¹ ತಮೆಮಾ ಲದಾಯಿನ್ ಬಾತುಪದೆರ್ ಕೇಟಿ ಅವಚ?ತಮಾರ್ ಅಮ್ಗೆಮಾ ವೇರ್ ಕರಜಕೋ ಹಾಯಿತಿಜ್ ಕೊನಿಕ? ² ತಮ್ ಹಾಯಿ ಕರಣಿ ತಮೆನ ಮಾಲೆನಿ; ತಮ್ ಹತ್ಯಕರನ್ ಪೆಟ್ ಬಾಲ್ಲಜೇರ್ ನ್ಯೆ ರೇನ್ ಪಾಲೋನಿ; ತಮ್ ಲದಾಯಿನ್ ಯುದ್ ಕರೋಚೋ; ಪಣ್ ತಮ್ ಪುಚೆಕೊನಿಚೆತಿ ತಮೆನ ಲಾಭೆನಿ ³ ತಮಾರ್ ಮಂದ್ ದಲೆತಿ ತಮಾರ್ ಹಾಯಿನ ಪೋರೋಕರೆನ ಪುಚೋಜೆತಿ ತಮ್ ಪಾಲೋನಿಜು ಛೂ. ⁴ ಚನಾಲೆವಾಳವೋ ಈ ಧತೀರ್ ದೊಸ್ಥಿಪನ್ ದೇವನ್ ವ್ಯಾರಿಛಕನ್ ಮಾಲಂ ಚೆನಿಕ? ಜೇತಿ ಧರತಿನ ದೊಸ್ಥಿವೆನ ಅಸಾಕರೆವಾಲ್ ದೆವೆನ ವ್ಯಾರಿ ಛ. ⁵ ಅಪನೆಮಾ ವಸೋಜಕೋ ಪವಿತರ್ ಅತ್ಹ್ಮಾನ ಪೆಟ್ ಬಾಳ್ಳಾ ಜು ಕರಿಯೇಕಜಕೋ ಗ್ರ್ಮ್ಥೆರ್ ವಾತ್ ತಾಲ್ವ್ವತ್ ಕನ್ ಕೆಲೋಚೋಕ? ⁶ .ಪಣ್ ಉ ಘನೋ ಕ್ರುಪನ ದೆರೋಚ; ಜೇಟಿ ಮೊತ್ತನ್ ಕರೇವಾಳೆನ ದೇವ್ ಹೋಟೋ ಹುಬ್ರಚ; ಪಣ್ ಸಾನ್ ಮನಕ್ಯವುನ ಕ್ರುಪನ ದ್ಚಚ್ಚಾ ಕನ್ ಲಕ್ಕಾನ್ ಛ. ⁷ ಜೇತಿ ದೆವೆನ ನವ್ವ್ವನ್ ರೋ ; ಭುತೆನ ದಳಕ್ಕರೋ ; ಜನಾ ಉ ತಮೇನ ಚೋದನ್ ಧಾಮ್ಜಾವಚ . ⁸ ದೇವೆರ್ ದಾಂಯಿ ಅವೋ; ಜನಾ ಉ ತಮಾರ್ ದಾಂಯಿ ಅವಛ; ಎ ಪಾಪಿಯೋ ತಮಾರ್ ಹಾತೆನ ಅಚೋ ದೊಲೋ;ದಿ ದಲೆವಾಲ್, ತಮಾರ್ ದಲೇನ್ ಪವಿತರ್ ಕಲ್ಲೋ . ⁹ ತಮ್ ಬಾಡತಿ ಡು:ಖಪಾನ ರೋವೋ; ತಮಾರ್ ದಾಂಯಿ ಅವಚ ; ಎ ಪಾಪಿಯೇ ತಮಾರ್ ಖುಷಿ ಕಾಕೊಲಿರ್ ನ್ಯ ಬದಜಾಯೆದ . ¹⁰ ದೇವೆರ್ ಆಂಗ್ ನವ್ವ್ವನ್ ರೋ; ಜನಾ ಊ ತಮೆನ ಉಮ್ಚೆಕರಿಯೇ. ¹¹ ದೇವೇರ್ ಭಾಯಿಯೋ, ತಮ್ ಎಕ್ಕೆಪರ್ ಎಕ್ ದ್ವ್ವೆಶಿತಿ ವಾತೆಕರೋಮತ್; ಕೊಯಿತೊಯಿ ಭಾಯಿನ ದ್ವ್ವೆಷೆತಿ ವಾತೆಕರನ್ ಓರ್ ಬಾಯಿನ ದೋಷಿ ಕರಾಯೇವಾಲೋ ಧರ್ಮ್ಶಾಸ್ತ್ರೆನ ದ್ವ್ವೆಷೆತಿ ವಾತೆಕರನ್ ಧರ್ಮ್ವಸೋ ತು ಧರ್ಮ್ಶಾಸ್ತ್ರರ್ ನ್ಯೆ ಚಾಲೆನಿಜು ಓನ ನೆವೆರೋ ನಾಯಾಕ ವೆಜಾಚಿ. ¹² ಧರ್ಮ್ಶಾಸ್ತ್ರೆನ ಡೆನ್ ನೇವ್ ಕರೆವಾಳೋ ಎಕೊಜ್ ಉಜ್ ರಕ್ಕಾಳಿ ಕರೆನನ್ ಹಾಳ್ ಕರೆನ ಜೋರೆರೋ ಛ. ಪಣ್ ತಾರ್ ಬಗೆವಾಳೆನ್ ನೇವ್ ಕರೆನ ತು ಕುಂ? ¹³ ಅಚೋ ಸವಾರಕೋ ಏಕಾದ್ ಶೇರಿನ ಜಾನ್ ವತ್ತ ಎಕ್ ವಾರ್ಸ್ ದಾಡ್ ರೇನ್ ವೆಪಾರ್ ಕರನ್ ಕಮಾಲೆವನು ಕನ್ ಕೆಲೆವಾಳ್ ಸಾಮಳೋ. ¹⁴ ಸವಾರ ಕಾಂಯಿ ಚಾಲಚಕೋ ತಮೆನ ಮಾಲ್ಮ್ಚೆನಿ; ತ್ಮಾರಜಾನ್ ಕಸೆಕೊಚ? ತಮ್ ತ್ಹೊದೆಕ್ ವಗತ್ ದಕಾನ್ ಅತ್ರಾಮ ದಕಾಯೇನಿಜಕೋ ದುಉಯೇರ್ ಸರಿಕ್ ಚೋ. ¹⁵ ಜೇತಿ ದೆವೇನ ಖಾತರ್ ವಾತೋ ಹಮ್ ಬ್ಮ್ಚನ್ ರಾತೋ ಏನ ಓ ನ ಕರಿಯಾಕನ್ ಕೇವಣು ¹⁶ ಅಬ್ಬ ತಮಾರ್ ಬದಾಯಿಮಾ ಮೊತ್ತನ್ ಕರನ್ ಖುಶಿರರೆಚೋ; ಅಸೋ ವೊಟ್ಟನ್ ಸೆ ಕೆದಜ್ . ¹⁷ ಜೇಟಿ ಭಲಾಯಿ ಕರೇರ್ ಎಕ್ಕ್ನ ಮಲ್ಮ್ವೆನ್ ರತೊಯಿ ಓನ ಕರೆನಿತೋ ಉ ಓನ ವಚ್ಚ .