Chapter 4
1
.ಯೇಸು ಪವಿತ್ತರ್ ಆತ್ಮಾತಿ ಭರಾನ್ ಯೋರ್ದಾನ್ ನಂದಿತಿ ಪರನ್ ಆನ್ ಚಾಳಿಸ್ ದಾಡ್ ಆತ್ಮಾತಿ ಝಾಡಿಮಾ ಫರತೋ ರಾಜನೋ ,
2
.ಸೈತಾನ್ ಓರ್ ಅಂತ್ ದೆಕತೋರ ಓದಾಡುಮಾ ಉ ಕಾಂಯಿಜ್ ಖಾಧೋಕೊನಿ ಓದಾಡ್ ವೆಗೆ ಜೆರ್ಪಚ ಓನ್ ಭೂಕ್ ಲಾಗಿ ಜನಾ ,
3
ಸೈತಾನ್ -ತು ದೇವೇರ್ ಬೇಟಾ ರಸ್ತೋ ಬಾಟಿವೆಜಾಜು ಆಜ್ಞಾದಕನ್ ಕೊ.
4
.ಜನಾಯೇಸು -ಮನಕ್ಯಾ ಬಾಟಿತಿಜ್ ಕೋನಿ ಪಣ್ ದೇವೇರ್ ಮುಂದೆತಿ ಅವಜಕೋ ಹರೀ ಯೇಕ ವಾತೇತಿ ಬಂಚಚ್ ಕೇನ್ ಲಕ್ಕನ್ ಛ ಕೋ.
5
ಜನಾ ಸೈತಾನ್ ಓನ್ ಲೆಜಾನ ದರ್ತಿರ್ ರಾಜ್ ಸೇ ಎಕ್ ಘಡಿಮಾ ಓನ ದಕಾಳನ್ ಹಾತೇಮಾ ಛ .ಓನ್ ಮ ಕೇನ್ ದುಕನ್ ಆಸಾಕರ್ರೋಚುಕೋ ಓನ ದುಂಚು .
6
.ಈ ಹಕ್ ಸೇನ್ ಎ ರಾಜೇರ್ ಮಹಿಮನ್ ತೋನ ದುಚು ;ಈಸೇ ಮಾರ್ ಹಾತೇಮಾ ಛ .ಓನ್ ಮ ಕೇನ್ ದುಕನ್ ಕುಂತ್ ರೋ ಛು ಓನ್ ದುಂಚು .
7
.ಜೇರ್ವಾಸ್ ತು ಮನ್ ಧೋಕ್ದಸ್ತ್ತೋ ಈಸೇ ತಾರ್ ವೆಜಾವಚ್ ಕನ್ ಕೋ
8
.ಜೆರ್ವಾಸ್ ಯೇಸು ತಾರ್ ದೇವಚ್ಚಜಕೋ ಪ್ರಭುನ್ ಧೋಕ್ದೇನ್ ಓನೇಜ್ ಸೇವಾಕರಣು ಕನ್ ಲಕಮೆಲ್ ಚ್ ಕನ್ ಜವಾಬ್ ಧಿನೋ.
9
.ಪಚ್ಚ ಯೇಸುನ್ ಯರುಶಲೆಮೇನ್ ಲೇಜಾನ್ ದೇವೇಲರ್ ಪೂoಗೇರ್ ಉಮ್ಪರ್ ಒನ್ ಹುಬ್ ರಾಕಾಡನ್ -ತು ದೇವೆರ್ ಬೇಟಾ ರಸ್ತ್ತೋ ಆತ್ತೆತಿ ಹೆಟ್ ಕೂ ದ್
10
.ತೊನ್ ಜತನ್ ಕರೇನ್ ತಾರಾವಾಸ್ ಓರ್ ಸೋಜಾನ್ ಹಕಂ ದಛೆ.
11
.ತಾರ್ ಪಗ್ ಭಾಟಾರ್ ತೊಕರ್ ಲಾಗೆನಿಜು ತೋನ ಓಹಾತೆಮಾ ಪಾಲ್ದಾಚಕನ್ ಲಕ್ಕನ್ ಚಕನ್ ಕೋ.
12
.ಜೆರ್ವಾಸ್ ಯೇಸು ತಾರ್ ದೇವೆನ್ ಚಜಕೋ ಪ್ರಭುನ್ ಪರೀಕ್ಷಾ ಕರ್ಮತಕನ್ ಲಕ್ ಮೇಲೆಚ್ ಕನ್ ಓನೆ ಜವಾಬ್ ದಿನೋ .
