7 لا تضحكوا على انفسكم، ماحد يقدر يغش الله. كل واحد يجني ما زرع. 8 فالذي يزرع مايرضي طبيعته الجسدية يجني الهلاك، والذي يزرع للروح، يجني من الروح حياة الخلود. 9 واجب علينا إنه نعمل الخير وما نتعبش، وبنجني بوقته،بشرط إنه ما نستسلم. 10 مادام في معنا فرصة، لازم إنه نعمل الخيرمع كل الناس،وخاصةً إخواننا المؤمنيين. 11 شوفوا هذه الحروف اللي تقروأنه الآن، أنا كتبته لكم بيدي. 12 كل اللي يشتوا يظهروا بمظهر إنهم تمام، ويحاولوا إنهم يجبرونكم تختتنوا،يعملوا كذا بس إرضاء للآخرين، وخائفين عشان ما يُؤذنهم بسبب صليب المسيح. 13 حِتى اللي هم مختونين، هم انفسهم مايعملوش بالتوراة،بس يشتونكم تختتنوا من شان يفتخروا إنهم خلونكم تختتنوا. 14 أما انا، مابفتخرش بشيء إلا بصليب ربنا يسوع المسيح،الذي فيبه صُلب العالم بالنسبة ليّا،وانا صُلبت بالنسبة للعالم. 15 موش مهم إنه يكون الإنسان مختون ولا موش مختون، المهم إنه يكون خليقة جديدة. 16 السلام والرحمة على كل اللي يمشوا بهذا المبدأ،هذوم هم شعب الله الحقيقي.
17 أخيراً،رجاءً لا احد يجيب مشاكل زيادة، لإنه في بجسمي علامات تدل إننا ملك للرب يسوع.
18 يا إخوتي ،نعمة ربنا يسوع المسيح مع أرواحكم. آمين