¹ .ಜನ ಸೇ ದೇವೇರ್ ವಾತ್ ಸಾಮಳತೆ ಓರ್ ಉಂಪರ್ ಪದತೆ ರಾಜನಾ ಉ ಗೆನ್ನೇಸರೆತ್ ಕನ್ ತಳಾಯರ್ ಕನ್ ಕರಾಡೆ ಉಂ ಪರ್ ಹುಬ್ರೆನ್, ² . ಉ ತಳಾಯೇರ್ ಕರಾದೇ ದೈರಾಜಕೋ ದೀ ಓಡಾನ್ ದಿಟೋ ಝಿಮ್ರಿಯ ಉನೆಮಾಯಿತಿ ಉತ್ರನ್ ಜಾಳೇನ ದೋರೆತಿ. ³ .ಯೇಸು ಓ ಓಡೆಮಾ ಸಿಮೊನೇರ್ ಚಜಕೋ ಏಕ್ ಓಡಾ ಛಡನ್ ಕರಾಡೆತಿ ಥೋದೇಕ್ಸ್ಕ್ ಮಾಯಿ ಧಕೇಲ್ದೇನ್ ಓನ್ ಪೂಚೆಲೆನ್ ಓಡಾಮಾ ಬೇಸನ್ ಜನ್ನೆನ ಬೋದಾಕಿದೋ. ⁴ .ಬೋದಾ ಕರೆರ್ ಥಾಮ್ ದಿನೋ ತು ಓಡಾನ್ ಉಂದೇಮಾ ಛಲಾನ್ ಮಾಚಳಿ ಪಕದೀನಾ ತಮಾರ್ ಜಾಳೆನ್ ನಾಕೊಕನ್ ಸಿಮೇಯಿನೆನ್ ಕೋ. ⁵ . ಜನಾಸಿಮೊನ್ ಪ್ರಭು ಸರಿರತ್ ಹಮ್ ಭಾವೆಟಿಕಿದೆ; ಪಣ್ ಹಮೇನ ಕಾಯಿ ಮಾಳಿಕೂನಿ; ಹನುವ ತೊಯಿ ತಾರ್ ವಾತೆರ್ ನೈ ಜಾಳ ನಾಕುಛು ಕನ್ ಓನ್ ಕೊ. ⁶ . ಓ ಹನು ಕರನ್ ಘಣ್ ಮಾಚಳಿ ಪಕಡ್ಲಿದೆ ಜೇರ್ವಾಸ್ ಉಂದೆರ್ ಜಾಳ್ಪಟ್ ಜಾರಿಜನಾ, ⁷ ಉಜ್ಜೆಕ್ ಓಡಾಮಾ ರಾಜಕೋ ಉನೆರ್ ಸೊಬ್ತೇದಾರ್ ಆನ್ ಉನೇನ್ ಮದತ್ ಕರಣು ಕನ್ ಉನೇನ್ ಬಲಾಲಿದೆ; ಓ ಆನ್ ಧೀ ಓಡಾ ಡೂಬೆಜು ಭರೇ. ⁸ . ಸಿಮೋನ್ ಪೆತ್ರು ಏನ್ ದೇಕನ್ ಯೇಸುರ್ ಮುಂಡಾಗ ಗೋಡಿ ವಾಳನ್ ಧೋಗ್ದೇನ್ ಪ್ರಭು ಮನ್ ಚೋಡನ ಜೋ; ಮ ಪಾಪಿಕನ್ ಛೂ ಕನ್ ಕೋ . ⁹ .ಕಸ್ಸೇನ್ ಕತೋ ಓ ಪಕಡೆಜೆ ಮಾಛಳಿರ್ ರಾಸೇನ್ ಓ ಸೇ ವಿಚಿತ್ತರ್ ಪಡೆ. ¹⁰ .ಹನುಜ್ ಸಿಮೊನೆತಿ ಸದಾ ಸೂಬತೇದಾರ್ ಚಜಕೋ ಜಬೇದಾಯಾರ್ ಬೇಟಾ ಯಾಕೊಬ್ ಯೋಹಾನ್ ವಿಚಿತ್ತರ್ ವೇಗೆ ಜೆರ್ವಾಸ್ ಯೇಸು ಚಮಕಮತ್ ಅಬ್ಬೆತಿ ತೊನ ಆದ್ಮಿನ್ ಪಕ್ದೆವಾಳೂ ಕರಚು ಕನ್ ಕೋ. ¹¹ . ಓ ಓಡಾನ್ ಕರಾದೇ ಕನ್ನಲಾನ ಸೇನ್ ಚೋಡದೆನ್ ಓರ್ ಲಾರ್ ಡಗರಗೆ. ¹² .ಉ ಏಕ್ ಗಾಮೇಮಾ ರಜನಾ ಇದೇಕ್ ಜೀವಸಾರಿ ಕೊಡತಿ ಭಾರೋಜಕೋ ಏಕ್ ಮನ್ಕ್ಯಾ ಯೇಸುನ್ ದೇಕನ್ ಧೋಗದೆನ್ -ಪ್ರಭು ತಾರ್ ಖತರೆವತೋ ಮನ್ ಆಚೋಕರ್ ಕನ್ ಕೇನ್ ಓನ ನೋರಕೀದೋ. ¹³ ಜನಾಉ ಹಾತ್ ಲಂಬೋ ಕರನ್ ಓನ ಚೀಪನ್ ಮಾರ್ ಖಾತರ್ ಛ; ತು ಆಚೊವೆಜೋ ಕನ್ ಕೊಡರೋಗ್ ವಾರುವೇಗೋ. ¹⁴ ಉ ತುಕೇನಿ ಕಜು ಜಾನ್ ಉನೇನ ಗವಾಯಿರ ನೈ ತಾರ್ ಜೀವೆನ್ ಯಾಜಕಾನ್ ದಕಳ್ಲೇನ್ ತು ಆಚೋ ವೇಗಕನ್ ಮೋಶೆರ್ ನೇಮ್ರ್ಮಲೋಜಕೋ ಭೇಟೆನ ಚಡಾಕನ್ ಆಜ್ಞದೀನೊ. ¹⁵ ಪಣ್ ಯೇಸುರ್ ಖಬರ್ ಜಾದಾ ಮಾಲಮ್ ವೇಗೋ; ವಾರಸೀಕ್ ಜಾನೀರ ಮಳವೋ ಓರ್ ವಾತ್ ಸಾಮೆಳನ ಉನೆರ್ ರೋಗ್ ಆಚೋ ಕರಾಯೆನ್ ಭಳನ್ ಆತೇರೆವ್. ¹⁶ ಉ ಅರಾಜ್ ಕರೇನ್ ಓರ್ ಹೇವಾರ್ ನೈ ಅಡವಿನ ಜಾತೋರ. ¹⁷ ಏಕ್ ದಾಡ್ ಉ ಬೋದಾ ಕರತೋ ರಜನಾ ಗಲಿಲಾಯ ಯೂದಯ ಮಲ್ಕೆರ್ ಹರ್ಯಕ್ ಗಾಮೇತಿ ಯೇರೂಷಲೇಮೇತಿ ಆಯೋಜಕೋ ಪರಿಸಯೂರನ್ಧರಂಶಾಸ್ರೆನ್ ಸಿಕಾಯೇವಾಳ ಬೇಟೆ ರಾಜನಾ ರೋಗೆವಾಳೋನ ಆಚೋ ಕರಾಜು ಪ್ರಭುರ್ ಜೋರ್ ಓರೇಮಾ ರ. ¹⁸ .ಇದೇಕ್ ಥೋಡಸೇಕ್ ಮನಕ್ಯಾ ಪಾಕತಿ ಸುಕಾರೋಜಕೋ ಏಕ್ ಆದ್ಮಿನ್ ವಚಾನೆೇತಿ ಪಾಲ್ದೇನ್ ಓನ್ ಮಾಯಿಲಾನ್ ಓರ್ ಮುಂಡಾಗ್ ಮೇಲೇನ್ ಕೋಶಿಸ್ ಕೀದೇ ¹⁹ ಪಣ್ ಜನ್ ಗೋಳಾವೇ ಜನಾ ಮಾಯಿ ಲಾಯೇನ ವಂಗಾಯಿಕೋನಿ ಜನಾಘರೇ ಉಂಪರ್ ಚಡನ್ ಝೂಪದ ವದೊಡನ್ ವಚಾನೇತಿ ಸದಾ ಯೇಸುರ್ ಮುಂಡಾಗ್ ಉನ್ನೇರ್ವಚ್ಚ ಓನ್ ವತಾರೇ. ²⁰ .ಉ ಉನೆರ್ ವಿಶ್ವಸ್ ದೇಕನ್ ಆದ್ಮಿ ತಾರ್ ಪಾಪ್ ಮಾಪ್ ವೇಗೋಕನ್ ಓನೇ ಕೇತೆಖಂ. ²¹ .ಶಾಸ್ತ್ರಿಯುನ್ ಪರಿಸಯುನ್ ದೇವೇನ್ ಬದನಾಮ್ ಕರೇವಾಳೋ ಈ ಕುಣ್?ದೇವ್ ಏಕ್ಲೋ ಸವಾ ಪಾಪೇನ ಮಾಪ್ ಕರೇವಾಳೋ ಈ ಕುಣ್ ಛಕನ್ ಕೇ. ²² .ಯೇಸು ಉನೇರ್ ಸೋಸೇನ್ ಮಾಲಂಕರನ್ ಉನೆನ್ ದೇಕನ್ ತಮಾರ್ ದಲ್ಲೇಮಾ ತಾಮ್ ಕಾಯಿ ಸೋಸ್ ಕರ್ ರೆಚೋ. ²³ .ತಾರ್ ಪಾಪ ಮಾಪ್ ವೆಗೊಕನ್ ಕೇರ್ ವ್ಹಳಿಕೊ?ತು ಉಟನ್ ಚಾಲ್ ಕನ್ ಕೇರ್ ವ್ಹಳಿಕ? ²⁴ .ಧರತಿಮಾ ಪಾಪೇನ ಮಾಪ ಕರೆನ ಮನಕ್ಯರ್ ಬೇಟಾನ ಹಕ ಚಕಜೇನ್ ತಮ್ ಮಾಲಂ ಕಲ್ರೆಣುಕನ್ ಪಾಕ್ತಿ ಸುಖರೋಜೇನಾ ತು ಉಟನ್ ತಾರ್ ವಜಾನೇನ್ ಪಲ್ಡೀನ್ ತಾರ್ ಘರ್ ಜೋಕನ್ ತೋನ ಕೆರೋಚುಕನ್ ಕೋ. ²⁵ .ಜನಾಜ್ ಉ ಉನೇರ್ ಮುoಡಾಗ್ ಉಟನ್ ಉ ಸುತೊರಜೆ ವಚಾನೇನ್ ಪಾಲ್ದೇನ್ ದೇವೇರ್ ಸ್ತುತಿ ಕರ್ತೋ ಓರ್ ಘರೆನ ಡಗರ್ ಗೊ. ²⁶ .ಸೇ ವಿಚಿತ್ತರ್ ವೇನ್ ಆಜ್ ಮೋಟೋ ಅಚ್ಚoಕಳಾ ದೀಟೆಕೇನ್ ದೇವೇನ್ ಮಹಿಮಾ ಕರತೆ ಢರೇತಿ ಭಾರಾಗೆ. ²⁷ .ಪಚ್ಚ ಯೇಸು ನಿಕಳನ್ ಲೇವಿ ಕಜಕೋ ಏಕ ಸು೦ಕರಿಯಾ ವಾಟೆರ್ ಪಿಸಾಲೇರ್ ಜಾಗೆಕನ್ನ ಬೇತೋ ರಾಜೇನ್ ದೇಕನ್ - ಮಾರ್ಲಾರ್ ಆಕಾನ್ ಓನ್ ಕೊ . ²⁸ .ಜನಾ ಉಸೀನ್ ಛೂಡದೇನ್ ಉಟನ್ ಓರ್ ಲಾರ್ ಢಗರ್ ಗೋ. ಉ ಲೇವಿ ಓರ್ ಘರೇಮಾಓನೇ ಮೊಟೂ ದಾವಾತ್ಕಿದೋ ಸು೦ಕರಿಯಾ ವಾರೆಸ್ಕ್ ದುಸರ್ ಸೇ ಓರ ಸಾತ್ ದಾವತೇಮಾರೇ. ²⁹ ಉ ಲೇವಿ ಓರ್ ಘರೇಮಾ ಓನೆ ಮಾತೂ ದಾವತ್ ಮಾದೋ ಸಂಕರಿಯ ವಾರ್ಸೆಕ್ ದುಸರ್ ಸ್ವ ಓರ ಸಾತ್ ಡಾವತೇಮಾರೇ ³⁰ ಫರಿಸಾಯೂಲ್ ಉನೇರ್ ಶಾಸ್ತಿಯೋ ಈ ದೇಕನ್ -ಸು೦ಕರೀಯಾವುತಿ ಪಾಪಕಿದೆಜಕೊಮನಕ್ಯಾವುತಿ ತಮ್ ಕಸೆನ್ ಖಾರೇ ಪಿರೆಛೂ? ಕನ್ ಓರ್ ಛೆಲಾ ಪರ್ ಟಣ್ಕೆ. ³¹ .