¹ ಎ ಸಾವೂಕಾರ್ವ್ವಳೆವೋ , ಸಾಮಲೋ, ತ್ಮಾಪರ್ ಆವಜಕೋ ಅಪ್ಥಿರ್ವ್ವಡಿ ಬಕನ್ ರೋವೋ. ² ತಮಾರ್ಧನ್ ಹಾಳ್ ವೇನ್ ತಮಾರ್ ಲಾತ್ತಾಕವನ ಅದೊಯಿಖಾಗಿಚ ³ ತಮಾರ್ ಸೋನೆನನ್ ರೋಪೆನ ಚೀಲಮ್ ಪಕಳೀದಿಚ; ಉನೆಮಾರ್ ಚಿಳಮಾಜ್ ತಮಾರ್ ದ್ವ್ವೆಷೆತಿ ಸಾಕ್ಯಾವೆನ್ ಅಮಗಾರೆರ್ ನ್ಯೆ ತಮಾರ್ ಬೋಟಿನ ಖಾವಚ; ಅಕರಿರ್ ದಾಡೆಮಾ ಧನ್ನೆನ ಗೋಳಾಕೀದೇಚೋ. ⁴ ಇದೆಕ್, ತಮಾರ್ ಖೇಮಾ ಕಾಟೆಜೇರ್ ಕುಳಿ ತಮಾರ್ ಅನ್ಯಾಯಿತಿ ಪಕದಾಜಾನ್ ಬಕಮಿನ್ ಸೋಲಿಜೋರೆರೋ ದೇವೇರ್ ಕಾಣೆನ ಪುಮ್ಚಿಚ . ⁵ ಧತಿಪರ ತಮ್ ಕೊಸಲೆತಿ ಬಂಚನ್ ಸೋಕ್ಕೆಮಾ ದಲೇನ್ ಲಾಗಜು ಚಾಲಿದೆಚೋ ; ಕಾಟೆ ರ್ ದಾಡೆ ಮಾತಮಾರ್ ದಲೆನ ತಾಜಾ ಕ್ಲಿದೆಚೋ . ⁶ ನಿಯತೆದಾರೇನ ತಮ್ ಸಜಾದೇನ್ ಮಾನಾಕೇ; ಉ ತಮಾತಿ ಹೋಟೋ ಹು ಯೇ ಕೋನಿ ⁷ ಹನುರೆತು ಭಾಯಿ ಯೇ ಪ್ರಭು ಅವಜೇತಾನೆ ಸಮಾಳೆನ್ ರೋ; ದೇಕೋ , ಕರೆವಾಳೋ ಜಮಿರ್ ಆಚ್ ಘಳೆನ ಹಾಮ್ಸೋಕಲೆವನುಕನ್ ಉಂದಾಳೆರನ್ ವಸ್ಹಾಳೆರ್ ಪಾಣಿ ಪದಜೆತಾನು ಕತ್ರಾಯಿಕೋ ಧಿರೇತಿ ವಾಟ್ ದೆಕೊರಚ . ⁸ ತಂಸದಾ ಧಿರೇತಿರೇನ್ ತಮಾರ್ ದಲೆನ ಘಟಕಲೋ ; ಪ್ರಭು ಆಯೆರ್ ವಗತ್ ಧಾಂಯಿಛ. ⁹ ಭಾಯಿವೋ. ತಮ್ ನೇವ್ ಪಾಯೇನಿಜುರೇನ ಎಕ್ಕೆರ್ ದ್ವ್ವೆಷೆ ತಿ ಎಕ್ ತನಕೊಮತ್; ಇದೆಕ್ ನೆವರ್ ನಾಯಕ್ ಬಾಕಲರ್ ಧಾಮ್ಯಿ ಹುಬೋಚ. ¹⁰ ಮಾರ್ ಬಾಯಿವೋ , ಪ್ರಭುರ್ ನಾಮೆಮಾ ವಾತೇಕಿದೆಜಕೋ ಬಕ್ಥಿದಾರ್ ನ್ಯೆ ಮೇಲೋ. ¹¹ ಸೇತಿಜಾದಾ ಮಾರ್ ಬಾಯಿವೋ, ಅಸ್ಮನೇ ಪರ ಕೋ ಧ ರತಿಪರ್ ಕೋ ದುಸರೋ ಕುಣಿಪರಿ ಸೋಗನ್ ಖಾವೋಮತ್ ; ತಮ್ ನೆವೇ ಮಾ ಜಾಯೇನಿಜುರೆನ ಚಜೆನ ಛ ಕೆನ್ ಛನಿಜೇನ್ ಛೆನಿಕನ್ ಕೆದೋ. ¹² ತಮೆಮಾ ಕೋಯಿತೋಯಿ ಭಾವೇಟ್ಟಿ ಪದತೋ? ಉ ಅರಜ್ ಕರೆದ;ಎಕ್ ಖುಷಿ ಪಾರೋಚ ಕ ? ಉ ಗೀದ್ ಬೋಳೆದ; ¹³ ತಮೆಮಾ ಕೊಯಿತೊಯಿ ದೊಕ್ಕೆತಿ ರಾತೋ? ಉ ಸಭಾರ್ ಮೋಟೆ ನ ಬಲಾಯೇ ಧ ಓ ಪ್ರಭು ಯೇಸುರ್ ನಾಮೆತಿ ಓನ ತೆಳ ಲಗಾಡನ್ ಓರ್ವ್ವಾಸ್ ಅರ್ಜಕರೆದ. ¹⁴ ಜನಾ ವಿಶ್ವಸ ಮೇರ್ ಅರ್ಜ ದೊಕ್ಕೆಯಾನ ರಕ್ಷಣ್ ಕರಛ ; ಪ್ರಭು ಓನ ವಟಾಡಛ ; ಉ ಪಾಪ್ ಕಿದೊವತೋ ಉ ಓನ ಮಾಪ್ ವಚ್ಚ . ¹⁵ ತಮ್ ವಾರುವೆನ ತಮಾರ್ ದೊಷೆನ ಎಕ್ಕೆನ ಎಕ್ ಕೆನ್ ಎಕ್ಕೆರವ್ವಾಸ್ ಎಕ್ ಅರಜ್ಕರೋ; ನಿಯತೆದಾರ್ ಕರಕೊ ಪುರೋದಲರ್ ವಿನತಿ ಘನೋ ಜೋರೆತಿ ಛ. ¹⁶ ಎಲಿಯಾ ಅಪ್ನೆರ್ ನ್ಯೆ ಭಾವೇಟೆರ್ ಮನಕ್ಯರ್ ವೆಂ ರತೊಯಿ ಪಾಣಿ ಪದನುಕೊನಿ ಕನ್ ಪುದೊಕೊನಿ. ¹⁷ ಪೇರ್ ಅರಜ್ ಕಿದೊಜನಾ , ಅಸ್ಮ್ನ್ ಪಾಣಿನ ಉಒದಾಯೋ; ಜ್ಮಿ ಓರ್ ಘಳೆನದಿನಿ. ¹⁸ ಮಾರ್ ಭಾಯಿ ಯೇ ತಮೇಮಾ ಕೊಯಿತೊಯಿ ಸತ್ತೆನ ಚೋದನ್ ಚೆಟಿಜಾನ್ ಹಾಲ್ವಜನಾ ಉಜ್ಯಕೋ ಓನ ಹೋಟೋಪೇರಾತೋ, ¹⁹ ವಾತೆಮಾತಿ ಗೊಜಕೋ ಪಾಪಿನ ಪೆರಜಕೋ ಎಕ್ ಅತ್ಹ್ಮನ ²⁰ ಮೆತೆಮಾತ ರಕ್ವ್ವಲಿಕರನ್ ಘೆನೇ ಪಾಪೆನ ಬೂರಚಕನ್ ಮಾಲಂಕರ್ಲೋ.