¹ ಹನುರೇತು ಅಪನೇರ್ ಬಾಪ್ ಅಬ್ರಹಾಮ್ ಜೀವಾಡಿರ್ವಡಿ ಕಾಂಯಿ ಪಾಲೋಕನ್ ಕೇಮಾ ? ² ಅಬ್ರಹಾಮ್ ಕಾಮೆತಿ ನಿಯತೇದಾರ್ ವೇಗೋವತೋ ಮೊಟ್ಟ ಣ್ ಕರೇನ ಕಾರಣ್ ಛ; ಅತೋಯಿ ದೇವೇರ್ ಅಂಗ ಮೊಟ್ಟ ಣ್ ಕರೇನ ಕಾರಣ್ ಛೆನಿ ³ ಏರ್ ಖಬರೇಮಾ ಗ್ರಂಧೆಮಾ ಛಜೇನ ಸೋಸ್ ಕರೋ ; ಅಬ್ರಹಾಮ್ ದೇವೇನ ವಿಶ್ವಸ್ ಕೀದೋ; ಉ ವಿಶ್ವಸ್ ಓರ್ ಲೆಕೆನ ನಿಯತ್ ವೇಗಿ ಕನ್ ಕಚ್ಚ . ⁴ ಕಾಮ್ ಕರೇವಾಳೆನ ಆವಜಕೋ ಕೂಲಿ ದಯಕನ್ ಕೆರಾಯೇನಿ ಪನ್ ಖಣ್ ಕನ್ ಕೇರಾವಚ. ⁵ ಪಣ್ ಕೂಣ್ ಕಾಮ್ ನಕರಜು ಅಪರಾದ್ ಕೀದೋಜೆನ ನಿಯದಾರೇರ್ ನ್ಯೆ ಗಣಜೇ ದೇವೇನ ನಮೇವಾಳೆನ, ಒತ್ತಿ ರಾಜೀ ಕಲೆನ್ ಓರ್ ವಿಶ್ವಾಸೇನ ದೇವ್ ದೇಕಚ . ⁶ ಕಾಮೇನ ನದೇಕಜು ಎಕ್ ಆದ್ಮಿನ ನಿಯತೇದಾರ್ ಕನ್ ದಾಮಿದ್ ಕೋಜಕೋವಾತ್ ಈಜ್ ಕಾಂಯಿಕತೋ ⁷ ಕೇರ್ ದೋಷ್ ಬುರಾಗೇಕೋ, ಕೇರ್ ಪಾಪ್ ಮಾಪ್ ವೇಗೇ೯.ಕೋ ಓಜ್ ನಸೀಬ್ ದಾರ್ . ⁸ ಪ್ರಭು ಕೆರ್ ಪಾಪೇನ ಲೆಕೇಮಾ ಲಾಯೇನಿಕೋ ಉ ಮನಕ್ಯಾ ನಸೀಬ್ ದಾರ್ . ⁹ ಈ ಅಸೀಸೇರ್ ವಾತ್ ಸಂತಾವಾಲೇನಾಜ್ ಕಾಂಯಿಸುಂತಾ ಛೆನಿಜೇನಿಕ ದೇಕ್ , ಅಬ್ರಹಾಮೆರ ಲೇಕೇನ ಓರ್ ವಿಶ್ವಸಾಜ್ ನಿಯತ ಕೆರಾಯೇಕನ್ ಕೇಮಾಚ. ¹⁰ ಉ ಕನ್ನಾ ಲೇಕೇಮ ಆಯಿ ,ಓನ ಸಂತಾ ವೇರ್ ಪಚ್ಚ ಕ, ಸಂತಾರ್ ಅಂಗ್ ಕ, ಸಂತಾರ್ ಪಚ್ಚ ಕೋನಿ, ಸಂತಾರ್ ಅಂಗಜ್ ಲೇಕೇಮಾ ಆಯಿ . ¹¹ ಪಚ್ಚ ಸಂತಾರ್ ಕಜಾಕೋ ಚಾಲೆನ ನಮೂನಸರಿಕ್ ಪಾಲಿದೋ , ಈ ಸಂತಾರ್ ಅಂಗಜ್ ಓನ ರಕೋ ವಿಶ್ವಾಸಮೇರೋ ನಿಯತೇನ ಮುದ್ರಾ ವೇನ ರ ಹನುರಜೆತಿ , ಉ ವಿಶ್ವಸ್ ಕರೇವಾಳೆನನ್ , ಓ ಸುಂತಾ ಛೆನಿಕೋರತೋಯಿ ಬಾಪ್ ವೆಗೋ ಓಯಿ ನಿಯತೇದಾರ್ ಕೆರಾವಚ. ¹² ಈಜ್ ಕೋನಿಜು , ಸಂತಾ ವಾಲೇಮಾ ಕೂಣ್ ಸಂತಾ ಕರಲಿದೆಕೋಜ್ ಕೋನಿ ಅಪನೇರ್ ಬಾಪ್ ಅಬ್ರಹಾಮೇನ ಸಂತಾವೆರ್ ಅಂಗರಕೋ ವಿಶ್ವಸೇರ ಖೋ ಜೇವೂನ್ ಝುಲನ್ ಚಾಲಚಕೋ ಉನ್ನೇನಿ ಬಾಪ್ ವೇನ್ ಛ, ¹³ ತು ಜಗೇನ ವಾರಸ್ ದಾರ್ ವೇಚಿಕೇರ್ ಬಚನ್ ಅಬ್ರ ಹಾಮೆನ ಹಾಮೆನ ರೇದ್ ಓರ್ ವಲಾದೇನ ರೇದ್ ಗ್ರಂಥೇತಿ ಆಯಿಜಕೋ ಕೋನಿ, ವಿಸ್ವಸ್ ಕಕೋ ನಿಯತೇತಿಜ್ ವಿಕೋ . ¹⁴ ಗ್ರಂಥೇವಾಳ್ ವಾರಸ್ ದಾರ್ ವೆವತೋ ವಿಶ್ವಸ್ ನಕಾಮುವೆಗಿ , ಬಚನ್ ಟಾಲ್ ವೇಗಿ . ¹⁵ ಕಸೇನಕತೋ ಗ್ರಂಥ್ ಜನ್ನೇನ ದೇವೇರ್ ಲಾವಚ, ಗ್ರಂಥ್ ಛೆನಿತೋ ಓನ ಲಂಗೇರೋ ಛೆನಿ. ¹⁶ ಜೇವಾಸ್ ಉ ವಾರಸ್ ಪಣ್ ಕೃಪಾ ತಿಜ್ ಮಾಲಜುರೇನ ಉ ವಿಶ್ವಾಸಮೇತಿ ಮಳಚ, ಹನು ಉ ಬಚನ ಅಬ್ರಹಾಮೆರ್ ವಲಾದೇವಳೆನ್ , ಕತೋ ಗ್ರಂಥೇನ್ ಮಾನೇಜೇನಜೆನಜ್ ಕೋನಿ ಅಬ್ರಹಾಮೆಮ ರಾಜಕೋ ವಿಶ್ವಾಸ ಛಜೆನ ಸದಾ ಘಟ್ಟೋ ಥಮಚ. ¹⁷ ಘಣ್ ಮಲೆಕ್ಕನ ತೋನ ಬಾಪೆರ್ ನ್ಯೆ ನಿಯಂಕಿದೋಚುಕನ್ ಲಕ್ಕನ್ ಛಜೇರ್ ನ್ಯೆ ಉ ವಿಶ್ವಸ್ ಕಿದೋಜಕೋ ಮಗೇಜೇನ ಜೀವ್ಯಾವಜು ಕರನ್ ಸೇ ಬಾಪ್ ವೇಗೋಛ. ¹⁸ ತಾರ್ ವಲಾದೇವಾಳ್ ಲೇಕೋ ಛೆನಿಜು ರಚ್ಚಕನ್ ಕೋಜೇರ್ ನ್ಯೆ ಉ ಘನೇ ಮಲೇಕನ ಬಾಪ್ ವೇರೋ ನಮೇರ್ ವೇನಿತೊಯಿ, ಓನ ಭರೋಸೇತಿ ವಿಶ್ವಸ್ ಕೀದೋ. ¹⁹ ಉ ಕಮ್ ಸರಸ್ ಸೋ ವಸೇರೋ ರಜನ್ನಾ ಮಾರ್ ಜೆವಡಾನ ಮರೇರ್ ದಾಡನ್ ಸಾರನ ಪೇ ಟೆತಿವೇರ್ ದಾದ್ ದಗರಗೇಕನ್ ಸೋಸ್ ಕೀದೋತೋಯಿ ಓರ್ ವಿಶ್ವಸ್ ಕಮ್ ವಿಕೋನಿ . ²⁰ ದೇವ್ ಕೀದೋಕೋ ಬಚನೆರ್ ಖಬರೇಮಾ ಉ ಅವಿಶ್ವಸೇತಿ ಸಂದೇಕ್ ಕೀದೋಕೋನಿ . ²¹ ದೇವೇನ ಮಾನ್ ಕರೇವಾಳೋವೆನ್ ಉ ಓರ್ ಬಚನೆನ ಪೂರೋಕರೇನ ಜೋರೇರೋಕನ್ ಪುರೋಭರೋಭರೋ ಸೋತಿ ಘಟ್ ವಿಶ್ವಸೇವಾಳೋ ವೇಗೋ. ²² ಜೇರ್ ವಾಸ್ ಉ ವಿಶ್ವಸ್ ಓರ್ ಲೇಕೇಮಾ ನಿಯತ್ ವೇಗಿ . ²³ ಪಣ್ ಉ ಲೇಕೇನ ನಿಯತ್ ಕನ್ ಕೇರಾಲೋಕೋ ಓರ್ ವಾಸಜ್ ಕೋನಿಪಣ್ ಅಪನೆವಾಸ್ ಸದಾ ಲಕ್ಕನ್ ಛ. ²⁴ ಅಪನೆರೋ ಪ್ರಭು ಯೇಸುನ ಮ್ಮಾಗೆಜೇಮಾಯಿತಿ ವಟಾಡೋಜಕೋ ದೇವೇನ್ ವಿಶ್ವಸ್ ಕರಕೋ ಅಪನೆನಿ ವಿಶ್ವಸ್ ನಿಯತ್ ಕನ್ ಲೇಕೇಮಾ ಆವಾಚ. ²⁵ ಓನ ಅಪನೆರ ದೋಷೆರ್ ಕಣ್ ಮೋತೆನ ಹವಾಲ್ ಕರನ್ ಅಪನೆನ ನಿಯತ್ ದಾರ್ ಕೋಕೋವ್ ಡಿ ಜೀವೇತಿ ವಟಾಡೋಚ.