13
.ಸೈತಾನ್ ಹರ್ಯೇಕ್ ಪರೀಕ್ಷ ವೇಗಿ ಜನಾ ತೋಡಾದಾಡ್ ಓನ್ ಚೋಡನ್ ದಗರ್ಗೆ
14
.ಜನಾ ಯೇಸು ಆತ್ಮಾರ್ ಜೋರೇತಿ ಗಲಿಲಾಯ ಮಲ್ಕೆನ್ ಫರನ್ ಡಗರ್ ಗೋ ;ಓರ್ ವಾತ್ ಓಸಾರಿ ಮಲ್ಕೆಮಾ ಮಾಲಂ ವೇಗಿ .
15
.ಉ ಸೇತಿ ಮಾನೆವಳೋ ವೆನ್ ಓರ್ ದೇವೇರ್ ಘರುಮಾ ಬೋದಾ ಕರ್ತೋರ
16
ಪಚ್ ಉ ವದೊಜಕೋ ನಜರೆತ್ ಗಾಮೆನ್ ಆಯೋ ಉ ಓರ್ ಹೆವಾರ್ ನೈ ಸಬ್ಬತ್ ದಾಡೆಮಾ ನಸಾಬೆರ್ ದೇವಲೆಮಾಜಾನ್ ದೇವೇರ್ ವಾತ್ ವಾoಚೇನ್ ಹುಬ್ರೇತೆಖಂ .
17
.ಭಕ್ತಿದಾರ್ ಯೆಶಾಯಾರ್ ಗ್ರಂಥ ಓರ್ ಹಾತೆನ್ ದಿನೆಉ ಗ್ರಂಥೆನ್ ಖೋಲ್ತೆಖಂ . ನಜರೆತೆವಾಳ್ ಯೇಸುನ ಧಕಲ್ದೆರೋ
18
ಪಚ್ ಉ ವದೊಜಕೋ ನಜರೆತ್ ಗಾಮೆನ್ ಆಯೋ ಉ ಓರ್ ಹೆವಾರ್ ನೈ ಸಬ್ಬತ್ ದಾಡೆಮಾ ನಸಾಬೆರ್ ದೇವಲೆಮಾಜಾನ್ ದೇವೇರ್ ವಾತ್ ವಾoಚೇನ್ ಹುಬ್ರೇತೆಖಂ .
19
ಭಕ್ತಿದಾರ್ ಯೆಶಾಯಾರ್ ಗ್ರಂಥ ಓರ್ ಹಾತೆನ್ ದಿನೆಉ ಗ್ರಂಥೆನ್ ಖೋಲ್ತೆಖಂ .
20
ಉ ಗ್ರಂಥ ವಿoಟನ್ ಸೇವಾಕೇರ್ ಡಾoಯಿ ದೆನಾಕನ್ ಬೇಟೋ ;ನಸಾಬೇರ್ ಘರೆಮಾ ಜನ್ ಸೇ ಓನ್ ದೆಕ್ತೆರ .
21
.ಜನಾ ಉ --ಉಂದೇತಿ ವಾತೆಕರೆನ್ ಸುರುಕರನ್ ತಮಾರ್ ಕಾನ್ ಸಮಳಜು ಈ ಗ್ರಂಥೆರ್ ವಾತ್ ಆಜೇರ್ ದಾಡ್ ಪುರೋವೇಗಿ ಕನ್ ಕೋ.
22
.ಸೇ ಓನ್ ಆಚ್ಹೋ ಗವಾಯಿ ದೇನ್ ಓರ್ ಮೂoಡೆತಿ ಆಯಿಜಕೋ ಕೃಪಾರೋ ವಾತೇರ್ ವಡಿ ವಿಚಿತ್ತರ್ ಪಡೆ ;ಈ ಯೋಸೇಫೇರ್ ಬೇಟಾ ಕೊನಿ ಕಾಯಿ ?ಕನ್ ಕೇ.
23
.ಉ ಉನೇನ ದೇಕನ್ ವೈದ್ಯ ತಾರ್ ತುಜುಕ್ ಆಚೋ ಕರಲೇ ಕನ್ ಸಾಕಿಮಾರನ್ ಹಂ ಸಾಮೆಳೆಜು ಕಪೆರ್ನಹೂಮೆಮಾ ತಾರ್ವಡಿ ಚಾಲಜಕೋ ಉಂದೇನ್ ತಾರ್ ಕಾಂ ಅತ್ತ ಸದಾ ಕರ್ಕನ್ ತಮನ್ನಕೋಚೋಕಜಕೋ ಜರೂರ್ ಛ .
