¹ Saulus nga satuju ge perkara kabis nyam. Sejak koh lah kat mole pembantaian ahuk ket Yerusalem; lalu bepencarlah kayo - kayo da pacaya ket setiap daerah Yudea ge Samaria, kecuali para rasul. ² Kayo - kayo da bariman namak Stefanus ge sabal ate. ³ Tapi Saulus ngancur kumpulan ana da pacaya; nyam masok dari ramin ka ramin lalu nyeret ka sato are - are ge mahung, lalu ayo nyam ni msokkan ket sadatn panjara. ⁴ Tapi kayo - kayo da pacaya nga tasabar ano mansarete nene Nyabata. ⁵ Filipus ano ka sabuah kota dak Samaria ge mansarete Karistus ket kayo nyam. ⁶ Saat koh sakumpulan kayo;e dangah ge nganik tande - tande da katn Filipus bulah, kayo nyam elek ket segale sarete. ⁷ Dari sakian kayo;e da nerima Firman koh, kaluarlah semangat - semangat da jahek ngampak - ngampak; karah kayo da lumpuh ge timpakng katn nyembuh. ⁸ Lalu ani karah sanang ate dak kote koh. ⁹ Tapi dak kota koh ani mansia gaatn;e Simon, nyam sejak tuhik mempraktekkan jampi; biasa nyam bulah kayo - kayo Samaria heran, nyam ngaku mansia da hebat. ¹⁰ Maan - maan ana Samaria, dari da inik sampe da ahuk, mangkatn paduli ket nyam, lalu kayo nyam mugik, "Mansia diah Kuasa Nyabata da katn nyebut Ahuk." ¹¹ Kayo;e dangah nyam, nyam bulah kagum kayoe;e dak waktu da tuhik ge jampi - jampi;e. ¹² Waktu kayo;e nyam pacaya ge jai da Filipus nyiarkan tentang injil mengenai karajaan Nyabata ge gaatn Yesus Kristus, kayo nyam katn mamuk, baik are - are ataupun mahung. ¹³ Simon sadik pun pacaya; pas nyam nga katn mamuk, nyam samuk - samuk ge Filipus, tapi pas nyam nganik tande - tande ge perbuatan ahuk da terjadi, nyam ta kagum - kagum. ¹⁴ Pas kayo guru injil dak Yerusalem dangah bahwa kayo Samaria nga kaatn Sarete Nyabata,kayo;e ngutus Petrus ge Yohanes ketn kayo nyam. ¹⁵ Sampe ket tetn, Petrus ge Yohanes bapumung yak kayo nyam, supaya kayo;e kaatn Roh Nyabata. ¹⁶ Karane sampe saat koh, Roh Nyabata katik nga sosor ket nyunganpun ka kayoe nyam, barang kayo nyam katn mamuk hanya atas gaatn Nyabata Yesus. ¹⁷ Lalu Petrus ge Yohanes moos barenkng ket abak kayo nyam, kayo nyam kaatn Roh Nyabata. ¹⁸ Pas Simon nganik ani Roh Nyabata katn mangkatn lewat penjamahan barekng guru injil koh, nyam nawar uang ket Petrus ge Yohanes. ¹⁹ Nyam mugik, "Mangkatn kitn kuasa diah ga, supaye asipun da kitn manak barekng ket;e nyam janak kaatn Roh Nyabata. ²⁰ Lalu Petrus banene ket nyam, "Biarlah duit perak muk kabis ge muk, karane muk nga berpikir mari karunia Nyabata ge duit. ²¹ Katik ani bagian atau hak muk ket pakara diah, karane ate muk katik batol ket turak Nyabata. ²² Maka koh babalik bitn jahek atas pebulah jahek muk, bapumunglah ket Nyabata, supaye nyam mengampuni nyam mangkatn maaf ate muk diah. ²³ Karena kitn nganik bahwa kubm ani ket sadatn kepaitan ge ket sadat dose. ²⁴ Simon nyaut trus banene, "Bapumunglah ket Nyabata yak kitn, supaya katik ani segala hal - hal da nga muk mugik koh da batol - batol ket kitn ²⁵ Pas Petrus ge Yohanes nga bersaksi ge mensarete Sarete Nyabata, kayo nyam malik ket Yerusalem; bejalatn jauh, kayo;e menceritakan injil ke karah kampong - kampong bitn kayo Samaria. ²⁶ Lakak koh sesosok malaikat Nyabata banene ke Filipus trus mugik, "Makatlah trus anolah ket arah selatan galak da nganang ge Yerusalem ket Gaza" (Galak diah dak tanak tandus.) ²⁷ Lalu nyam makat trus ano. Nganiklah, dak tetn ani mansia are Etiopia, sesosok kuli dari sedama dak saroh kuase wilayah kandake, ratu mansia Etiopia. Nyam batanggung jawab atas segale harta bande;e. Nyam utukng ket Yerusalem yak basembahyang. ²⁸ Nyam agik bejalatn urek trus munyung ket sadatn kereta;e, agik membaca kitab nabi Yesaya. ²⁹ Lakak koh Roh banene ket Filipus, "Anolah tarus jeketlah kereta koh." ³⁰ Maka Filipus segera ano jeket nyam, dangah nyam agik membaca surat nabi Yesaya, lalu nyam banene "Muk pane bak jai da muk baca?" ³¹ Kayo Etiopia koh banene, "Senalah kitn kaatn pane, Kalau katik ani mansia da bimbing kitn?" lalu kitn manso Filipus yak makak ket sadatn kereta tarus munyung samuk ge nyam. ³² Kate - kate kitab suci da agik mansia Etiopia koh ya diah, "pang nyungan domba nyam kat nuntun ka tampat pembantaian; pang anak domba da keluar dak turak pancukur burutn;e, Nyam katik muka babak;E. ³³ Dak sadatn kehinaan Nyam kat nangkap bit kaadilanNyam katn rampas: Asi da bakal mensarete asal - usulNyam? Sebab nyawa Nyam kat naap bit dunia. ³⁴ Lalu kayo kasim koh nanya ket Filipus, watn;e, "Kitn nanya ketmuk,tentang asi nabi koh banene? Tentang adub nyam ato tentang sok laitn? ³⁵ Maka Filipus mulai banene; nyam nga mulai ge kutipan firman da ket tulisan dak kitab Yesaya yak mancaritakan tentang Yesus ket nyam. ³⁶ Pas kayo nyam bajalatn, utukng kayo nyam dak tampat da bapaitn; lalu Kayo Kasim koh banene, "Nganik, ani paitn ket diah; jai da nyegah kitn yak mamu?" ³⁷ Nyaut Filipus; "Jika muk pacaya ge saganap ate muk, ituh. "Nyaut nyam; "Kitn pacaya, bahwa Yesus Kistus koh anak Nyabata. " ³⁸ Maka kayo Etiopia koh nayuk kereta koh barenti. Lalu kayo nyam sosor ket sadatn paitn, baik Filipus ge kayo Kasim, maka Filipus mamuk nyam. ³⁹ Lalu kayo nyam kaluar bitn paitn; Roh Nyabata nabatn Filipus ano; Kayo Kasim koh katik nganik agik, nyam koh ngalanjut ge repo ate. ⁴⁰ Tapi Filipus utukng ket Asdod. Nyam naruk daerah koh ge mancaritakan Injil ket setiap kote - kote, nga utukng lah kayo nyam ket Kaisarea.