¹ .ಸುಂಕರಿಯಾನ್ ಪಾಪಿಯು ಸೇ ಯೇಸುರ ವಾತ್ ಸಾಮಳೆನ ಓರ್ ದಾಂಯಿ ಆನ್ ಗೋಳಾವೇ. ² .ಪರಿಸಯುರ್ ಶಾಸ್ತಿಯೂ ಓನ್ ದೇಕನ್ ಈ ಪಾಪಿಯೂನ್ ಧಾoಯಿ ಕರನ್ ಉನೆತಿ ಸದಾ ಖಾನೋ ಖಾರೋಚಕನ್ ಘನೋಟನಕು ಕಿದೇ ³ .ಉನೇನ್ ಉ ಸಾಟುವಾನ ಕೋ. ⁴ ತಮೇಮಾ ಏಕ್ ಮನಕ್ಯಾ ಸೋ ಗೊರ್ಲಿರ್ ವೇನ್ ಉನೇಮಾ ಎಕ್ ಗಮಗಿಜಕೋ ಏಕ್ ಸೋ ಗೋರ್ಲಿನ್ ಝಾಡಿಮಾ ಚೋಡ್ದೆನ್ ಗಮಾಗಿಜಕೋ ಎಕ್ ಗೋರ್ಲಿ ಮಲಜೆತಾನು ಓನ ದುoದೆನ ಜಾವಚ ಕೋನಿಕ? ⁵ .ಉ ಮಳಜನಾ ಖುಷಿತಿ ಓನ ಓರ್ ಕಾಮ್ದೆಪರ್ ಪಾಲ್ದೇನ್ ಘರ್ ಆನ್ ಓರ್ ದೊಸ್ತಿಯುನ್ ಬಗಲ್ ಚಜೇನ್ ಬಲಾನ್, ⁶ .ತಮ್ ಮಾತಿ ಸದಾ ಖುಷಿ ಪಡೋ ಗಮಗಿಜಕೋ ಮಾರ್ ಗೊರ್ಲಿ ಲಾಬಿಕನ್ ಉನೇನ ಕಚ್ ಕೋನಿ ಕಾಂಯಿ? ⁷ .ಹನುಜ್ ಉಜ್ವೆಕ್ದಲ್ ಜರೂರ್ ಚೇನಿಜಕೋ ನೆವೆಪರ್ನವ್ ಆದ್ಮಿ ನಿಯತ್ ದಾರೆರ್ ಕಾಣ್ ಲಾಗಜಕೋ ಖುಷಿತಿ ಉಜ್ವೆಕ್ ದಲ್ ಲಿದೆಜಕೋ ಎಕ್ ಪಾಪಿವಾಸ್ ಸ್ವರ್ಗಲೋಕೆಮಾ ಜಾದಾ ಖುಷಿ ವಚ್ಚ . ⁸ ಕುಣ್ಸಿ ಬಿರೆಕನ್ ದಸ್ ರೂಪೆರ್ ರಪ್ಯಾ ರಜನಾ ,ಉನಮಾ ಎಕ್ ರಪ್ಯಾ ಗಮಲತೋ ಉ ದಿವೋ ಸೋಲ್ಗಾನ್ ಘರ್ ಭಾರನ್ ಉ ಮಳಜೆಲಗೂ ಹುಷಾರೆತಿ ದುಂಡೇನಿ ಕಾಂಯಿ? ⁹ ಉ ಮಳಜನಾ ಓರ್ ದೋಸ್ತಿವುನ್ ಬಗಲ್ ಚಜೆನ್ ಬಲಾನ್ ಮಾತಿ ಸದಾ ಖುಷಿಕರೋ ಮಾರ್ ಗಂಗೋಜಕೋ ರಪ್ಯಾ ಮಳೋ ಕನ್ ಉನೇನ್ ಕಚ್ ಕೋನಿ ಕಾಂಯಿ? ¹⁰ ಹನುಜ್ ಉಜ್ಜೆಕ್ ದಲ್ ಲೆಲಜಕೋ ಏಕ್ ಪಾಪಿರ್ ಕಾಣ್ ದೇವೇರ್ ಸೋಜಾರ್ ಮುಂಡಾಗ್ ಖುಷಿ ವಚ್ಚ ಕನ್ ತಮೇನ್ ಕೇರೋಚು ಕನ್ ಕೋ. ¹¹ ಉಜ್ಜಿ ಯೇಸು ಏನ್ ಕೋ ಏಕ್ ಮನಕ್ಯಾನ ದೀ ಬೇಟಾರ. ¹² ಉನೇಮಾ ನಾನ್ ಕ್ಯಾ -ಬಾಪೂ ,ತಾರ್ ಆಸ್ತಿಮಾ ಮನ್ ಆವಜಕೋ ವೆಂತೋ ಮನ್ ದಕನ್ ಓರ್ ಬಾಪೇನ್ ಪುಚತೆಖಂ ಉ ಉನೇನ ಓರ್ ಆಸ್ತಿಮಾ ವೆಂತೋ ಪಾಡ್ ದೀನೋ . ¹³ ತೋಡಾಸೇಕ್ ದಾಡ್ ವೇಗೆ ಜೆರ್ಪಚ್ಚ ಉ ನಾನ್ ಕ್ಯಾ ಬೇಟಾ ಸೇ ಗೋಳಾಕರ್ಲೆನ್ ಘಣ್ ದೂರ್ ಮಲ್ಕೆನ್ :ಜಾನ್ ಓತ್ತ ಓರ್ ಅಸ್ತಿನ್ ಖರಾಪ್ ಕಾಮ್ ಕರನ್ ಹಾಳ್ಕರ್ನಾಕೋ . ¹⁴ ಸೋಳಿ ಉ ಹಾಳ್ ಕಿದೋ ಜೆರ್ಪಚ್ಚ ಉ ಮಲ್ಕೆಮಾ ಮೋಟೋ ಕಾಳ್ ಪಡೋಜನಾ ಓರ್ ಬಂಚಾವನೆರ್ ವೇಲಾ ಸುರು ವೇಗೋ . ¹⁵ ಉ ಮಲ್ಕೆಮಾ ದಿಕೆರ್ ದಾಂಯಿ ಜಾನ್ ಆಸ್ರೋ ದೂoದೋ ಉ ಮಲ್ಕೆರ್ ಖೇತೆಮಾ ಓ ಓನ್ ಸೂರಿ ಚರಾಯೇನ್ ಮೇಲೋ . ¹⁶ ಸೂರಿ ಖಾವಜೆ ಫಳೆನ ಉ ಓರ್ ಪೇಟ್ ಭರಲುಕನ್ ಆಸಕಿದೋ ಪಣ್ ಕೊಯಿ ಓನ್ ಕಾಂಯಿ ದೀನೆಕೋನಿ. ¹⁷ ಪಣ್ ಅಕ್ಕಲ್ ಆಯಿಜನಾ ,ಉ ಮಾರ್ ಬಾಪೆಕನ್ನ ಕತ್ರಾಯಿಕೋ ಆದ್ಮಿ ಕೂಲಿ ಕರೇವಾಳೂನ್ ಬಾಟಿ ಘಾಲಚ ಪಣ್ ಮ ಅತ್ತ ಭೂಕೇತಿ ಮರ್ಜಾರೋಚು . ¹⁸ ಮ ಉಟನ್ ಮಾರ್ ಬಾಪೇಕನ್ನ ಜಾನ್ ಬಾಪು ಮ ಸ್ವರ್ಗಲೋಕೆರ್ ವಿರೋದ್ ತಾರ್ ಮುಂಡಾಗ್ ಪಾಪ್ ಕೀದೋ - ¹⁹ ಅಬ್ಬೇತಿ ತಾರ್ ಬೇಟಾ ಕನ್ ಕೇರಾಯೇನ್ ಚಾಜುನಿ ಮನ್ ತಾರ್ ಕೂಲಿವಾಳೆಮಾ ಎಕೇರ್ ನೈ ರಕಾಡಲ್ ಕನ್ ಓನ್ ಕುಚು ಕನ್ ಕೇಲೇನ್ ಉಟನ್ ಬಾಪೆಕನ್ನ ಆಯೋ . ²⁰ ಉ ಉಜ್ಜಿ ಘನಂ ರಜನಾ ಬಾಪ್ ಓನ್ ದೇಕನ್ ದಯಾ ಕರನ್ ದಾಸನ್ ಭಕಡಿ ಭರನ್ ಓನ್ ಚುಂಲಿದೋ. ²¹ ಜನ ಉ -ಮ ಸ್ವರ್ಗ ಲೋಕೇರ ವಿರೋದ್ ತಾರ್ ಮುಂಡಾಗ್ ಪಾಪ್ ಕೀದೋ ಅಬ್ಬೆತಿ ತಾರ್ ಬೇಟಾಕೆನ್ ಕೇರಾಯೇನ್ ಚಾಜುನಿಕನ್ ಓನ್ ಕೋ . ²² ಪಣ್ ಬಾಪ್ ಓರ್ ಬಾಂಯವುತಿ ಘನೋ ಆಚೋ ಲತ್ತಾಲಾನ್ ಎನ್ ಪೆರಾವೋ ಎರ ಅಂಗಳಿಮಾ ವಿಂಟಿ ಘಾಲೋ ಟಾoಗೆಮಾ ಚೆಪ್ಲು ಪೆರಾವೋ . ²³ ಗೂದೇವಾಳೋ ಕೆಲ್ಡಾಲಾನ್ ಕಾಟೋ ಅಪಣ್ ಖಾನ್ ಖುಷಿ ಕರಾ ;ಈ ಮಾರ್ ಬೇಟಾ . ²⁴ ವರನ್ ಬಂಚೋ ಗಮಾಗೋತೊಕೋ ಲಾಬೋ ಕನ್ ಕೊಜನಾ ಓ ಖುಷಿ ಕರೆನ್ ಸುರುಕಿದೋ . ²⁵ ಜನಾ ಓರ್ ಮೋಟೋ ಬೇಟಾ ಖೆತೆಮಾವೆತ್ತೋ ಉ ಖೇತೆತಿ ಘರೆಡಾoಯಿ ಅವತೆಖಂ ವಾಜಾನನ್ ನಾಚರೆಜೆನನ್ ಸಾಮಳನ್ . ²⁶ ಬಾಂಯಮಾ ಎಕೆನ್ ಬಲಾನ್ ಈ ಕಾಂಯಿಕನ್ ಪೂಚೋಜನಾ , ²⁷ ಉ ಬಾಂಯಾ ಒನ್ -ತಾರ್ ಭಾಯಿ ಆಯೋಚ ಉ ಓರ್ ಡಾoಯಿ ಸೋಕೇತಿ ಆಯೋ ಜೆರ್ವಾಸ್ ತಾರ್ ಬಾಪ್ ಗೂದೇವಾಳೋ ಕೆಳ್ದಾನ್ ಕಟಾಯೋ ಕನ್ ಕೋ. ²⁸ ಪಣ್ಉ ರೀಸ್ ಕರನ್ ಮಾಯಿ ಜಾಯೇನ ಖಾತೆರ್ ವೋಕೋ ಜೆರ್ವಾಸ್ ಓರ್ ಬಾಪ್ ಆನ್ ಮಾಯಿ ಆ ಕನ್ ನೋರಾಕಿದೋ . ²⁹ ಜೆರ್ವಾಸ್ ಉ ಓರ್ ಬಾಪೇನ -ಇದೆಕಮ ಅತ್ರಾವರ್ಸೇತಿ ತಾರ್ ಸೇವಾಕರ್ರೋಚು ತಾರ್ ವಾತ್ ಕನ್ನಾಯಿಜ್ ಮನೋಕೊನಿಜು ಗೋಕೋನಿ ;ಹನುವತ್ತೋ ಮಾರ್ ದೊಸ್ತಿಮಾತಿ ಖುಷಿ ಕರೇನ ತು ಮ ಕನ್ನಾಯಿಜ್ ಎಕ್ ಚೆಳಿರ್ ಪಿಲಾ ಸದಾ ದಿನೋಕೊನಿ . ³⁰ ಪಣ್ ತಾರ್ ಆಸ್ತಿನ್ ಕಚ್ನಿತಿ ಸದಾ ಖಾಲ್ದೊಜೆನ್ ಈ ತಾರ್ ಬೇಟಾ ಅತೆಖಂ ಎರ್ವಾಸ್ ಗುದೆವಾಳೋ ಕೇಲ್ದಾನ್ ಕಟಾಯೋಕನ್ ಕೋ . ³¹ ಜೆರ್ವಾಸ್ ಉ -ಬೇಟಾ ತು ಹಮೇಷಾ ಮಾತಿ ಸದಾ ರೆಚಿ ಮಾರ್ ಸೇ ತಾರಜ್ , ³² ಅಪಣ್ ಆನಂದ್ ಕರನ್ ಖುಷಿತಿ ರಾಜಕೋ ಆಚೋ ಈ ತಾರ್ ಭಾಯಿ ಮರನ್ ಫರನ್ ಬಂಚೋ ಗಮನ್ ಲಾಬೋ ಕನ್ ಓನ್ ಕೋ .