¹ Nini, laniuk, inai tutan zit, bisangag nang swang alyat atyo di li bai afen imu shi gbandang, bisangag nang alyat atyo ni nshi gbandang'u banyinni. ² Inai bisangag nang ali san zit nbwak anyet apot nbyang katuk anyet, salai anyet iba bio chuchuk'u dak. ³ Ama Atyo'u yet atyi chuchuk'a, ali nok nyin. Atyo'u yet atyi chuchuk'a, ali nok nyin amu chok nyin nbwak katuk anyet ki. ⁴ Zi shio bi sak fuo bi atyo'u tutan nyimn, nang nyio nkyang nang zi chi nyin chyi'u yok iyio'i nbyang ili gi'uswon bi yio ni'u. ⁵ Yok atyo'u chi nfuo nyinni ishi tutan chat Gwazi'u nbyang lab aleo kristi'u. ⁶ Laniuk, nini zi chi nyin chyi, bumi ayurok atyo zit yesu kristi, bisangag nang ili nguruk vak laniuk nang ayet ngwon ngwun nbyang namng da ahwi akwai tyet nang ishi banzit'i. ⁷ Nyin ba apio nyin ilien huntai imiam nkyang nang zi yio'i. Zi swan dandung banyin nang anyet balak shi tyet tan ba dak. ⁸ Zi gi kyangyalk nyin nang da zi tan hu dak. Zi swo nbang nbyang net nbwod bi yio ntam ni tutuk bi tamam, bisangag nang da zili nget nyin purok dak. ⁹ Zi nyio anya krok e zi sang chet'u hwa dak. Zi nyio hwu'a zi yet nyin vak'a, bisangag nang ili miam tutan zit. ¹⁰ Nang zin shio dandung banyinni, zisi chi nyin chyi, ''khanang nyin chat ayio ntam dak, yok gu yok gi nkyangyak ni dak.'' ¹¹ Zi fok nang agiyang banyin ba yet nmann ngwaun na. Ba yio ntam dak sei chat nwoai ba alyat agiyang anyet na ndai. ¹² Anyet nang si abai zi chi bi chyi nbyang zi simu shei bi'a yok ba yio ntam ni bi shim fuo ba gi kyanyak nang huyet sin bi. ¹³ Ama nyin laniuk, iyok tin fwo bi nyio nkyang ntan ni dak. ¹⁴ Kanang atyi alak nwak gbog'u tutan swang alyat zit di bumi nchong kwi'abwad kai, ichi gu agi nbyang iyok mum apio bangu dak, bisangag nang guli nswo nswum. ¹⁵ Iyok kyak gu yet landuan'a dak, ama ihuwad gu afuo bi yet laniuk. ¹⁶ Yok atyo'u ba apio gu nang anwak swad dasham di'i a zan nyin swad dasham kodang jeen bi kodang vak. Yok atyo'u shi dandung banyin salai. ¹⁷ Bi bwak apio nu'u hwa, nu bulud, nduru nyin biyad hwi, nang hunshio bi kodang nchong kwi'abwad nang nduru. ¹⁸ Anyya nu luru. Yok sitan atyo zit'u yesu kristi hushi dangung banyin salai.