¹ Laniuk nu bi, ihwi chuchuk Atyo zit Yesu Kristi, nang abio gbandang'u, iyokchat anyet agyang ilak agyang dak. ² Khanang ayin bai bi utung yin ki asi kub aturoh zinariya nbyang aturoh atan, nbyang khanang kunak mu bai utung ki bi kyakyak aturoh, ³ isin krok agi bi ba atyi nang akub afuroh atan bi, asi hio,"sakut'a swan aji bu uvwo utan kai," ama isi hio bi kunak ki, "Nwan yong aza, "ko ihio babgu, swan abyin ba atak nubi," ⁴ iyio agyang yin a swod'a wida, nbyang i mu get anyet yio aswod ba katuk adam da? ⁵ Laniuk nunang nushiai fou'i ikrok afwo yin bi ifok nu, Gwazi'u wa tin kunak ni bi swanti'u ba bio chuchuk nbyang bamu shio nwo buli tiok gu ki nang gu sak e ali zan anyet ba chat gu? ⁶ Ama ijwak kunak ni! Nuge ko mbi anyet bio zui'i ba lak li yinnu, nbyang bamu kwak yin nad zo buli aswod ki? ⁷ Nuge ko mbi anyet bio zui bi ba biyang ayurok utan nangayai yinni? ⁸ Nang hundi ngi, khanang ihwi chyi tiok, bisangag nang anliru ba kwi'abwad'i," Iyok uchat laniuk'awu nang apia'i," huyet shasham da. ⁹ Ama khanang uchat anyet agyang usi lak agyang, uyio katuk, bisangag nang hunshio bi chyi'i uyet atyi nang alak hwi nchyi ni. ¹¹ Khanang ayin nwak nchyi ni salai kbog'u, asi butep bi ikyang unung, alili e duhushiak gu ba atyi nang da aga hwi chyi'i! ¹⁰ Gwazi wa hio," yok yio amun dak, ama usi hyad ayin, u nwak kbog tutan chyi Gwazi'u dak. ¹² Lyat umu nwak kbog'u nang anyet achat yio bi aswod'u tutan chyi huli frok bi wot. ¹³ Khanang ali yio swos'u ali tyai ayin kunak nang dugu tyai ayin kunak dak. Tyai kunak'u puram ahwud baaswod'u. ¹⁴ Laniuk, aze'a indi nang hunget, khanang ayin hio e gu bio chuchuk, ama nang dugu chichu ban tam dak? Chuchuk ahwai lingiyat hu san gu? ¹⁵ khanang laniuk asam ko anap bio aturoh ko kyangyak gi dak, ¹⁶ ayin banyin si hio banbi,"Nad dasham, uli hirak umu gi yak," ama nang di izan bi kyang vam'u chat'i dak, huntai anyya? ¹⁷ Anyya chuchuk ba pio hu ndi, khanang achi hu ban tam dak huyet hahu'a. ¹⁸ Krok anyya agyang anyet li hio." ubio chuchuk, nu nsi yio ntam. Tak nu chuchuk ahun nang hu san ntam'i, nu nintak;a chuchuk nu'u krok ntam nuni. ¹⁹ Iwuak e Gwazi anyung'a nshio; chuchuk anyya. Ama katuk ntsui ni mu nwak chuchuk anyya ama bafok uwun. ²⁰ Nwan abuwon ayin, uchat hio banwana, e chuchuk nang hu sang ntamni huyet bapod nang zi ntsot afang. ²¹ Nuge krok yio ntam'a takwab zit'u Abraham ki nep ngwon guki Ishaku tutan sandong nai ki? ²² Ili sangag nang chuchuk ahwai nyio ntamni baizo nti'i krok ntamni chuchuk gu'u si chio kyang na achat'i. ²³ Kyang nang aluru ba kwi'abwad i bai zirak nang anhio."E Abraham nwak chuchuk bi Gwazi, nang huchio asi kyak gu atyi yio nkyang tan." Ngu Abraham ayai gu kpandang Gwazi. ²⁴ Nini ili krok ntamni ihwa andien atyibishi'u, ba chuchuk'u hwa ndei dak. ²⁵ Nuge bi bisangag di da andien Rahab hianji krok ntamni, nang gu san anyet tambi asi kai banbi ban vak giyang asi chi bi talien? ²⁶ Hu shiyak dak khanang vam'u ba tsui di shi nkang huyet kuhu'a, anyya khanang chuchuk'u shi nkang ba ntamni huyetkahu'a.