¹ krok bai atyo zit'u yesu kristi nbyang tung nang zili tung dandung zi mun bangu: zi nai nyin'a lanyuk, ² iyok fep apio nyin dak ko idam dak, tutan kyang huyet si ntsui, ko si tam, ko si nchong kwi'abwad nang akyang i hu bai nyet banmzit, aba yio banyin emam atyo bai. ³ Iyok shim nyin alen nyin dak. mam'i li bai dak sei nang kodikyang suwak, sei nang atyi atidd awai wuruk kpai, ngwon hyai anyet ki. ⁴ Iwa yet atyi nang alakGwazi'u nbyang asi mu chin apio gu tutan salai nkyang nang ayai ayurok Gwazi ki tutan'i, Gwazi nang amu dyep'i. Anyya, khanang g swan bi tu dyep Gwazi'u akyak apio gu igu yet Gwazi. ⁵ Ijuyungda, nang nub shi dandung banyin nsi tyak nyin nkyang nei da? ⁶ Nyin ilien kyang nang hu biyong gu'i, bisangag nang gu tibi nguruk ba jeen nang asak gu do ida ndai. ⁷ Ntam atyi atid anei aka kwi ni, atyi agiyang nshio nang abiyomg gu'i, ntam ni li gi'uswon dak sei nang akyak atyi nang abiyong gu'i nkad do. ⁸ Kanang huli anyya atyi atidd'u sili wuruk kpai, iwa yet atyi nang atyo yesu li hyad bisuwon unu gu di atyo'u li kyak kyang'a dak utuk nang guli bai'i. ⁹ Atyi atidd'u tubai krok chet ntam tanyirang, nkyang nang alili, nbyang nkyang yong ali sin ngag, ¹⁰ amu li bai bi ngag yio nkyang kak yet. Ali yio nkyang nei'a krok anyet nang bali kwi'i ba, nang balak chat chuchuk nang huli san bi'i. ¹¹ Krok anyya Gwazi'u li tam banbi adam sang fuk bisangag nang bali nwak chuchuk'u ba ngag na. ¹² Kyang husi lin hwi'i, hwa yet ali yio bi aswod'u salai bi, nbi anyet nang balak nwak chuchuk'ui ama basi fok yanyang yio nkyang nang ilak yet'i. ¹³ Kodang njeen zi gwai bi Gwazi'u krok nyin, nyin laniuk nang Atyo'u cha'i. Gwazi'u hiai nyin iyet anyet nang ba shio uswon shi sannu nang tsui di nkwi nyinni nbyang sangag nang isan chuchuk'ui. ¹⁴ Kyang'i hwa nbio nang gu girong zit'i krok shei alyat ntan zit'u zi shio gbandang atyo zit'u yesu kristi. ¹⁵ Lanyuk, nang hundi anyya, iyong bi chet. Ibiyong akwi nkyang nang zi tyet nyinni bi chet, ba alyat bunu nbyang bumi nchong nkwi'abwad ni. ¹⁶ Atyo zit'u yesu kristi ba apio gu, nbyang Gwazi'u adi zit'u nang achat zit'i asi mu zan zit shim fuo nang da huli tyak dak nbyang sak fuo tan bi sitan nang hu tubai duswon'i, ¹⁷ yok gu nwak nyin shim fuo nbyang lab aleo tutan kodang ntam tan nang ilyat'i.