¹ Barki ani me nyanini ureh aje a Yahudawa, wan nyanini ukem uwe me ahira ani gbarii. ² Imumu idang ini ko di uya unaa, Utuba me vat, wa hem unu gamirka wa Asere. ³ Nyanini idi kem a Yahudawa age be sa da wa inko iriba ba, uzatu uhem uwe me udi wuu u inko iriba, i iriba ahira Asere udi cukuno sarki katuma. ⁴ Ahira agino Azoni, barki ani me, ca Asere a cukuno duru kadure, ingi unu ma de una umacico, kasi sa anyetirke,"Agu anyimo atize tu meme udi boo kadure, barki uda ken we ma aye ahira atigomo. ⁶ A,ani me uzatu me ulau urum me wa bezi uzatu ulau wa Asere, Aneni ti di gu anime.Asere azome unu zatu ulau ba,ma da garziz imum ba, nani ma wuza ani me in gusauboo ushe uni wanu. ⁵ Kati i cukuno ane ba, ingi ya cukuno ani me aneni Asere adi iri uneeh. ⁷ Barki ani me ingi ma wu macico barki in nonzo Asere ani, a ani me nyanini ya wuna ahiram una ma dinii. ⁸ Yani ya karti tigu, kasi macico sa ti boo, aye aw turi agi ta guna -"ca ti wuzini imum ibur, barki iriri eh; i,ya ini iteki duru. ⁹ Ti guni, ti suso ace aru a macico mani, tamu guna a Yahudawa nan anu zatu kaba utize ta Asere agi ana madini. ¹⁰ Kasi sa anyetirke,vat unu lau marani ba ko unu inde. ¹¹ Ba desa ma tinka, ba desa ma nyara Asere. Vat wa gamirka nigura na chmuno sarki katuma. ¹² Ba desa mawuza riri, vat unu gbardan uwe me daki akem unu inde ba. ¹³ A kwicau awe me a pokino kasi mucau, Alem awe me a boo nacico,Ti kono ti iwa ti ra ama waa ma nyo awe me. ¹⁴ Ti nyo tuwe me ta myinca inti tize ti bur nan tize ti gwangwan. ¹⁵ Ti buna ti weme tizi dibe dibe uhana ahira uka kwanko uma yee. ¹⁶ Uhuza anu wan uzito une uni katuma kawe me. ¹⁷ Wa da rusa unah uvenke ba. ¹⁸ Wa da kunna biyau ba Asere aje awe me ba. ¹⁹ A, ana me ti rusa nyanini tize ta Asere ta guna,ta guna vat ande sa wa ra anyimo me,ca wa impi ti nyo tuwe me, vat uneh udi eh atari ta Asere. ²⁰ Da a ira desa madi suburka Asere badki utarsa utanda, ahira utarsa utanda aka kem urusa imum imadini. ²¹ A, ana me barki utanda ugino uni akem una urusa Asere, Anu kurzizo tize ta Asere wan agomo utanda wa ziki ani me. ²² Ubenki wa Asere ugino me sa akenzi ahira u inko iriba ahira a Yesu barki vat ande sa wa hem ubezi usassas uzoni. ²⁴ Vat anu wa rizi, wa siziki we ahira Asere. ²³ Barki ugogoni wa Sere ma cekin duru usuro u vana umeme Yesu. ²⁵ Asere a wu Yesu ma cukuno una ti cukun ti runta barki unya iriba in mayeh ma Yesu sa ma igizo,ma wuzi ani me barki ma bezin duru ubari umeme, barki iriba ishew imeme ma vete vat imum me sa awuzi adumo. ²⁶ Barki ma bezi ubari umeme atiye ti kani,abezi me ni ceh nu meme mabari, unu bura u vat ande sa ma kaba makuru ma hem in Yesu. ²⁷ U bezi uru me uraa, imumu iziba, A hira anyanii, katuma,kodi,sede ahira u inko iriba. ²⁸ Ta mara unu guna, unu ma bari u ira Asere barki katuma kame se unu inko iriba ahi ra Asere. ²⁹ Nani Asere me Asere a Yahudawa ani cas, Da Asere an desa da wa mu kaba tize ta Asere: Ane ani, Asere anu zatu kaba Asere ani cangi. ³⁰ Ta buna utanda ugino me barki be u inko iriba me? kati icukuno ani ba, barki anime ta hem unu tanda me. ³¹ Igusa agi u inko utize me ura anyimo ukadure kani? ida cukuno agi wa canti u inko utize ba.