¹ I za o̱ mio̱in khi vbi obo̱dio̱n si o̱lo̱dia vbi ekpeteo̱ba, ebe la shiere rivbo̱ la vin emi o̱ i vbi isao bi uokho so̱i, a ri akan ihio̱n khaan i an. ² I za min ange̱li lo̱mo̱n utotomi lo̱ khue urun dianre, o̱mian o̱ re̱ o̱i "O̱ e̱ o̱vbo̱ lo̱ lo̱ taan o̱li ebe la shiere naan o gboo akan so̱i a?" ³ Aimin o̱o̱so vbi okhumieimi da vbi o̱li agbo̱n na, da vbi okpoto̱o̱ o̱li agbo̱n na lo̱ meti taan o̱li ebe a lo̱i re̱ ko̱ o̱ i. ⁴ I vie̱i, uvie̱mi si oya, erimidi ai min oto̱kpa lo̱ e o̱vbo̱ lo̱ meti taan o̱li ebe aa da o̱ko̱o̱ ii. ⁵ Ama, o̱kpa vbi eli edio̱n za e̱ me̱n, "Eke vie̱. Ghoo̱i o̱li Akpakomize̱ lo vbi uaami si Ijuda, lo̱ vbi i-ii isi Idavidi, o kho̱n okho̱in. O̱lo̱ meti tan o̱li ebe a, bi akan so̱i." ⁶ I za min oghogho lo̱ muzain vbi esese̱ si o̱li e̱kpeteo̱ba bi emamai ele le mo̱n oreghe bi eli edio̱n ue be ele. O̱ u bi o̱la gbe uu. O̱mo̱n ike ihio̱n bi e̱o ihio̱n, ena i khi Etin ihio̱n isi Oise̱le̱bua la ye yi o̱li agbo̱n na ere̱me̱n. ⁷ O̱ za shan o̱ nwin o̱li ebe sho̱ vbi obo̱dio̱n si o̱lo̱ dia vbi ukhumi e̱kpeteo̱ba. ⁹ Eo̱ sui ioo lo̱gbo̱n: "Ue o̱vbo̱ o̱lo̱ nwin o̱li ebe, ugbo vuyi emi lare̱ kaan ye̱n aa, o̱hio̱ khi era gbe e̱ uu uza ri e̱re se̱ di eia yi Oise̱le̱bua, vbi uanmi, uroo, eia bi uhumuroo ere̱me̱n. ¹⁰ Uri ain chie̱n eli emo̱n oje bi ekhe̱n ohe̱in li elo̱ ya gi Oise̱le̱bua mai, elo̱ ui ayee si ain vbi o̱li agbo̱n na." ¹¹ I za kae̱o, i hin okeke si ekhe̱n ange̱li le bun le lagaa o̱li e̱kpeteo̱ba bi emamai le mo̱n oreghe bi edio̱n. Ubun mi sian se̱ i vbi egbe̱n-egbo̱igbe vbi odi igbe vbi odigbe si e̱gbe̱e̱n-egboigbe si e̱gbe̱e̱n-egbo̱igbe. ¹² Ekhue urun gboo, ere̱ o̱i, "O̱lo̱ e o̱vbo̱ li khi ovbi-oghogho la gbe uu lo̱i re̱ mo̱n utotomi, efe, ewain, uohiami, ekpe̱n, o̱khae bi ire." ¹³ I ho̱n khi emi ere̱me̱n la mai le ri vbi okhumeimi bi elo̱ ri vbi o̱li agbo̱n na bi oto̱o̱ o̱li agbo̱n na bi ukhumo̱n olokun, emi ere̱me̱n le ri vbi e̱ke̱in ain-e o̱i, "Re̱ yi o̱lo̱ dia vbi e̱kpeteo̱ba bi ovbi oghogho, li khi, ire, ekpe̱n bi o̱khae bi uototomi si are̱shan re̱le̱ re̱le̱. ¹⁴ Eli emamai le mo̱n oreghe ele re̱ o̱i "Amin," eli edio̱n sali eke̱in run vbi ugami.