24
.ಉಜ್ಜಿ ಉ ಕುಣಸಿಭಕ್ತಿದಾರ್ ಸದಾ ಓರ್ ಖಾಸ್ ಮಲ್ಕೆಮಾ ಖಾತರ್ ಆಯೆನಿ ಕನ್ ತಮೇನ್ ಸಾಸಿಜ್ ಕೇರೋಚು.
25
.ಎಲಿಯಾರ್ ದಾಡುಮಾ ತಿನ್ ವರಸ್ ಚೋ ಮಿನಾ ಆಸ್ಮಾನ್ ಬೂರಾನ್ ಸಾರಿ ಮಲ್ಕೆಮಾ ಮೋಟೋ ಕಾಲ್ಪಡ್ ಗೋ ಜನಾ .
26
ಇಸ್ರಾಯೇಲೇರ್ ಸಿದೋನ್ ಮಲ್ಕೆಮಾ ಸಾರೆಪ್ತಾ ಗಾಮೇ ರಾಂಡ್ ಬೀರೆ ಡಾoಯಿ ಮೆಲೋಪಣ್ ದುಸರೇ ಕೇರಿಡಾoಯಿ ಮೇಲೊಕೊನಿ.
27
.ಉಜ್ಜಿ ಏಲಿಷಾ ಕಜಕೋ ಭಕ್ತಿದಾರೆರ್ ದಾಡೆಮಾ ಇಸ್ರಾಯೇವಾಳೆಮಾ ಘಣ್ ಕುಷ್ಟ ರೋಗೆವಾಳ ವೆತ್ತೆ ಆತೋಯಿ ಸಿರಿಯಾ ಮಲ್ಕೆರ್ ನಾಮೆನೆರ್ ಸವಾ ದುಸರೇ ಕೋಯಿ ತೋಯಿ ವಾರುವೇಕೊನಿಕನ್ ಸಾಸಿಜ್ ತಮೆನಕೆರೋಚು.
28
.ನಸಾಬೇರ್ ದೇವಲೆಮಾಚಜಕೋ ಸೇ ಓವಾತೆ ಸಾಮಳನ ರಿಸೇತಿ ಭರಾನ್,
29
.ಉಟನ್ ಓನ್ ಗಾಮೆಮಾಯಿತಿ ಖಿoಚಲೆನ್ ಪಟಕ್ ದೆನುಕನ್ ಉನೇರ್ ಗಾಮೆ ಭಂದೊಜಕೋ ಗಟ್ಲಾರ್ ಚ್ಚೋಟಿಪರ್ ಲೇಲೇನ್ ಗೇ .
30
ಪಣ್ ಉ ಉನೇರ್ ವಚ್ಚೆತಿ ಲಂಗನ್ ಓರ್ ವಾಟಿನ್ ಡಗರ್ ಗೊ. ಯೇಸು ಭುತೆನ್ ದಬಾಯೇರ್
31
ಜನಾ ಉ ಗಲಿಲಾಯ ಮಲ್ಕೆಮಾ ರಜೆ ಕಪೆರ್ನಹುಂ ಶೇರೆಮಾ ಸಬ್ಬತ್ ದಾಡ್ ಜನ್ನೇನ್ ಬೋದಾ ಕೀದೋ.
32
.ಓರ್ ವಾತ್ ಹಕಮೇತಿ ರೇ ಜೇರ್ವಾಸ್ ಓ ಓರ್ ಬೋದೇನ್ ವಿಚಿತ್ತರ್ ವೆಗೆ.
33
ಓ ಘರೆಮ ಭೂತ್ ಲಾಗರಿಜಕೋ ಏಕ್ ಮನಕ್ಯಾರ .
34
.ಉ ನಜರೆತೆರ್ ಯೇಸು ಹಮೇತಿ ತೋನ್ ಕಾಂಯಿ ?ಹಮೇನ್ ನಾಸ್ ಕರೆನ್ ಅಯೋ ಕಾಯಿ ?ತು ಕುಣ್ ಚಿಕೋ ಮನ್ ಮಾಲಂ ತು ದೇವೆರೋ ಬೇಟಾಕೆನ್ ಜೋರತಿ ಬರ್ಕಾಯೋ.
