti'u.