¹ In anime ni henu in zinu iko ushi barki ubardang immum iriri ya sere, wito ine ace ashime udenge wa sere barki ine ini biyau bihuma. ² Kati itarsi uganiya ugeme su zi ichiki iriba icukuno wasi isan zi muruba mu shine vat, vat barki ibezi imum be sa Asere anyara, imum iriri sa madi kabi. ³ Usuro imumu iriri sa awuzani ni in nya vat uru tise, kati ma ziki ni ce nume uzina sa in zi, cah marusi in nice nume, ubinani uhem sa Asere anyame. ⁴ Kasi tihihira gbardang tigati ani pum ni indai, tihihira tiginome katuma ka indaime kani. ⁵ Ane ani haru me, ko sa ti ori, ni pum ni gafi nan vana Asere, vat uru tihihira ta ce-ce tini. ⁶ Vat uru mazin ni imube sa Asere anyame inki sere a nyarawe in nu buka u ni ca ubuki ini kara nuwe sa wa hem ni. ⁷ Inki utarsa in nanu, utarsi meme rum, unu dungara utize ta Sere tini a ma dungara. ⁸ Unu bura umuruba ma cukuno ahira ubara umuruba mume, unu bengizi amanyaga tap, unu tarsa ina nu ama tarsi unu rusa abanga una katuma ku gugguni amawuzi ini iruba irum. ⁹ Caa uhem in nacece ucukuno sarki uhira acece. Kati iwuzi imum iburi ba, inko ni muriba ihra imum be sa irizi. ¹⁰ Abanga uhem uni henu, hem ini cece kang, inya acece tinanu. ¹¹ I cukuno anu umokoro, kati i cukuno cancan ba. Abanga abibe biriri soki ni nice nin. Nonzo nin ugomo Asere. ¹² Wuza nin iriba irum barki nikara niriba sa izini abanga aje ashi me. Natta nin muriba mushi ahira ijasi me izini usiza me. Cukuno nin ana biringira sarki umarsa. ¹³ Benki nin nihenubanyimo ijasi nacece. Kaba nin nihenu. ¹⁴ Rigirka nin andesa wa yomo shi,kati iwu we, wuza ni we biringira bati Asere ma kpici we. ¹⁵ Wuza nin iriba iru nan andesa wa zin iniriba irum, ikuri iwuzi iriba ibit nan andesa wazin imuriba mubit. ¹⁶ I cukuno ni huma nan nihenu. Kati ibezi ace ashi me anu rusa wani. ¹⁷ Kati igarza imum iburi nan imum iburi, Wuza imum me sa anabu wadibwadi iri tinanu tishi me. ¹⁸ Wuza nin imum me sa idi wu icukuno merum nan nihenu. ¹⁹ Kati igarza imum iburi ahira imum iburi ba, wuza nin ticukum kati irizi anyimo iriba izenze yasere, amu nyertike aguna "ugarsa imum iburi ura atari ti ugomo Asere tini." ²⁰ Barki ani me, inki aroni ishina iweme ma kunna ikomo, nya we imum ya re, inki wa kunna niwe ni mei nya we mei wa si. Inki wa wuza ani, uzini urso uwe a'ne ura ani ce ani. ²¹ Kati iceki iwuza imum iburi ihunguko muriba mushi me, barki ca iwuza imum iriri icukuno amuriba mushi me.