¹ Krok nkyang nang zazzarak ntsui'i nwak'i, laniuk nu asam ba anap, huntai nwai hio banyin'u dak. ² Ilien e kha yet anyet ghui dak, asi lel yin ba agwazi san Anghuad, basi yio banyin bisangag nang ban chat'i. ³ Krok anyya nchat iliyen atyi alyat ba zazzarak ntsui li yio, "e ashi Yesu dask",da ali yio, "e da Yesu'a yet Atyo dak', nang da atyiawai shio dandung ba zazzarak ntsui dak. ⁴ Nwuadeu vwan, amatsui di kanting. ⁵ Uvu ntam ni si vwan, ama Atyo zit du anyung. ⁶ Ntam ni deni nshio ibi vwan, ama Gwazi'u uwan dak nang azan kodayan ntam anei. ⁷ An wak kodayan akwi yio ntam ba tsui krok akum anyet ki ba shio. ⁸ Agyang tsui ji zan bi akwi alyet mwamwang, nbyang agyang tsui ji si zan bi akwi fuk. ⁹ Agyang tsui ade si zan bi akwi chuchuk, nbyang agyang ysui a de si zan bi akwi churok anyet. ¹⁰ Nbyang agyang akwi yio ntam bi chet, nbyang agyang akwi shai nkyang hutubai duswan, nbyang agyang akwi kam tsui, agyang akwi liyen iliam, nbyang agyang akwi bwan ilian. ¹¹ Ama tsui jung da yio ntam ni ba kyang nei, e nwak kodayan akwi ki bisangag huntai'i. ¹² Anya vam'u hu shi nyung nbyang husi mi bio nyuak tutan vam nyung, anya hu mun di bi Kristi. ¹³ Krok tsui jung ade da anyio zit batisiman ji zi bi yet vam nyung, ko Yahudawabi ko anyet sang ghui, ko alpb ko awat, anyio nkyang nei salai zi su ban tsui jung. ¹⁴ Aji vam'u hu shi ayin hu dak, ama ba shi deni. ¹⁵ Khanang atak bi hio, "Nang nu ngyet bwak'a dak'i, nu gyet nyuak da bi vam'u dak," huli tin hu shi bi vam'u dak. ¹⁶ Nbyang khanag ifwu si hio, "Nang nu ngyet ali ka dak'i, nu gyet nyuak da bi vam'u dak," huli tin hu shi bi vam'u dak. ¹⁷ Khanag vam'u salai yet ali ka, aze'a ali fwong nvwu ni?Khanang vam'u salai wi yet ifwu'a aze'a ali fwong zudi? ¹⁸ Ama Gwazi ji koda nyuak vam bisangag huntai gu'i. ¹⁹ Khanang nyuak vam di wi yet kyang nyung, vam'u husi shi aze? ²⁰ Krok anya nyuak vam ji shi deni ama tutan vam nyung. ²¹ Ali ki ne hio bi bwak'u 'nchat 'a dak." Da apio ki li hio bi tak'u "nchat'a dak." ²² Ama nyuak vam nang ali di iyet'i ida bio ntam ntanni. ²³ Nbyang nyuak vam nang zi jwai'i, ida zi nwuaddi gbok'u, nbyang nyuak vam nang zili di iyet'i ida bio bandang'u. ²⁴ Nyuak vam nang zili ida yet'i ibu chat bandang dak; ikanshi bandang'u, ama Gwazi'u ji salai nyuak vam de dandung, asi nwak gbok tutan sinang ba sang'i. ²⁵ Gwazi'u yio nkyang nei bisangag vam'u lin kam dak, ama ayuak vam ji ba chok agyang ba adam anyung. ²⁶ Khanang nyuak jung su ngbang, salai akum nyuak ki ki mu su ngbang ni dandung basi isu ngbang ni. Khanang ama nwak nyuak jung gbok'a, akum nyuak ki ki mu gwai dandung bisi ishi gbok'u. ²⁷ Nini yin ba yet vam Kristi'u nbyang kodayan yet nyuak gu da. ²⁸ Gwazi shi uswon hyai anyet tam gubi bu uvwu adyep guni, afiang'u hwa yet anyet shaitam Gwazi, taddu hwa yet anyet tyet, asi nsak anyet yio nkyang ayuong ali, asi nwak akwai churok anyet, agyang ba yet anyet ban anyet, agyang ba net nbwod ba ntam adyep, agyang akwi iyat iliam deni. Salai zit zi yetanyet tan ba? ²⁹ Salai zit zi yet anyet shai tam Gwazi na? salai zit zt yet anyet tyet ba? salai zit zi yio kyang ayong ali'a? ³⁰ Salai zit zi bio akwi churok anyet kha? salai zit zi znyed lyat iliam deni? salai zit zi ngyad bwam iliam'u? ³¹ Chi fwo bi kyang mu chat akwi nang ushi zo. Nbyang nin tak yin vak tan nang hu swak'i.