ಜೇರ್ವಾಸ್ ಯೇಸು -ದೂಕ್ಕವಾಳೆನಜ್ ಪಣ್ ಸವ್ಕೆವಾಳೂನ್ ವೈದ್ಯ ಚಾಯೇನಿ , ³² . ಉಜ್ಜೆಕ್ ದಲ್ ಲೇಲೋ ಕನ್ ಪಾಪೆವಾಳೂನ್ ಬಲಾಯೇನ್ ಮ್ ಆಯೋಪನಣ್ ಆಚ್ ಮನ್ಕ್ಯಾವುನ್ ಬಳಾಯೇನ್ ಮ್ಆಯೋಕೊನಿಕನ್ ಉನೆನಕೋ. ³³ .ಥೋಡಸೇಕ್ ಆದ್ಮಿ ಯೇಸುನ್ ದೇಕನ್ ಯೇಹನೇರ್ ಛೆಲಾ ವಾರ್ಸೇಕ್ ಹಪ್ತಾ ಭೋಕೇತಿ ರೇನ್ ಅರಜ್ ಕರಚ; ಹಣುಜ ಪರಿಸಾಯಿರ್ ಚೆಲಾ ಸದಾ ಕರಚ, ಪಣ್ ತಾರ್ ಚೆಲಾ ಖಾರೆಪೀರೆಚ್ ಕನ್ ಕೇ. ³⁴ .ಜನಾ ಉ-ವೇಟಡು ಉನೇರ್ ಸಾತ್ ರಾಜನಾ ವೀತಡೂರ್ ಸಾತ್ ತಮ್ ಉಪವಾಸ ರಕದೇರ್ ವಚ್ಚಕ? ³⁵ ವೇತಡೂ ಉನೇರ್ ಡಾ0ಯಿತಿ ಲೆಜಾಯೇರ್ ದಾಡ ಅವಛ; ಓ ದಾಡುಮಾ ಓ ಭೂಕೆ ರಚ ಕನ್ ಉನೇನ್ ಕೋ. ³⁶ ಉ ಉನೇನ ಏಕ ಸಾಟ್ವನ್ ಕೋ ಕಿಮ್ಕತೋ -ಕೋಯಿ ಜುನೆ ಲತ್ತಾನ್ ನವೋ ಅಂಗೂರೇರರಸ್ ನವೋಲತೋ ಉನ್ ಫಣಾಕೀಯೇ ಅತ್ರಜ ಕೊನಿ ನವೋ ಮಾಯಿತಿ ಕಾದೇಜಕೋ ಟುಕಾಡೋ ಜುನೇತಿ ಭಳೆನಿ. ³⁷ .ಕೋಯಿ ಜಾನ್ ಖಾಲ್ದೇರ್ ಕೊತಳಿಮಾ ನವೋ ಅಂಗೂರೇರ ರಸ್ ಘಾಲೇನಿಘಾಲತೋ ನವೋರಸ್ಜಾನ್ ಖಾಲ್ದೇರ್ ಕೋಟಳಿನ್ ಪಾಣಾಕೀಯೇ ಅನ್ ರಸ್ ರದ್ಜಾಯೇ ಕೋತಳಿ ಸದಾ ಫಾದ್ ಜಾಯೆ. ³⁸ . ಪಣ್ ನವೋ ಅಂಗುರೇರ್ ರಸ್ ನವೋ ಖಾಲ್ದೇರ್ ಕೊತಳಿಮಾ ಘಾಲ್ಣೂ. ³⁹ ಜೂನ್ ಅಂಗೂರೇರ್ರಸ ಪಿನ್ ಜನಾಜ್ ನವೋ ರಸೆನ್ ಆಸಾಕರೆವಾಳೋ ಕೊಯಿಛೆನಿ ಜೂನೋಜ್ ಆಚೋ ಕಚ್ ಕನ್ ಕೋ.