¹ O̱kese̱, i za min eami ogo, o̱za vbi e̱ke̱n olokun dianre, o̱ mo̱n ike ihio̱n bi uhumi ihio̱n. O̱li ike ihio̱n so̱i, ivbierun oje igbe riivbo̱, o̱kpokpa vbi eli uhumi ihio̱n eni si uroo̱be. ² O̱li eami ogo li mie̱n na, o̱ u bi e̱kpe̱n. Awe̱ so̱i u bi isi awaluhobo, unu so̱i, u bi unu si akpako̱mize̱. O̱li idrago̱ni o̱o̱ nwin utotomi so̱i, bi ekpeto̱ba so̱i bi ase̱ lokhua so̱i lo̱ i ya ri ue̱e̱n shan. ³ O̱u bi emo̱ kha gbi o̱kpa vbi uhumi si o̱li emiogo ama, eba za riai egbea kho̱o̱, o̱ke fo. Agbo̱n ere̱me̱n nyin unua ebi yain re̱khan o̱li eamiogo. ⁴ Yan gbo gii o̱li idrago̱n, ebo̱i u khi o̱ nwin ase̱ so̱i ni o̱li eamogo. Yan gbo gi o̱li eamogo achie̱, ya tai saa, "O̱o̱ u bi o̱li eamogo?" bi, "O̱o̱ lo̱ meti kpaa i kho̱ne̱n?" ⁵ Ari unu li o̱li eamogo lo̱ lo̱ ya re̱ meti ti eta si ikhuaegbe yi okhumi bi uroo̱be. Ari ehee nai re̱ wee ase̱ shan vbi ukin egbo̱eva-ikpeva. ⁶ O̱li eamogo o̱za ti yin unua lo̱ re̱ ro uro o̱be yi Oise̱le̱bua, bi eni so̱i , ebi o̱ dia bi e lo̱ ri vbi okhumeimi. ⁷ Ari ehee li o̱li eamogo re̱ kpa yi elo̱mie̱ho̱n gbi egbe, bi lo̱i kho̱n o̱lo kho̱in siain. Agbo ri ase̱ nai vbi uhumi si ivbiera, eia, uroo bi uhumuroo. ⁸ Elo̱ ri vbi o̱li agbo̱n na ere̱me̱n lo̱ gai, eli o̱ u khai vin eni siain, obo̱ la re̱ min o̱li agbo̱n na, vbi e̱ke̱n Ebe si Arivbo̱, lo̱ ui si o̱li Ovbioghogho la gbe u lee. ⁹ Akhai khi o̱li o̱ia, mo̱n eho̱n, o̱i daa eho̱n. ¹⁰ Akhai khi alo̱ re̱ nwin o̱ia vbi oghumi, alo̱ kpe̱ nwo̱in yi evbo̱. Akhai khi alo̱ re̱ ni itakobi gbi o̱ia, itakobi la lo̱ re̱ gbo̱i. Aan li khi eba i li elo̱ fuain za mo̱n ozie̱n bi areto̱n vbi egbe. ¹¹ I ke za min eamogo o̱vbee lo̱ gbo za vbi e̱ke̱n oto̱ dian de. O̱mo̱o̱ ike eva elabi si Ovbioghogho, o̱ti eta bi idrago̱n. ¹² O̱ wee ase̱ ereme̱n isi eamogo lo̱ kpao vbi irae̱o so̱i, o̱ nwin agbo̱n bi eia le ri vbo̱ lei ya gi eamogo lo̱kpao-o̱ ain li a fiio̱ i emiakpo lo̱ ke fo. ̱ ¹³ O̱ biobia si o̱nyin unu a le khua. O̱ zii erain za vbi okhumeimi di oto̱i re achie̱ vbi irae̱o si eia. ¹⁴ O̱hio̱ si ae̱e̱n la ri ehee nai re̱ u, o̱ zo̱i te̱e̱ elo̱ u khi eri vbagbo̱n e, o̱ re̱i ain lei ri obo̱ mi emi lei re̱ nwin ekpe̱n yi o̱li eamogo lo̱ mo̱n ukhuankhuan si eba za ri itakobi hiain lo̱i uu. ¹⁵ Ari ehee nai re̱ ri etin la fii, li eamogo lari obo̱ma, li o̱li emari obo̱ mai ya re̱ meti ti eta, o̱ gbo zii elo̱ i aman gii o̱li eamogo chie̱n ela lo̱ gboo kua. ¹⁶ O̱ gbo ri uan mai khu amai zi eia gbei, eleide nwin emin, khi ele khuai, khi ele feei bi eli e̱so̱n o̱ gbe, elemo̱n egbi ain bi ighumi, re̱ mie̱n ae̱e̱n o̱ vbi obo̱dio̱n da vbi e̱hai si ain. ¹⁷ O̱ia kha ke meti di emi da o̱ shin emi, so̱i mo̱n ae̱e̱n si o̱li eamogo, o̱ an i khi ako̱o̱ eka lo̱ muzain vbi ehee si eni so̱i.