¹ Awin owuo ne̱me̱ li re̱ wee o̱i bi amanoto̱. I e̱ me̱, "Sho vbi oto̱i re, lu maa itempo isi Oise̱le̱bua bi o̱li ikpe̱kpoisa bi eli yan ui uga mi vban. ² Ama, e maa otaafe̱n li ite̱mpo i e, eri a ke ri o̱ ain hun mo li e̱khe̱in Ije̱ntails. E lo̱ ri ikhumiza gbi ite̱mpo lo̱ vbi e̱vbo lo̱fuan vbi e̱ke̱n ukin egbo̱eva-ikpeva. ³ I lo̱ ri ase̱ ni o̱se̱e̱i me̱ eva, lei re̱ ti atakpoto̱ vbi e̱ke̱n ikpe̱de̱ e̱gbe̱e̱n, ie vbi egho̱o̱gban, e wee ukpu si aigue̱." ⁴ Eti o̱se̱e̱ leva na likhi oran si olivu eva bi emi la nwin urukpa o̱ eva le ghe re̱ muzan vbi isao si O̱lo̱mo̱e̱n agbo̱n ere̱me̱n. ⁵ O̱lo̱ i u lo̱ mamai emilo̱be̱ re̱ ui ain, erain lo̱ za vbi unu siain dianre lo̱lo̱ too egbe si ain a. O̱lo̱ i u lo̱ o̱ khi yo̱in lo̱ ui ain o̱riaa, ina la lo̱igboo i ain kua. ⁶ Eli elo̱lo̱ ui o̱se̱e̱ mo̱n ase̱ le lo̱ re̱ din okhumi nye̱n li ame̱n kha re̱ meti ro̱o̱n vbi e̱ghē le lo̱ rē ui atakpoto̱i. E mo̱n utotomi le lo̱ re̱ ri ame̱n chie̱n e̱re, bi ehua emianmi ugbeu ededan kuo̱ vbi agbo̱n so̱ e̱ghiain vbi iyo̱. ⁷ Li yain o̱ ke re̱ foo ari o̱se̱e̱ io̱ si ain lee, eamogo lo̱ lo̱ za vbi o o lo̱i mo̱n ire̱so dianre, lo̱ kpa yi ain kho̱e̱n. O̱lo̱ khuokho̱in, o̱gboo i ain kua. ⁸ Ekun oimin si ain lo̱ e vbi idanmi oee si o̱li okpe̱n vbo la echo̱i Isodom bi Ijipti eba za khan O̱lo̱mo̱iain nye̱n vbi oran. ⁹ Vbi e̱ke̱n ikpe̱de̱ ea bi ushio̱mi, eso vbi eia o̱do̱dan, eboo, uroo bi uhumuro lo̱o̱ ka e̱o ghoo ekun oimi siain, e kha ama lai re̱ ri ain to̱n. ¹⁰ Elo̱ ri vbi agbo̱n lo̱ ya gho̱gho̱n i ain vbi uhumi, yan siie, yan gbe. Elo̱ ya ri ohan yi egbe akemian, erimidi khi eli etueva li emie̱o kpoto̱i na, eri oya ii elo̱ ri vbi o̱li agbo̱n na. ¹¹ Ama, ikpe̱de̱ ea bi ushio̱mi kha ke rare, Oise̱le̱bua lo̱ fii etin o i ain vbi egbe, elo̱ chie sho̱re ri oe̱ siain muzan. Ofe̱n lokhua lo nwin elo̱ miin ain. ¹² Elo̱ ho̱n khi urun la ho̱in gboo lo̱ za vbi okhumieimi vare lo̱ i ain, "Dianre vbi ean." I yo̱ yain lo̱i yi okhumi di okhumieimi vbi e̱ke̱n ohuu, ebi ekhe̱n o̱be si ain lo̱ yain ghoo. ¹³ Vbi o̱li e̱ghe̱an, oto̱i lo̱ totobo̱ nwukpeghe valo̱ kua, a hin igbe si o̱li okpe̱vbo lo̱ deo. Etui e̱gbe̱e̱ vbi odihio̱n si eia li elo̱ ulo kua vbi oto̱i lo̱ kpeghe valo̱a, ofe̱n lo̱ ui elo̱ ko̱re udu, lei re̱ ya ri o̱khae yi Oise̱le̱bua si okhumieimi. ¹⁴ Ikhueo lo̱ zi eva o̱ rare. Ikhueo lo̱ zi ea, o̱vade e̱je̱je. ¹⁶ Eli edio̱n ue bi ele li ain dia vbi e̱kpeteo̱ba si ain vbi ebi Oise̱le̱bua ri, za sali e̱ke̱n run, fi le̱o kpoto̱i. Yain ree Oise̱le̱bua. ¹⁷ Ere̱o̱i, "Mai khuemi e̱n, O̱lo̱mo̱e̱n, Oise̱le̱bua lo̱ gbale, o̱lo̱ rivbo̱, lo̱ ghe rivbo̱, erimidi khi u nwin utotomi se̱ lo̱ khua ube̱e̱ i khi uri vbi ayee se̱e̱.