¹ ಹನೂರೇತು ಅಪಣ್ ವಿಶ್ವಸಮೇತಿ ನಿಯತೆದಾರ್ ವೇಜೇತಿ ಅಪನೆರೋ ಪ್ರಭು ಯೇಸುಕ್ರಿಸ್ತವರ್ಡಿ ದೇವೆತಿ ವಿಜಕೋ ಸಮಾಥಾನೆಮಾ ರೇಮಾ. ² ಓತಿಜ್ ಅಪಣ್ ಅಬ್ಬ ಕೃಪಾಮಾ ಜಾಯೇರೋ ನಶಿಬೇನ ವಿಶ್ವಸಮೇತಿಲೇನ್ ಘಟ್ಟೆನ್ ದೇವೆರ್ ಮಹಿಮನ ಪಲಿಯಾ ಕಜಕೋ ಭರೋಸೇತಿ ಆನಂದ್ ಪಾರೇಚಾ. ³ ಈಅತ್ರಾಜ್ ಕೋನಿ ಅಪನೆನ ಆವಾಜಕೋ ಭ ವೇಟಿಮಾಯಿ ಅನಂದೇತಿ ಛ. ⁴ ಕಸ್ಸೆನಕತೋ ಭಾವೇಟಿತಿ ಖಮ್ಮಲೇರ್ ಆವಚ, ಖಮ್ಮಲೇರೇತಿ ಅನುಭವ್ ಆವಚ, ಅನುಭವೇತಿ ಭರೋಸೋ ಆವಚಕನ್ ಮಾಲಂಕಮೇಲೇಚ . ⁵ ಈ ಭರೋಸೋ ಅಪನೇ ಅಪನೆರ್ ಅಸಾನ ಹಳ್ ಕರೇನಿ ; ಅಪನೆನ ದಿನೋಕೋ ಪವಿತ್ರಾತ್ಮವಾಡಿತಿ ದೇವೇರೋ ಪ ಪ್ರೇಮೆರ್ ರಸ್ ಅಪನೆರ್ ದಲೆಮಾ ಘನೋ ಉಂದಾಮೋಚ. ⁶ ಅಪನ್ ಕಮ್ ಜೋರೇತಿ ರಜನ್ನಾಜ್ ಕ್ರಿಸ್ತು ನಿಯಮ್ ವೋಜಕೋ ವಗತತೇಮಾ ಬನಾಭಕ್ತಿವಾಳೆರ್ ವಾಸ್ ಮಗೋ. ⁷ ನಿತಿಮಾನೆರ್ ವಾಸ್ ಕೋಯಿತೋಯಿ ಮರೇರೋ ಅಪರೂಪ್ , ಮದತ್ ಕರೆವಾಳೆರ್ ವಾಸ್ ಕೊಯಿತೋಯಿ ಹಿಮ್ಮತ್ ಕೀದೆತೋಯ ಕಿದೇ. ⁸ ಪಣ್ ಅಪನ್ ಪಾಪಿರಜನ್ನಾಜ್ ಕ್ರಿಸ್ತು ಅಪನೆರ್ ವಾಸ್ ಮರೋಜೇವಡಿ ದೇವ್ ಅಪನೆಪರ್ ಓನ ಛಜಕೋ ಪ್ರೇಮೇನ ದಕಾಳೋಚ. ⁹ ಅಬ್ಬ ಅಪಣ್ ಓರ್ ಲೋಯಿತಿ ನಿತಿಮಾನ್ ರೇತೂ ಓವರ್ಡಿತಿ ಆವಾಜಕೋ ರೀಸೇತಿ ಚೋಡಾಲೇರ್ ವಜ್ಜಿ ಘಟ್ ಕೋನಿಕಾಯಿ . ¹⁰ ದೇವೇನ ವೇರಿವೆತ್ತೆಜೆ ಅಪಣ್ ಓರ್ ಬೇಟಾರ್ ಮೋತೆವರಡಿತಿ ಓತಿ ಸಮಧಾನೆತಿ ಛಾಜನಾ ಓತಿ ಸದಾ ಸಮಾದಾನ್ ವೆಜಕೊ ಅಪನೆನ್ ಉ ಬೇಟಾನ್ ಛಜಕೋ ಜೀವೇತಿ ರಕ್ಷಣ್ ವಜಕೋ ವಜ್ಜಿ ಸಾಸ್ ಕೋನಿಕಾ. ¹¹ ಅತ್ರಾಜ್ ಕೋನಿ,ಅಪನೆರ್ ಪ್ರಭು ಯೇಸು ಕ್ರಿಸ್ಥವರ್ಡಿ ತಿ ಸಮಾಥಾನೆನ್ ಪಾಮೇಜಕೊನ್ ಓವಾರ್ಡಿತಿ ದೇವೇಮಾ ಖುಷಿ ಪಾಲಾಚ. ¹² ಈ ಖಬರ್ ಕೀಮ್ ಕತೋ ಏಕ್ ಮನಕ್ಯಾತೀಜ್ ಪಾಪ್ ,ಪಾಪೇತಿ ಮೋತ್ ಈ ಜಗತೀಮಾ ಆಯೇ ; ಸೇಜ್ ಪಾಪ್ ಕೀದೇಜೇತಿ ಮೋತ್ ಹನೂ ಸೇರ್ ಮಾಯಿ ಪೇಲಾಗೋ ¹³ ಗ್ರಂಥ್ ಲಕ್ಕೆಜೆರ್ ಅಂಗಜ್ ಪಾಪ್ ಈ ಲೋಕೇಮಾ ರ ಪಣ್ ಗ್ರಂಥ ಛೆನಿಜೇತಿ ಪಾಪ ಲೇಕೇಮಾ ಆಯೇನಿ . ¹⁴ ವತೋಯಿ ಆದಾಮೇರ್ ದಾದೇತಿ ಮೋಷೆರ್ ದಾದೇಲಗು ಮೋತೇರೋ ಹಕಂ ಚಾಲರೀತಿ ಆದಾಮ ದೇವೆರ್ ಆಜ್ಞ್ಯಲಂಗನ್ ಕೀದೋಕೋ ಪಾಪೇನ ದೋಸರ್ ಪಾಪ್ ಕಿದೇಕೋನಿಜೇಪರಿ ಉ ಆಯೇ ಉ ಆದಾಮಾ ಆಯೆವಾಳೋ ಏಕ್ಲೋನ ನಿಶಾನೇರ್ ನ್ಯೆ ವೇಗೋ. ¹⁵ ಪಣ್ ದೋಷೆರ್ ಖಬರೇನನ್ ದೇವೇರ ಕೃಪಾರೋ ಖಬರೇನ ಘನೋ ತೇಡಾ ಛ, ಕಿಂಕತೋ ಉ ಏಕೆಮರ್ ದೋಷೆತಿ ಸೇ ಮನಕ್ಯಾ ಮಗೇಕೋ ಸಾಸ್ ವೇತೂ ದೇವೇರ್ ಕೃಪಾನ್ ಯೇಸು ಕ್ರಿಸ್ತಕಕೋ ಈ ಏಕ್ ಮನಕ್ಯಾರ್ ಕೃಪಾತಿ ಮಾಳಿಕೋ ಇನಾಮ್ ಸೇಜ್ ಮನಕ್ಯಾನ ಘನೋ ತಯ್ಯರ್ ವೆಮಿಜಕೋ ವಜ್ಜಿ ಸಾಸ್ ಕೋನಿಕಾಂಯಿ . ¹⁶ ಈಜ್ ಕೋನಿಜು ಪಾಪ್ ಕೀದೊಕೋ ಎಕೆತಿಜ್ ಬಲಾಘಲ್ ಆಯೇಜೂ ಈ ಇನಾಮ್ ಆಯಿಕೋನಿ ; ಕಿಮ್ ಕತೋ ಎಕ್ಲೋಜ್ ಮನಕ್ಯಾರ್ ಪಾಪೇವಡಿತಿ ಮರನುಕಜೇರ್ ಸಜಾಆಯಿ, ಪಾನ್ ದೇವೇರ್ ಕೃಪಾರ್ ಇನಾಮೇತಿ ನಿಯತೇರ ಇನಾಮೇನ ಪಾಮೇಲೇಜಕೋ ಯೇಸು ಕ್ರಿಸ್ತುಕಕೋ ಈ ಮನಕ್ಯಾವಡಿ ಜೀವೇತಿ ಪಾಲನ್ ಕರೇರೋ ವಜ್ಜಿ ಸಾಸ್ ಕೋನಿಕಾಂಯಿ. ¹⁷ ಏಕ್ಲೋ ಕಿದೋಕೋ ದೋಷೆತಿ ಮೋತ ಆನ್ ಉ ಎಕೆರ್ ವಡಿತಿ ಪಾಲನ್ ವೇನ್ ದೇವ ಡಕೋ ಕೃಪಾರ್ ಏನಾಮೇತಿ ನಿಯತೇರ ಇನಾಕ್ಯಾವಾಡಿ ಜೀವೇತಿ ಪಾಲನ್ ಕರೇರೋ ವಜ್ಜಿ ಸಾಸ್ ಕೋ ನಿಕಾಂಯಿ . ¹⁸ ಹನುರೇತು ಏಕೆರ್ ಆಗ್ ಭುಕ್ಕೆತಿ ಸೇ ಮನಕ್ಯಾನ ಸಜಾರ್ ನೆವ್ ವೇಗೋಜು , ಎಕ್ಕಜ್ ನಿಯತೇತಿ ಸೇ ಮನಕ್ಯಾನ ಜಾನ್ ದೇರ್ ನಿಯತೇನ ಛಾಜೇರ್ ನೇವ್ ವೇಗೋಚ. ¹⁹ ಉಜ್ಜಿ ಏಕ್ಲೋ ಮನಕ್ಯಾ ವಾನೋಕೋನಿಜೇತಿ ಘನೆ ಪಾಪಿವೆಗೇಜು , ಏಕ್ಲೋ ವಾಟ್ ಮಾನೋಜೇತಿ ಘನೆ ನಿಯತೇದಾರ್ ವಚ್ಚ . ²⁰ ಪಾಪ್ ಜಾಡಾವೇನಡಕವಜು ಗ್ರಂಥ ವಚ್ಚ ಆಯೋ;ಹನೂರತೋಯಿ ಪಾಪ್ ಬಡೋಜತ್ತ ಕೃಪಾಉಜ್ಜಿಜಾದಾ ಬಡೋಚ. ²¹ ಜೇತಿ ಪಪ್ ಮೋತೇನ ಛಾಜಜು ಪಾಲನ್ ಕರೇರ್ ವೇ =ಗೋಜುಕೃಪಾಅಪನೆರ್ ಪ್ರಭುಯೇಸುಕ್ರಿಸ್ತ್ರ್ವಡಿತಿ ನಿತೇತಿ ನಿತ್ಯಜೀವೆನ ಛಾಜಜು ಪಾಲನ್ ಕೀದೋಚ .