¹ Indi iki, nani Asere anyarizi me anu ameme? Idake icukono ani ba. Mi unu Uisraila mani bisana bi Ibrahim, ani lem ni Biliyaminu. ² Ugomo mada nyari me anu ameme sa ma rusi we dati utuba ba. Ida rusa unyertike utize ta Asere taa buki ahira aIliya, sa maa riki Ugomo Asere tari anice anu Israila? ³ "Ugomo Asere ahuzi anu ubezizi utize ti we me. Wa kure wa pusi ubagadi uwe me. Mi mani cas ma dee,wa nyara wa huum. ⁴ Ugomo Asere maa kabirka ma gu me nyanini? Ma kabirka ma gu "ma inko any a'ino usanare an desa daki tunguno makiri ba'al ba." ⁵ Vatin ani me, ana me ukasu urani sa a zauka we barki iriba isheu. ⁶ Inki ya cukuno barki iriba isheu ini, daki ya cukuno barki katuma ku unu ba. Daki ya cukuno iriba sheu ida daza me iriba isheu ba. ⁷ Nyanini idi ku zi? imum be sa A, Israilawa wa zi unu nyara me, daki wa du ku kem ba, iye ya cukuno an desa azauka we kem ukasu wa cukuno gbas. ⁸ Ya cukuno gusi sa anyertike "Ugomo Asere maa nya we bi be bi ugbas nan ituri, a je sa wada hira me ahira ni ba, ti tui sa wadi da kunna me tize ni ba, a nyimo uwui ugeme.'' ⁹ Dauda ma guna "caa utebur uweme ucukuno gusi imum i mensi icere,imum imensi inama, nipoo ni upilizino nan nugarza imum be sa wa wuza. ¹⁰ Ca aje aweme acukuno bibit bati kati wa hiri ahira ba. Amaru aweme adi tunguron sarki umarsa.'' ¹¹ Har kanime izin unu iko, "nani upilliko me udi biki uguna wa rizi?" Asere awu kati icukuno ani me ba. Barki usiziki uweme anu amadini wa kem masaa,bati wa kunna ishina. ¹² Inki usiziki uwe me wa cukuno ukem une uni, u dira uwe me ukem wa na amadini uni, nyinini uwa uvu uweme udi bezi? ¹³ Ana me izin tize nan shi ana madini, mi sa inzi unu dungura ahira ashi ana madini in kunna in katuma kam. ¹⁴ Inhira indi dari mu riba ma desa tizi a'inde nan we. In hira ti di benki aye awe me. ¹⁵ Inki ya cukuno unyare uwe me udi cukuno abarka une uni, ukaba uweme udi cukuno ukem uvegize uni usuro iwono? inki a barka bisana bituba uhina, ane ani nitini me. Inki abarka niji ni bisana me, ane ani irii me. ¹⁷ Ana me ingi amu pusa ire iri, ingi hu iri utiti uni jaa, apata nan we, inki iciki nigoo me ati jii ti utiti u'olive. ¹⁸ kati uwuzi irii me uwetere ba. Inki wa wetere ma,daki ha mani u'inta tiji me ba, tiji me tini ti inta we. ¹⁹ Idi ku gunna, iri me ya pusa bati mi in kem ahirabumeki. ²⁰ Kadure kani, barki uzatu unya ace awe ani ine ini ya wu wa pusa, tonno nin ini kara barki uhem ushi me. Kati i yeze ace ashi ba,k unna nin biyau ba Asere. ²¹ Sarki Ugomo Asere ma tarsin iri ituba shi ma mada tarsan inshi ba. ²² Duku ira nin, abaga upazaza Ugomo Asere. Nire nikira, u pazaza wa e anice na Ayahudawa sa wa rizi. Nire nikira usheu Ugomo Asere wa e ace ashi me, inki ya re aje anyimo usheu umeme. Nani shi ma adi koruko shi ma avete nin. ²³ Sarki daki wa ri aje unu zati unya ace, a da meki we a zeni. Ugomo Asere mada ke ma kuri ma zen we. ²⁴ Inki akoruko anyimo utiti usas, nan unu wuna Asere ma inki shi anyimo utiti uriri. Aneni abanga Ayahudawa, sa we wani iri me Asere abarka anyimo utiti ulive uwe me? ²⁵ Inda nyaram shi icukuno sarki urusa imum ini hunzi ni geme ba nihenu, kati icuno sarki ubasa ti memeru. Imum ini hunzi ni geme ya in ni jas cingili ahira Ayahudawa, u duku hana anice ana madini. ²⁶ Vat in ani me,gusi ubuka anyimo unyettike me Aisraila wadi kafa vat uwe. "unu benki me madi suri Usihiyona. Madi suso anu zatu unya ace anyimo a Yakubu. Udi cukuno une uni barka utize tum nan we, uganiya sa indi kpici madini ma we me." ²⁸ Abanga atize ta Asere, a game we barki shi. Nire nikira barki uzau ka Ugomo Asere, a nyara we barki anu tuba aweme ani. ²⁹ Unyanki imum i ugomo Asere mada gamara me ba. ³⁰ Azi anu uzatu ukunna utize ta Asere ani unu tuba, shi be ya kem uvenke, barki uzatu ukunna utize ti we. ³¹ Ine ini ya cukuno barki ukem uvenke ushi me, we ma wa dake wa kem uvenke. ³² Barki Ugomo Asere ma korso uzatu ukunna utize, bati ma bezi iriba ish eu imeme anice nanu vat. Wuyi!, uconco urusa nan ugbardang Ugomo Asere uda zo me ini imum bata ba. Adi wuu aneni abati u'inko utize timeme, ada ke arusi nibaba ni meme ba. ³³ Aveni mada ke ma rusi iriba i Ugomo Asere? Nani aveni ma bari ma cukuno unu gamara ume tize? ³⁵ Aveni ma tuba unya Ugomo Asere ire imum, sa di kurzo me ini? ³⁶ Barki me mani, usuro ume uni nan ahira ame ani vat akenzi timumum nin. Caa tinonzuko niza ni meme sarki umara, na icuno ani me.