35
ಜೇರ್ವಾಸ್ ಯೇಸು -ತು ಗಚ್ಚಬ್ ರ ;ಏನ್ ಚೋಡನ್ ಜೋಕನ್ ಒನ್ ದಲ್ಕಾರೋ ,ಬೂತ್ ಓನ್ ಉನೇರ್ ವಚ್ಚ ಪಟಕ್ದೆನ್ ಓನ್ ಕುಣ್ಸಿ ಹಾನ್ ಕರೇನಿಜು ಓನ್ ಚೋಡನ್ ಡಗರ್ಗಿ .
36
ಜೆರ್ವಾಸ್ ಸೇ ವಿಚಿತ್ತರ್ ವೇನ್ ಈ ಕಸ್ಸೇಕ್ವಾತ್ ?ಏರ್ ಹಕಮೆರ್ ಜೋರೆತಿ ಭುತೇನ್ ಹಕಂ ದೆತೆಖಂ ಓ ಚೂಟ್ ಜಾರಿಚಾ ಕನ್ ಎಕೆನ್ ಎಕ್ ಕೇಲಿದೆ .
37
.ಅತ್ರಾಮಾ ಓರ್ ವಾತ್ ಓಸೇ ಮಲ್ಕುಮಾ ಮಾಲಂ ವೆಗಿ. ಪೇತ್ರುರ್ ಸಾಸುರ್ ತಾವ್ ಆಚೋಕರೆರ್
38
ಉ ದೇವಳೆನ್ ಚೋಡನ್ ಪೆತ್ರು ಕಜಕೋ ಸಿಮೋನೆರ್ ಘನೋ ತಾವೇತಿ ಪಡಿ ಓರ್ವಾಸ್ ಯೇಸುನ್ ನೋರಾಕರ್ಲಿದೆ .
39
.ಯೇಸು ಪೇತ್ರುರ್ ಸಾಸುನ್ ಚಿಪನ್ತಾವೇನ್ ದಲ್ಕಾರೋ ತಾವೇತಿ ವಾರುವೇನ್ ಜನಾಜ್ ಉ ಉಟನ್ ಉನೇನ್ ಸೇವಾಕಿದಿ.
40
.ದಡೂ ದುಬೇರ್ ವಗತ್ ಜನ್ ಸೇ ಉನೇಮಾ ರಾಜಕೋ ಘಣೂ ಥರಾಥರಾರ್ ರೋಗೇತಿ ಬಾದಾ ಕರ್ರ್ಜೀನ ಓರ್ ಡ್ದಯೀ ಲಾಯೇಜನಾ ಉನೇಮಾ ಹರ್ಯೇಕೆನಿ ಯೇಸು ವಾತೆತಿ ಉನೆನ ವಾರುಕೀದೋ.
41
ಬುತ್ ಸದಾ- ತು ದೇವೆರ್ ಬೇಟಾಕೀನ್ ಬರ್ಕನ್ ಘನೀನ್ ಚೋದಂ ಟಗಗ್ರಿ ಉ ಕ್ರಿಸ್ತು ಕೆನ ಉನೀನಾ ಮಾಳಮ್ ವೇರ ; ಉ ಉನೇನ್ ವಾತೀ ನಕರಾಜು
42
ಸೇ ವಾರೋ ವೆಜೆನಾ ಉ ನಿಕಳನ್ ಜುದಿರ್ ಏಕ್ ಜಾಗೀನ ಗೋ ; ಜನೀರ್ ಮಾಳೋವೋ ಓನ್ ದೂಂದ್ಲೆನ್ ಓರ್ ದಾಯಿ ಆನ್ ಉನೀನ್ ಛುಡನ್ ಜಾಯೇನಿಜು ಓನ್ ಥಮಾಳ್ಳಿದೇ. .
43
ಪಣ್ ಉ ಉನೆನ - ಮ ದುಸರೇ ಗಾಮೀಮಾಯಿ ದೆವೀರ್ ರಾಜ್ಯ ಮೆರ್ವಡಿ ಪ್ರಚಾರ ಕರಣು ಏರ್ ವಾಸಜ್ ಮ ಮೇಲಾನ್ ಛೂಕನ್ ಕೋ.
44
ಜೆರ್ಪಚ್ ಯುದಾಯಾ ಮಲ್ಕೆರ್ ನಾಸಾಬಿಯರ್ ದೇವಳೇಮಾ ಬೋದಾ ಕತ್ರೋ ಆಯೋ.