¹ Pas ando Pantekosta utuk, mamaan sook bakumpul ka tampat da samu. ² tiba-tiba utuk bit saruga ani gauh pang angin da kuat ngampoh ngampano ka ramin jeket tampat ayo yam munyung. ³ Ket ikoh tampe ka ayo yam rata api ka mamaan tampat, madi ka sambo ayo yam. ⁴ Lalu ma maan ayo yam ni Roh Yabata ngampano da lalu mule banine ge bahasa lait, kanalah Roh angkat ka ayo yam sarite-sarite. ⁵ Setelah koh ket itet ani soo-soo bit Yahudi da madi ket Yerusalem, soo-soo bait, bit man maan ana talino ka saroh rangit. ⁶ Ani gauh ni dangah, sook raya utuk samu-samu da jadi bingung barang ma maan soo dangah ayo yam ba ne ne bahasa ayo yam. ⁷ Ayo yam ta heran ge ta kajut; lalu ayo yam muji, " Batolba koh, barang ayo yam da ba ne ne koh ana-ana Galilea? ⁸ Kat jai lalu ayo te dangah ayo yam ba ne ne ge bahasa asal ayo yam bit kampong yam da sadi? ⁹ Ana bit Partia ge ana Media ge ana Elam, ge soo da madi ket Mesopotamia, ket Yudea, ket Kapadokia, ket Pontus, ket Asia, ¹⁰ ket Frigia ge ket Pamfilia, ket Mesir ge nya rarap bit Libia jeket Kirene, ge soo da utuk bit Roma. ¹¹ Ana-ana Yahuni ge suku bangsa da pacaya ge agama Yahudi, ana Kreta, ana Arab, te dangah ayo yam banene ge bahasa ite soal pangaraje barakat Jabata. ¹² Ayo yam ma maan sampe ripo ge binggung; lalu ayo yam banene ge so lait-lait, "jai maksud samaan diah? ¹³ Tapi ayo ayo lait ngolok ge muji, "Ayo yam abo, kat arak. ¹⁴ Tapi Petrus nage ge kasabalas panginjil, gae banene ge muji, Ayo ana Yudea ge sa ma maan da madi ket Yerusalem, biar kup pande; milelah kata-kata kit. ¹⁵ Ayo diah kati abo, da pang kup kire, barang ando diyah baru jam tiga. ¹⁶ Tapi diah sarite bit nabi Yoel; ¹⁷ Koh sak tajadi ando-ando akhir; Yabata banene; Ikit sak nurah Roh Jubata ka ma maan talino. Sakagot are, ge sakangot mahung bisa ngaramal, ayo bujak mile kajadian-kajadian da sak utuk, soo sadama kaat pimha. ¹⁸ Ge ayo kuli are, kuli mahung saat ando koh sak ni nurah Roh Yabata, ayo yam sak pande bernubuat. ¹⁹ Ikit nga nujo da luarbiase ke sambo rangit ge tande-tande ket saroh bume, daya, api, ge sakumpul asup. ²⁰ Matuando sakdiah barubah jadi patak, burat barubah jadi daya, sebelum ando Tuhan da aho ge hebat koh. ²¹ Saat diah asi so da nato gaat Nyabata sak ni nyalamat, ²² Hai ana ana Israel, dangahlah ne ne diah. Yesus bit Nazaret, Yam diah so da ngani Nyabata natapkan angkatmu bit pabulah aho ge mujizat-mujizat ge tande-tande da Nyabata bulah lewat Iyam ka tuda-tuda kup, pang mu nga pande - ²³ badasar rancane da ni nentukan ge bit pagatahuan Nyabata sabelum e, Yam di nyarah, ge imu, pake barek kup tukang ngalangar ukum, ge nyalib ge ngamis Yam; ²⁴ da ni Nyabata mangkat bangkit, lakakoh bisa lolos bit sansare kabis Yam, barang timungkin bagi Yam yak ni nguase bit kematian. ²⁵ Barang Daud nga banene soal Yam, Ikit Mile Nyabata, terus manarus ka tura muka kit, barang Yam ani ket sabalah rarap kit maka koh kit kati goyok. ²⁶ Lalu pangkohlah ate kit sanang ge rata kit ngado. Koh ga insitkit sak idup ka sadat keyakinan. ²⁷ Barang Yam ti bisa nanggalat jiwakit ket hades/naraka, da pagkoh Mu kati mambiarkan Roh KudusMu mile pangarusak. ²⁸ Nyabata mangkat ket ikit gala kehidupan; Kup bulah pano suke ate ge muhasMu. ²⁹ Ayo age te, kit banene ka ayo kup ge yakin soal Daud sama bangsa ite: yam nga kabis ni namak ge tamak yam ani sampe toro yah. ³⁰ Sebab yam koh nabi ge nga pande bahwa Nyataba nga ba janji ge basumpah ka iyam, bahwa Yam sak mana talino bit turunnan yam ket tahtah yam. ³¹ Yam nga laka mile sebelum koh soal diah, ge laka muji soal kebangkitan bit Kristus nga idup."Yam kati ni nagalat ket hades, ge insit Yam kati aboh rusak. ³² Yesus diah - da ni Nyabata nga bangkit, soal hal koh ite ma maan jadi saksi-saksi. ³³ Sebab dakoh laka ni ngangkat ka rarap santao Nyabata ge nga kaat Roh Kudus da nih nga janji bit Nyabata Tuhan Allah, nga ni Yam nyurah, lah pang koh nga imu mele ge dangah. ³⁴ Daut kati maka ka saruge, tapi yam muji, 'Nyabata banene ka Nyabatakit, "Munyung meh jeket rarap santau kit, ³⁵ "sampe Kit bulah inso-insomu jadi tampat nahan kaja mu." ³⁶ Pangkolah, biar ma maan umat Israel nga pande ge pasti Nyabata nga bulah Yam jadi Tuhan ge Kristus, Yesus da nga kup nyalib koh. ³⁷ Waktu a yo yam dangah diah, sansere ate ayo yam, lalu nyangke ka Petrus ge ayo panginjil, Age adup, jai da harus kai bulah? ³⁸ "Ge Petrus nyahut ka ayo yam, "Bertobatlah agi ge angkat angkat adupku nyungan-nyungan ni babtis, ge gaat Yesus Kristus angkat pangampun dose-dose mu, ge imu sak narima barakat Roh Kudus. ³⁹ "Kat mulah janji koh ge angkat ana-anamu ge ma maan da jauh, karah ana ni Nyabata Tuhan ite nato. ⁴⁰ Ge raya ne ne lait yam mile ge makse nayu a yo yam; "Nyalamat meh adupmu sadi bit zaman da jahe diah. ⁴¹ "Lalu ayo yam kaat sarite ge ni babtis., andokoh jumlah batambah karah kire-kire taru ribu jiwa. ⁴² Ayo nyam tekun tarus ge nasehat bit ayo Panginjil ge sambayang, motek-motek kue ge bapumung. ⁴³ Rase buut madi ma maan sook, ge raya mujizat-mujizat ge tande-tande da ani bit ayo Panginjil. ⁴⁴ Da ma maan ana pacaya jadi bakumpol ge ma maan milik a yo yam jadi milik samu-samu. ⁴⁵ ayo yam nyual ma maan harta bande ge nga bagi bagi ka ma maan a yo yam, manurut kebutuhan adup-adup. ⁴⁶ Tiap ando ayo yam bakumpol samu-samu ke sadat ramin Nyabata, ayo yam keh metek-metek roti ka sadat ramin-ramin, ayo yam nga bagi bagi pangkuman ge suke ate ge ate da nyaroh, ayo yam ngado ka Nyabata ge ma maan sook suke ge ayo yam. ⁴⁷ Pang tiap ando Nyabata nambah ka ayo yam talino da laka ni nyalamat.