¹ ಎ ಮನಿಕ್ಯಾ , ವಜ್ಜೆಕೇಮಾ ದೊಷೆನ ದುಂದೇವಾಳೋ ತು ಕುಣ್ ವತೋ ಯ್ ಜವಾಬ್ ಕೇನ್ ತೋನ ವಾಟ್ಛೆನಿ ಕಿಮ್ಕತೋ , ವತೋಯ್ ಜವಾಬ್ ಕೇನ್ ತೋನ ವಾಟ್ ಛೆನಿ ಕಿಮ್ ಕತೋ, ದೂಸರೇಮಾ ದೊಷೆನ ಡುಂದೇಚಿತಿ ತೋನ್ ತುಜ್ ದೊಷಿಕನ್ ನೇವ್ ಕಲಿದೊಜು ವೇಗಿ ; ವಜ್ಜೆ ಕೆಮಾ ದೊಷಾ ದೊಂದೇವಾಲೋವತೋಯಿ ಓ ದೊಷೆನಜ್ ಕರೇಚಿ ಕೋನಿಕಾಂಯಿ . ² ಪಣ್ ವಸ್ತೆ ಕಾಮ್ ಕರೇವಾಲೇರ್ ಖಬರೇಮಾ ದೇವ್ ಕರಜಕೋ ನೇವ್ ಸತ್ತೇತಿ ರಚ್ಚ ಕನ್ ಮಾಲಂಕಮೆಲೇಚ. ³ ಎ ಮನಕ್ಯಾ ಅಸ್ ಕಾಮ್ ಕರೇವಾಳೂಮಾ ದೋಷೆ ನ ದುಂಡನ ಉನ್ನೆನಾಜ್ ಕರೋಜಕೋ ತು ದೇವೇರ್ ನೇವೇತಿ ಛೂಟುಚುಕನ್ ಕೇಲೋಚಿಕ? ⁴ ಓರ ಘನೋ ದಯಾನ, ಕ್ಮೆರೋನ ಶಾಂತೆನ ಆಡೋ ಕರೇಚಿಕಾ?ದಲ್ ಬ್ದ್ಲೆನ ದೇವೇರ್ ಅಚ್ಹೋಕಾಮ್ ತೋನ ಜೋರ್ ಬರಿಕರಚಕನ್ ತೋನ ಮಾಲಂಛೆಕಾಮ್ ತೋನ ಜೋ ರ್ ಬರಿಕರಚಕನ್ ತೋನ ಮಾಲಂಛೆನಿಕ. ⁵ ತೂ ತಾರೋ ಕಾಟ್ಟೋ ದಲೇ ನನ್ ಬದಲ್ ವೇನಿಜಕೋ ದಲೆನ ಲಾರ್ ಪಡನ್ ಜಾರೋಜೇತಿ ತಾರ್ ವಾಸ್ ದೇವೇರೋ ರೀಸೇನ ಗೋಳ ಕಲೇರೋಚಿ ದೇವೇರೋ ರಿಸ್ ನೇವೇತಿ ಛಕೊ ಸಜಾರ್ ದಾಡ ಬಾರಪಡಚ. ⁶ ಓ ಹರಿಯೇಕೇನಿ ಜೇರ್ ಕಾಮೇನ ಛಾಜಕೋ ಘಲೇನ ದಚ್ಚ ⁷ ಕೂಣ್ ಮಾನೇನನ್ ಮಹಿಮಾನನ್ , ಕನ್ನಾಯಿ ಹಾಳ್ ವೇನಿಕೋನ್ ಪಾಲೇಣುಕನ್ ಆಚೆನ ಕಟ್ಟಳೋ ಖಾಯೇನಿಜು ಕರಚಕೋ ಓನ ನಿತ್ಯಜೇ ವೇನ ದಚ್ಚ . ⁸ ಕೂಣ್ ಛೂಟನ್ ಸತ್ತೇನ ಲಾರ್ ಪದೇನಿಜು ಅನ್ಯಯಮೇನ ಲಾರ್ ಪಡಚಕೋ ಉನ್ನೇನ ರೀಸ್ ಉಕಳಿಯಾಯೇರ್ ಆವಚ. ⁹ ಬಲ್ಮನ ಕರಜಕೋ ಹರಿಯೇಕ್ ನರೇನಿ ವೇಲಾವಾಕ ಆವಚ ಯೂದುಲೆನ ಆಗಡಿ,ಪಚ್ಚ ಗ್ರಿಕೇವೊ ನ್ ಸಸದಾ . ¹⁰ ಪಣ್ ಅಚೇನ ಕರಚೋಕೋ ಹರಿಯೇಕೇನ ಮಹಿಮಾನ್ , ಮಾನ್, ದಲ್ಮೆರ್ ಶಾಂತಿ ನಪೋಛ . ಆಗಡಿ ಯೂದುಲೆನ ಪಚ್ಚ ಗ್ರಿಕೇವೊನ್ ಸದಾ. ¹¹ ದೇವೇರ್ ಕನ್ ಅನ್ಯಾಯ್ ಕಜಕೋಜ್ ಛೆನಿ . ¹² ಗ್ರಂಧ್ ಛೆನಿಜು ಪಾಪ್ ಕೀದೊಜಕೋ ಗ್ರಂಥ್ ಛೆನಿಜು ನಾಶ್ ವೇಜಾವಚ; ಪಣ್ ಗ್ರಂಥ್ ರೇನ ಪಾಪ್ ಕೀದೋಜಕೋ ಗ್ರಂಥೇರ್ ವಡಿತಿಜ್ ನೇವೆರ್ ಸಜಾನ ಪಲಚ. ¹³ ಗ್ರಂಧೇನ ಸಾಮಳತೋ ಕೋಯಿ ದೇವೇರ್ ಅಂಗ ನಿತಿಮನ್ ವೇನಿ ; ಓರ್ ಸರಿಕ್ ಚಲೇವಾಳಜ್ ನಿತಿಮನ್ ಕನ್ ಕೇರವಚ . ¹⁴ ಗ್ರಂಥ್ ಛೆನಿಜಕೋ ಪರಲ್ ಜನ್ ಉನ್ನೆರ್ ಓಜ್ ಗ್ರಂಥೇಮಾ ಛಜು ಚಾಲತೋ ಓ ಗ್ರಂಥ್ ಛೆನಿಜಕೋ ವತೋ ಉನ್ನೇರ್ ಓಜ್ ಗ್ರಂಥೇ ರ್ ವಾತೇವೇನ ಛ. ¹⁵ ಉನ್ನೇ ರ್ ಮನ್ನೆ ರ್ ಗವಾಯಿ ಸದಾ ಉಣ್ಣೆರ್ ಸಾತ್ ಗವಾಯಿ ದೇರಿಜೇತಿ ನ್ ದೋಷ ಛ, ದೋಷ ಛೆನಿಕನ್ ಉನ್ನೆರ್ ಸೋಸಜ್ ಎಕ್ಕೆನ್ ಎಕ್ ನೇವ್ ಕರಜೇತಿ ಗ್ರಂಥೇರ್ವಡಿರ್ ಕಾಮ್ ಮಾಲಂಕರಚ. ¹⁶ ಮ ಪ್ರಚಾರ್ ಕೀದೊಜಕೋ ಅಚ್ ಖಬರ್ ದೇವ್ ಯೇಸು ಕ್ರಿಸ್ತುರ್ ವಡಿತಿ ಅಧ್ಮಿರ್ ಭೇದೇನ ಜಲ್ಮೆನ್ ವಿಚಾರ್ ಕರೇರ್ ದಾದ್ ಆವಾಚ ಉ ದಾದೇಮಾ ಇಸ್ಟೆ ಮಾಲಂಪಡಚ. ¹⁷ ತೂ ಯೂದು ಲ್ ಕನ್ ಕೇರಾಯೋ ಕೋ , ಗ್ರಂಥೇಮಾ ಭರೋಸೋಮೇಲೋಕೋ , ದೇವೇ ರ್ ಖಬರೇಮಾ ಮೋಟ ಪಣ್ ಕರ್ಲೆವಾಳೋ , ¹⁸ ಓರೊ ಖಾತ್ರೆನ ವಳಕೋಚಿ ಕೋ , ಗ್ರಂಥೇರ್ ವಡಿತಿ ಬೊದನ ಸಾಮಳನ್ ಉ ಛಾಜಚ ಈ ಛಾಜೇನಿಕನ್ ವಳಕೇವಾಳೋ ಚೀ. ¹⁹ ಗ್ರಂಥೇಮಾ ಗೇನ ಸತೇರ ರೋಪ್ ಮನ್ನ ಛೆಜೇತಿ ಅಂಧೇನ ವಾಟ್ ದಕಾಳೆವಾಳೋನ್, ²⁰ ಅಂಧಾರೇಮಾ ಛಜೇನ ವಜಾಳೋ, ಕಳೆನಿಜೇನ್ ನಾಯಕ್ವೆನ್, ಬಾಳವೊನ್ ಸಿಕ್ವಡಿ ದೇವಾಳೋಕನ್ ವಿಶ್ವಸ್ ಕೀದೊಚೀಚಿ . ²¹ ಹನುರೇತೂ ದೂಸರೇನ ಸಿಕಾಯೇವಾಳೋ ತೂ, ತೋನಾಜ್ ಸಿಕ್ವಡಿ ದೇಲೇಸನಿಕ? ಚೋರಿ ಕರಣುಕೋನಿ ಕನ್ ಕೇವಾಳೋ ತೂಜ್ ಚೋರಿ ಕರೇಚೀಕ? ²² ಛನಾಳೋ ಕ್ನೋರ್ಕೋನಿ ಕೇವಾಳೋ ತೂಜ್ ಛನಾಳೋ ಕರೆಚಿಕ? ಮೂತಿಮಾ ದ್ವೇಷ್ ರಕಾಡೋಕೋ ತೂಜ್ ದೇವಳೆಮಾ ಚೋರಿ ಕರೇಚಿಕ? ²³ ಗ್ರಂಧೇಮಾ ಪ್ರೇಮ್ ರಕಾಡೋತೋಕೋ ತೂಜ್ ಗ್ರಂಥೇನ ಲಂಗನ್ ಚಲನ್ ದೇವೇನ ಹಿಜ್ಜತ್ ಕಾದೇಚೀಕ? ²⁴ ತಮಾವಾರ್ಡಿ ತಿ ಪರಲ್ ಜನೂಮಾ ದೇವೇರೋ ನಾಮ್ ದೋಷ್ ವಚ್ಚಕನ್ ಲಕ್ಕನ್ ಛಕೋನಿಕ. ²⁵ ತು ಗ್ರಂಧೇನ ಲಂಗಸ್ಟೋ ತೋನ ಸಂತಾ ಫಾಯಿದೊ ಛ; ಪನ್ ತು ಗ್ರಂಥೇನ ಲಂಗಸೋ ತೋನ ಸುಂತ ರತೋಯಿ ಛೆನಿಜುಜ್ . ²⁶ ಹನುರೇತು ಸಂತಾ ಛೆನಿಜಕೋ ಗ್ರಂಥೇರ್ ನಿಯಮೆರ್ ನ್ಯೆ ಕೋನಿಕ? ²⁷ ಜೀವಡಾಮ ಸಂತಾ ಛೆನಿಜು ಗ್ರಂಥೇಮಾ ಛಜೇನ ಪೂರೋಕರಜೆಮಾ, ಗ್ರಂಥನ್ ಸಂತಾ ರೇನ ಲಂಗನ್ ಚಾಲಕೋ ತೋನ ದೋಷ್ ಕನ್ ಕಚ್ಚ ಕೋನಿಕ? ²⁸ ಭಾರ್ ಯೂದಾವಳೋ ಯೂದಾವಾಳೋ ಕೋನಿ , ಭಾರ್ ಜೀವಡಾಮ ಕರಕೋ ಸಂತಾ ಸಂ ತಾ ಕೋನಿ . ²⁹ ಪಣ್ ಮಾಯಿ ಯೂ ದುಲೇವಾಲಾಜ್ ಯೂದುಳ್ , ಅನ್ ದಲ್ಮೆಮಾ ಕರಜಕೋ ಸಂತಾ ಅಸ್ಸೆನ ಮೋಟ್ಟನ್ ಮನಕ್ಯಾತಿ ಕೋನಿಪನ್ ದೇವೇತಿ ಆವಚ.