¹ Nyanini tidi gu ahira ucokoro acokoro aru Ibrahim. ² Agi Ibrahim ma suburka barki katuma kame kani mada zome ini mum ubezi ubari,ani me ahira Asere. ³ Nyanini tize be ta Asere ta guna,Ibrahim ma hem ina Asere, abati me unu hem in tize ta Asere. ⁴ De sa ma zin jatuma ka geme ahira anu nyanki be e imum, imum sa adi nyanki me ane ani barki katuma kame kani sz ma wuza. ⁵ De sa ma da wuza katuma barki anya me iri imum ma hibina ahira Asere, de sa ma sobiso ande sa wa wuza imumu iburi, aka bura me nyimo anu inko utize ta Asere iriba. ⁶ Ane ani Dauda ma buki ani ceh ni desa Asere abati me anyimo anu iso utize tume a mu riba mu we me barki ada nya we iri mum ba. ⁷ Sa ma gu, anu inko tize ta Asere amu riba mu we madini mawe me aveteni, akuri avisa vat madini ma we me. ⁸ Imum irum irunta ihuma ande sa Asere mada bata me anyimo ana madini. Adi basa ti mum tihuma ahira adesa da Asere akem me in madini ba. ⁹ A wuza imumu iriri ahira ande sa wa kaba tize ta Asere ba nani vat nan andesa wa kaba ba, imum be sati boo, abata imumu ihuma ahira Ibrahim barki uhem wa Asere ame ani. ¹⁰ Uya una uni abati me nii,sa amu zina agbara me nani daki a u gbara me ba, nani da amu wuza me ba. Da amu wuza ba. ¹¹ Ni gbari sa awuzi me barki a bezi kadure kameme kani,barki unya iriba imeme uganiya sa da amu wuza me nigbari me, Aani me barki ma cukuno acoh anu nya iriba, barki ma basa we anyimo anu unasa ace, ba sede awuza nigbari me. ¹² A ani me ma cukuno acoh ana nigbari, ande sa da sa nigbari nini wazini cas ba, wa tarsa una ukadure cangi ku cokoro uru ugino me Ibrahim,sa da azi amu wuza ni gbari me ba. ¹³ Imumu igino sa awu Ibrahim iriba, agi madi kem uneh azo se a iso me tize barki sa ma nya iriba ,ine ini Asere akabi me. ¹⁴ Ingi anu tarsa u iso utize wadi cukuno ahuma,ani ya cukuno uwuna iriba uzome in katuma in tize ti gino me ta cukuno uzatu katuma. ¹⁵ Barki u iso utize ti gino me ti hirziza Asere iriba ahira me sa u iso utize uzoni, imumu iburi izoni. ¹⁶ Ani me ani u inko iriba wa hibinani,ani me barki abezi uhem wa Asere, barki arusi unu nya iriba Ibeahim da agi ande sa wa ra una udungara u musa cas, nan ande sa wa inko mu riba ugusa Ibrahim ma wuu. Ibrahim ugino me memani ucokoro uru va. ¹⁷ Kasi sa anyetirke agi, ma wu a we ucukuno acoh ati lem vat, Amyinca tize ti gino me Ibrahim ucokoro uru mani ahira Asere de sa ma nya iriba ahira ame, me mani unu bari ma titi timum sa ti zo ba nan tige sa ti zii. ¹⁸ Uwuna iriba Ibrahim izi gusi izome in katuma ba, vat ani me ma ri aje unu wuzi riba ni,ma isi iriba ni manno ma cukuno acoh ati lem gbardan, a anime barki sa awuzi me tize ta bangame,"ane ani bi sana buwe me bidi cukuno. ¹⁹ Uganiya me Ibrahim ma zin ti weh ni ino (100) da ma wuna seke anyimo u iso utize ta Asere iribame, barki ma hira mazin ni kara ani pum numeme vat unu guna ma mu unah,wannu guna Saraya uneh umeme mamu aka uganiya u yoh. ²⁰ Da ma kem mare ma aye ba ubuka Asere abezi uzatu u inko iriba, ba ma kinki nikara anyimo u iso iriba sa abuki me agi,"Ane ani bisana bi we me bidi cukuno. ²¹ Ma hem anyimo iriba meme vat i um sa Asere ma buki ani ceh numeme idi cukuno ani me. ²² Ani me vat ya cukuno me imumu u iso iriba. ²³ Vat ani me sa anyetirke da anyetirke barki Ibrahim mani cas. ²⁴ Wan haru cangi haru ande sa ta hem u u hirza u Yesu anyimo iwono. ²⁵ Yessu,desa anya me barki madini maru, akuri ahirza me barki ti kem u biki ahira Asere.