¹ Teofilus, sadat surat ikit da partame da ikit nulis idu, ani ni ka jelas samue pakare da ni Yesus bolah ge ngajar, ² sampe ano inyam maka' ka samo. Pakare diah ani laka Inyam angkat parentah naru Roh Nyabata ka guru-guru Injil da ni Inyam milih. ³ Laka Inyam anab sampe kabih, Inyam nampe adup e' da idup koh ka ayo-ayo ige raya bukti da bise ni pacaya. Salame ampat puluh ano Inyam nampe adup ee ka ayo-ayo, ge Inyam nyarete ngabah tampat madi Nyabata. ⁴ Waktu Inyam ba kumpul ge ayo-ayo koh, Inyam nayu ayo-ayo koh ka'a ngagat Yerusalem, tapi ayo nyam nganti janji Nyabata saruge ite, ge hal koh, Inyam ngamuji, "Imu ngadangah bit ikit: ⁵ Yohanes ngamamu kup ge pait, tapi imu na nimamu ge Samangat Nyubata ige mani ano agi. ⁶ Sanokoh ayo bakubu basamu-samu, ayo nyangke ka Inyam, "Nyubata, sanodiah ba Akup na bolah lamus agi panguase Israel?" ⁷ Inyam banene ka ayo e'e, "Imu ti paralu pane ano mee ge ngina da ni Nyubata manatap ge kuase Inyam adup ee". ⁸ Tapi imu na kaat kuase, sano Samangat Nyubata sosor ka imu, ge imu na jadi saksi Kit ka Yerusalem ge saluruh Yudea ge Samaria, ge saluruh ujung bumi". ⁹ Sanolah Nyubata Yesus ngalaka nyarete pakara-pakara koh, sanolah ayo inyam mele ka samoo, Inyam nga barangkat, ge kabut nutup Inyam bit matu ayo ee. ¹⁰ Sano ayo inyam ele ka saruge waktu inyam tarangkat koh, eeeh, ani dua ungan nage ka jeket ayo inyam make baju ranak. ¹¹ Ayo inyam basarete, "Ayo kup ana Galilea, jai ayo akup nage ele ka saruge? Yesus diah da tarangkat ka saruge koh jana na utuk agi lah diah samu ge care Inyam da ni kup mele waktu maka' ka saruge". ¹² Lalu ayo inyam koh ure agi ka Yerusalem bit Bukit Zaitun, da jeket ge Yerusalem, sajalat ano Sabat jauhe koh. ¹³ Pas ayo inyam utuk, ayo inyam maka' ka samo, tampat ayo inyam madi. Ayo inyam koh Petrus, Yohanes, Yakobus, Andreas, Filipus, Tomas, Bartolomeus, Matius, Yakobus ana'are Alfeus, Simon ana Zelot, ge Yudas ana' are Yakobus. ¹⁴ Ayo inyam samue koh bakompul jadi asa, samu ge ayo inyam suke bapamang. Ayo da bapamang ge ayo inyam koh raya ayo mahung, Maria sino Yesus ige adi-adi Yesus. ¹⁵ Ano ikoh Petrus nage ka tuda age adi inyam, kire-kire saratus dua puluh ingan, ge banene, ¹⁶ "ooo age ikit samue, panting banene Nyubata koh jadi nyate, samangat Nyubata ngani banene bit baba Daud idu maan soal Yudas Iskariot, ana da nuntun ayo ee naap Yesus. ¹⁷ Inyam ( Yudas Iskariot) koh idu asa ge kumpulan ite uga. Inyam pun ngani ngarase pagune palayanan diah. ¹⁸ Tolodiah ana koh mari nyabalah tana ige hasel inyam bulah jahe koh, yak ikoh lah inyam jantu ka tana ge aba inyam uro, lalu ungan nyam tabagi, lalu samue isi putuk nyam kaluar tabore. ¹⁹ Samaan talino da idup ka Yerusalem ngani dangah kesah diah. Oleh koh ayo nyam muji tana koh bit bahasa ayo nyam, "Hakal-Dama", artie, "Tana Daya". ²¹ Sabab koh lah, jadi pakare da wajib ite milih nyongan da nganti inyam pang koh ani ge ite salalu. Pas Nyabata Yesus ani ige ite salalu. ²² Mule dari pamamu Yohanes sampe Nyabata Yesus ni ngangkat bit ite samue, harus ite samu-samu jadi saksi Inyam dalam pakare Inyam bangkit. ²³ Lalu ayo inyam manunjuk dua ngan, Yusuf da ni nato Barsabas, da ba gaat Yustus, ge Matias. ²⁴ Ayo inyam basarete ge bapumung, "Oohhh kub, Nyabata, pamane sagala hal sadat ate talino samue, angkatlah kai pane ume dua ungan diah da ni kup Nyabata milih. ²⁵ Untuk mangganti tampat karaje palayanan diah gune ngganti Yudas Iskariot da malanggar pas bolah jahe gune inyam ure ka tampat adup nyam. ²⁶ Ayo inyam nyabut undi ka dua unggan koh, lalu undi koh jantu ka Matias. Lepas koh Matias jadi kasabalas rasul.