¹ I myam banu, di sangag nang nu myam ba Kristi i. ² Nti yin didyeb nang i jyung nu ba kudi kyang nang i nyo i, nbyang ibi byong tada ni kpwakpwam di sangag nang nu nghwag yin i. ³ Minini nchat i lyen nang kristi a mgyet alyag koyan, nbyang atyok a si yet alyag abyug, nbyang Gwazi wa si yet alyag Atyok u. ⁴ Kuda atyok a nai baka angya ma shyai tam Gwazi nang gu kup apio guki dak atyu jwai alyag gu wa. ⁵ Ama kuda abyug a nai baka ma shyai tam Gwazi nang gu lap apio guki dak a jwai alyag gu wa. Hu yet kyang gyung a nang ali kwad gu apio ki. ⁶ Ka abyug li lap apio guki dak, da yok gu fyet hu bwat kum. Khanang huma li yet abyug u kyang sum'a nang ali fyet pio hu kum i ke akwad gubwang apio, dak yok gu lap apio ki ⁷ Hu yet atyok akup apio guki dak, nang guwa ngyet atyu tai Gwazi'u i nbyang a sibo tu frung u dagu i. Ama abyug yet tu frung atyok. ⁸ Atyok'u nyet bi vam abyug a dak, ama abyug u nyet bi vam atyok a. ⁹ Abi mad atyuk u da nyan abyug dak, ama abi mad abyug u a nan atyok kya. ¹⁰ Ughwa nbyo abyug u li dap apio guki, nang huli ngyet kyang nang atyok u nbyo gbwaang i, da nyan nman ntam Gwazi ni. ¹¹ Kakab ba anya, bumi Atyo, abyug li swan zan ba atyok u dak, bada atyok u ali swan zan ba abyug u dak. ¹² Sangag nang abyug u nyet ba atyok i, anya nang atyo u ngyet byin abyug. Ama kakab nkyang ni nyet bi Gwazi wa. ¹³ Nyin ba pio nyin i chyang ili: Hu ntai abyug a nai Gwazi u nang gu lab apio ki da? ¹⁴ Akwi ki ba pio ki tyet yin e kanang atyok sag amarab hu yet kyang sum a bagu. ¹⁵ Ama ka byug a sag amarab u, hu yet kyang gbwadang a bagu da? pio guhu a wang gu nang kyang kub i. ¹⁶ Ama ka yin chat nyo kanaan tutan kyang kai zi byo tada gyang dak, anya atu nai Gwazi bi. ¹⁷ Bumialyat nai, ndyep yin dak, kyang hu nbyo i ki tung dandung, hu yet kyang tan a dak zan bi katuk kyang. ¹⁸ Tau da utsi ki, nfog anyo kanang ika ntung buni tu nai u, i kau apio yi, nsi nghwag chuchuk ba lyot anai. ¹⁹ Hu yet ghwo a shyo nang i cang kakang baggang, aka kam yin ba nyet a yet kpadang bi ba yin i. ²⁰ Kanang i tung dandung, kyangyag Atyo a nang i gyi dak. ²¹ Kanang i gyi, koyan gyi sungu kyangyak u. ²² I byo usi nang ili ngyi i nswo bumi da? Ijwai tu nai Gwazi u nbyang i bi tyet anyet sang kyang bi nsum nya da? Tau yaha nang nni dyan ba yin? Ntsyin yin a? Koyi nni tsyin yin da sighwi dak! ²³ Kyang nang u san ba Tyo ughwa nang nghwag yin, engi Atyo Yesu, tutuk nang anndyap gui, a si kyak burodi ki. ²⁴ Nbyang nang gu kan ti Gwazi u didyep u, asi syep gu nbyang asi ghyo, "Ili vam nu ghwaghwi, nang hu yet si yin. Igyi uswon bi nyo anya u i ki njyung nu. ²⁵ Ba anya asi kyak agrung u nang aka tyak gyi kyangyag u, nbyang asi ghyo, "Ili agrung i wa yet lap'unu fai hu bumi aswok nuni. I nyo ngi kudajen nang ili nswo ni, i ki njyung nu." ²⁶ Kada jen za nang i ngyi burodi kai nbyang isi swo ba gurung i, i shyei aghu Atyo se nang gu bi bai. ²⁷ Tun anya kya, koyan na, nang agyi burodi ki ba kama swo agurung Atyo u da vag nang nang hu lak yet, ali yetatyu katuk a di vam, nbyang aswok Atyo ni. ²⁸ Yok koyan ya fim di chyang apoi gu'u kanang gu nyo anya awod a si gyi burodi nbyang a swo ba gurung u. ²⁹ Koyan a gyi a si swo nang gu lyen chiyang vam Atyo hu dak, a si swo zwot da tutan apio gu ki. ³⁰ Uhgwa nbyo anyet alyag bya vwo nbyang sang cget bayin, nbyang agyang yibi si kwi. ³¹ Ama ka zi tsyang apio zit dusham ali li katuk ba zit dak. ³² Ama ka Atyo likatuk zit u, a ghwat zit vfivfo bya kadak ali nghwag zit zwot dandung ba akum anyet swanti bi. ³³ Tutan anya kya, lanyuk atyok ba gyug, kanang i bai li gyi dandung, i vwongagyang. ³⁴ Shim dak ka yin fog zwong, yok gu gyi buli, kadak se atung yiki li ghwad yin zwot. Nbyang tutan nkyang sini nang i lru i, kanang nbai nni nghwag nvag da ni.