¹ ಯೇಸು ಕ್ರಿಸ್ತುರ್ ಬಾಂಯಾನ್, ಅಪೋಸ್ತಳ್ ವೇನ್ ಬಲಾಮೋಜಕೋನ್ , ಅಚ್ ಖಬರೇರೇವಾಸ್ ಟಾಲಲೇಜಕೋ ಪೌಲ್, ರೋಮಾಪುರಮ ದೇವೇನ ಪ್ರೇಮೇರನ್ ದೇವೇರ್ ಜನ್ವೆನ, ² ಟಳಾಲೇದಿಜಕೋ ಸೇನ ಲಕ್ಕರೋ ಕಾಂಯಿಕತೋ ಅಪನೇರ್ ಬಾಪ್ ಛಕೋ ದೆವೇತಿನ್ ಛಕೋ ಕ್ರಿಸ್ತುತಿ ತಮೇನ ಕೃಪಾನ್ ಶಾಂತಿ ವೇದ. ³ ಅಚ್ ಖಬರೇನ ಕುಚುಕನ್ ದೇವ್ ಅಂಗಜ್ ಪವಿತ್ರ ಗ್ರಂಧೆವೂಮಾ ಓರ್ ಬಕ್ತಿ ದಾರೇರವ್ವ ದಿತಿ ವಾತ್ ದೇಮೆಲೋಚ. ⁴ ಈ ಅಚ್ ಖಬರ್ ದೇವೇರ್ ಬೇಟಾನ್, ಪ್ರಭುನ್ ವೇನ್ ಛಕೋ ಯೇಸು ಕ್ರಿಸ್ತು ವಾಡಿರ್ ಉ ವಡಬೂದೇರೋ ದಾವೀದೇರ್ ವಲಾದೇಮಾ ಹುಯೂ ಕನ್. ⁵ ಪವಿತರ್ ಆತ್ಮಾ ರಜಕೋನ್ ಮರೋಜೇಪಚ್ಚ ಜೀವೇತಿ ಉಟನ್ ಆಯೇಕೋ ಆಚಂಕಳಾರ್ ಕಾಮೇತಿ ದೇವೇರ್ ಬೇಟಾಕನ್ ಖಜುವೇಗೋಚ. ⁶ ಓರ್ ನಾಮೇನ್ ಪೇಲಾಯೇರ್ ವಾಸ್ ಸೇಜ್ ಪರಲ್ ಜನುಮಾ ವಿಶ್ವಸೇನ್ ಮಾನವೇರವ್ವಸ್ ಹಮ್ ಓವರ್ಡಿತಿ ಕೃಪಾನ ಅಪೂಸ್ತೆಲೇರ್ ಕಾಮೇನ ಪಾಲಿದೆ. ⁷ ಯೇಸು ಕ್ರಿಸೆವಾಳ್ ವೇನ್ ಅಮೇಲೇಕೋ ತಮ್ ಸದಾ ಓ ಪರಳ್ ಜನೇಮಾ ಛಜೇತಿ ತಮೇನ ಲಕ್ಕಛು. ⁸ ಅಗಡಿಯಾರ್ , ತಮಾರ್ ವಿಶ್ವಾಸ್ ಜಗೇಮಾ ಸೇ ಫೆಲಾಗಿಜೇತಿ ತಮಾರ್ ಸೇರಿ ಖಬರೇಮಾ ಯೇಸು ಕ್ರಿಸ್ತುರ್ವಡಿ ಮಾರೋ ದೇವೇನ ಸ್ತುತಿ ಕರುಚು. ⁹ ಮ ಅರಾಜ್ ಕರಜನ್ನಾ ಸೇಜ್ ತಮಾರವಾರ್ಸ್ ಛೂದೇನಿಜು ವಿಂತಿನ ಕರನ್ ಅಬೆಪರ್ ತೋಯಿ ತಮಾರ್ ಧಾಂಯಿ ಆಯೇನ ದೇವೇರ್ ಖಾತರೇತಿ ಮನ್ನ ವಾಟ್ ವೇಣುಕನ್ ಪೂಚಲುಚು; ಎನ ದೆವಜ್ ಮಾರೋ ಸಕ್ಯಾ. ¹⁰ ಓರ ಬೇಟಾರ ಅಚ್ ಖಬರೇನ ಕೇತೋ ಓನಜ್ ಮಾರ್ ಆತ್ಮಾಮಾ ಅರಾಧಾನ ಕರೇವಾಲೋ ಚು. ¹¹ ತಮಾರ್ ಮಾಯಿನ್ ಮಾರ್ ಮಾಯಿ ಛಜಕೋ ವಿಶ್ವಸಮೇತಿ, ತಮಾರ್ ಸಾತ್ ಮ ಸದಾ ಸಂಜಾವನಿ ವೇನ ತಮೇನ ದೇಕೇನ ಘನೋ ಹಂಸೇತಿ ಛ. ¹² ಕಿಮ್ ತೋಯಿ ತಮಾರ್ ಧಾಂಯಿ ಮ ಆಯೆನ ದೇವೇರ್ ಖತ್ರೆರ್ ನ್ಯೆ ಮನ್ನ ಅಚೋ ಪ್ರಯಾನಮ್ ಜಲ್ದಿ ಮಳಜಾಯೇನ ಅರಜ್ ಕರುಚು. ¹³ ಬಾಯಿಯೇ ಮಾರ್ ಕಾಮ್ ದೂಸರೇಮಾ ಪಲೇವಾಳೋ ಓಜು ತಮರೇಮಾಯಿ ಘಳೆವಾಳ್ ವಿಯ್ಯೇ ಕನ್ ತಮಾರ್ ಧಾಂಯಿ ಆಯೇನ ಘನೇ ಹಪ್ತಿ ದಳ್ ಕ್ಕಿದೊತೋಯಿ ಅಜೆತಾಣು ಅಡೂವಿಕನ್ ತಮೆನ ಮಾಲಂರೇಣುಕೆರೋ ಮಾರ್ ಅಸಾ. ¹⁴ ಗ್ರಿಕೇನನ್ , ಪರಳ್ ಜಣುನನ್ , ಗೇನಿಯೂನನ್ , ಬಗರ್ ಗೆನಿನ ಘಡ್ನು ಜಕೋ ಎಕ್ ಖನ್ ಮಾಪರ್ ಛ. ¹⁵ ಹಣುರಜೇತಿ ರೋಮಾಮಾ ಛೂಜಕೋ ತಮೇನ ಸದಾ ಅಚ್ ಖಬರ್ ಕೇನ ಮ ಕನ್ನಯಿ ತಯಾರ್ ಛು. ¹⁶ ಅಚ್ ಖಬರೇವರಡಿ ಮ ಲಾಜ್ ಕರೇವಾಲೋ ಕೋನಿ . ಈ ಆಚ್ ಖಬರೇನ ದೇವೇರ್ ಜೋರ್ವೇನ್ ಅಗಡಿಯಾ ಯೂದುಲೇನ್ ಪಚ್ಚ ಗ್ರಿಕೇನ ಸದಾ ವಿಶ್ವಸ್ ಕರಕೋ ಸೇನ ರಕ್ಷಾಣ್ ಕರೇವಾಳ್ ವೇನ್ ಛ. ¹⁷ ಕಿಮ್ ಕತೋ ದೇವೇತಿ ಮಳಜಕೋ ನಿಯತ್ ಓಮ ಮಾಲಂಪಡಚ ನೀತಿಮಾನ್ ವಿಶ್ವಾಸಮೇತಿಜ್ ಬಂಚಚಕೆರ್ ಗ್ರಂಧೇರ್ ವಾತ್ರೆರ್ ನ್ಯೆ ಉ ನಿಯತ್ ವಿಶ್ವಾಸಮೇರ್ ಘಳ್ ವೇನ್ ವಿಶ್ವಾಸಮೇನ ಪ್ರಕಟ್ ಕರಚ. ¹⁸ ಅನ್ನಾಯಮೇತಿ ಆಡೋಕರಜಕೋ ಮನಕ್ಯಾರ್ ಸೋಳಿಥರಾರ್ ಬನಾ ಬಕ್ತಿಪರನ್, ಅನ್ಯಾಯಮೇಪರ್ ದೇವೇರ್ ರಿಸ್ ಪರಮೇತಿ ದಾಕಾವಚ. ¹⁹ ಕಸ್ಸೆನಕತೋ ದೇವೇರ್ ಖಬರೇಮಾ ವಳಕೇ ರ್ ಉನ್ನೇರ್ ದೇಲೇಮಾ ಅಚೋ ಮಾಲಂಛ ; ಓನ ಉನ್ನ್ನೆನ ದೇವಜ್ ಅಚೇತಿ ಮಾಲಂಕಿದೊಚ . ²⁰ ಕಿಮ್ಕತೋ ಅಂಕಿನ ದಿಸಾಯೇನಿಕೋ ಓರ ಗೋನ್ ಕತೋ ಓರ್ ಶಾಶ್ವತ್ ಜೋರ್ , ದೇವೇರೋ ರುಉಪ್ ಜಗತೀರ ಅಂಗೇತಿ ಉ ಕಿದೋಜಕೋ ಸೃಷ್ಟಿ ವಾರ್ಡಿ ಗೇನೇನ ಮಾಲಂವಛ, ಹನುರೇತು ಓ ಜವಾಬ್ ಛೆನಿಜು ವೇಜವಚ. ²¹ ಕಸ್ಸೆನ ಕತೋ ದೇವೇರ ಖಬರೆಮಾ ಉನ್ನೇ ನ ಗೇನರತೋಯಿ ಓನ ಓ ದೇವ್ ಕನ್ ಮಾನ್ ದೀನೆಕೋನಿ; ಓರ ಅಚ್ಹೋ ಕಾಮೇ ನ ಚೀತ್ತಾರನ್ ಓನ ಸ್ತುತಿ ಕೀದೆ ಕೋನಿ ; ಓ ವಿಚಾರ್ ಕರ್ ಕರನ್ ಘಳ್ ದಿಟೆಕೀನಿ ; ಗೇನ್ ಛನಿಕೋ ಉನ್ನೇರೋ ದಲ್ಮ ಅಂಧಾರೋವೇಗೀ . ²² ಗೇನಿಧಾರ್ ಕನ್ ಕೆಲೇನ್ ವೆಂದೇವೇಗೆ. ²³ ಹಾಳ್ ವೇನಿಜಕೋ ದೇವೇರೋ ಮಹಿಮಾನ ಛೂಡನ್ ಓರ್ ಜಾಗೇಪರ ಹಾಳ್ ವೇರ್ ಮನಕ್ಯಾ. ಜೀವ್ ರಾಸ್ , ಪಂಕೇರ್ , ಸಾಪೂರ ಮೂತ್ರೆ ವೂನ ಕಲಿದೇ . ²⁴ ಜೇವಾರ್ಸ್ ಓ ದಲೇರ್ ಹಾಯಿರ್ ನ್ಯೆ ಚಾಲಾನ್ ಉನ್ನೇರ್ ಜೀವಾಡಾನ ಮಾನ್ ಛೆನಿಜು ಕಾರ್ಲಿದೇ ಕನ್ ದೇವ್ ಉನ್ನೇ ನ್ ಮಾಂದೋ ಚಾಲೇನ್ ಹವಾಲ್ ಕರ್ನಾಕೋ. ²⁵ ಓ ಸತೆರೋ ದೇವೇನ ಛೂಡನ್ ಅಸತ್ತೆನ ಝುಲೆಮನ್ ಸೃಸ್ಥಿಕಿ ದೊಜೇನ ಪೂಜಾ ನಕರಜು ಸೃಸ್ಥಿಕರೆವಾಳೋ ಎಕುಜ್ ಕನ್ನಾಯಿ ಸ್ತುತಿ ಪಾಯೇವಾಳೋ ಆಮೇನ್ . ²⁶ ಓ ಅಸ್ಸೆನ ಕೀದೇಜೇನ್ ದೇವ್ ಉನ್ನೆನ ವಡಾಲೇನ್ ಹವಾಲ್ ಕರ್ನಾಕೋ, ಕಿಮ್ ಕತೋ ಉನ್ನರ ಗೋಣಿಯ ಉನ್ನೆ ರ ಚಾಲ್ ಚೋ ಡನ್ ದೂಸರ್ ಧರಾರ್ ಚಾಲ್ ಚಾಲಿ . ²⁷ .ಹನೂಜ್ ಮಾಟಿ ಸದಾ ಬೀರೇತಿ ಭಳೆರ ಛೂಡನ್ ಎಕೇಪರ ಎಕ್ ಉನ್ನೇ ರ ಅಸಾನ ಪೂರೊಕರೇನ್ ಮಾಟಿತಿ ಮಾಟಿಜ್ ಭಳನ್ ಓರ ಘಳೆನ ಪಾಲಿದೆ. ²⁸ ಉಜ್ಜಿ ದೇವೇರ ಗೇನೇ ಉನ್ನೇನ ಛಾಜಿಕೋನಿಜೇಕೋ ಕಾಮೇನ ಕರೇನ ದೇವ್ ಉನ್ನೆನ ಬಲಾನ ಹವಾಳ್ ಕರ್ನ್ನಾಕೋ, ²⁹ .ಕೀಮ್ ಕತೋ ಓ ಸೋಳಿಧರಾರ್ ಅನ್ಯಾಯಮೇತಿನ್, ಧಷಗೋನೇತಿನ್ ಧನ್ನೆರ್ ಹಾಯಿವಾದಿತಿನ್ ಧೊಕೇತಿನ್ ರೀಸೆತಿ ಭರಾನ್ , ³⁰ .ಚಾಡಿ ಲಗಾದೇವಾಳೆರ್ ನ್ಯೆ ಭಾಂದೇವಾಳೆರ್ ನ್ಯೆ ಗರೆಬತಿನ್ ರೋಗೇತಿ ಕೆದೇನ ಸೋಸ್ ಕರನ್ ಜೋದೇವಾಳೆರ್ ನ್ಯೆನ್ ಮಾ ಬಾಪೇರ್ ವಾತ್ ಮಾನೇನಿಜು , ³¹ ಕಳಾರ್ ನ್ಯೆನ್ ಅವಿಶ್ವಸ್ಮೆರ್ ನ್ಯೆನ್ ಬನಾ ಪ್ರೇಮೆತಿನ್ ದಯಾ ಛೆನೇಣೀಊಜು , ³² ಇಂದೇನ ಕರೇವಾಳ್ ಮೋತೇನ ಛಾಜೇವಾಳ್ ಕನ್ , ದೇವ್ ನಿಯಂಕಿದೋಜಕೋ ನಿಯತೇರ್ ನೇವೇನ ಓ ಮಾಲಂಕರನಿ, ಉಂದೇನ ಓ ಕರಚಕೋಜ್ ಕೋನಿ ಪಣ್ , ಉನ್ನೇ ನ ಕರೇವಾಳ್ ದುಸರೇನಿ ಮಾನಚ.