¹ Ani nyungan dak kote Kaisarea, gaatn;e Kornelius, nyungan tentara bitn sakumpulan Italia. ² Nyam nyungan da patuh, ge bapumung ka Nyabata samuk ge seisi ramin;e Nyam mangkatn bagitu karah uang ket kayo - kayo Yahudi trus selalu bapumung ka Nyabata. ³ Kire - kire jam pire ano koh, nyam nga jelas nga nganik sadatn dak pamele sook malaikat Nyabata utukng ket nyam. Malaikat koh banene ket nyam, "Kornelius!" ⁴ Kornelius melotot ket malaikat koh ge takajut buut trus banene, "ani jai diah, tuan?" Watn malaikat koh ket nyam, "Doa ge kolekte muk ket kayo da papa ruga nga makak sebagai pantak kolekte ka pangadap ket Nyabata utukng. ⁵ Tolok diah nayuklah mani - mani ngan kayo;e ke kote Yope yak nabatn nyungan gatn Simon da biasa katn ni nyebut Petrus. ⁶ Nyam madik ka nyungan pamoho kurit da gaatn;e Simon da ramin;e ket suutn laut. ⁷ Pas malaikat da banene ket nyam pas ano,Konelius nato dua ngan bit kayo pangurus;e, trus nyungan tantare da bapumung ka Nyabata bitn bagian tantare da pangurus Nyam. ⁸ Kornelius nga mancaritakan ket kayo nyam samaan da nga lakak trus ngirim kayo nyam ke Yope. ⁹ Pas ano jakap pang;e kire - kire tangah ano, pas kayo nyam dak galak trus kayo nyam jeket ka kote koh,Petrus makak ka tumukng ramin yak bapumung. ¹⁰ Nyam lalu saburuk trus ngate uman, pas kayo - kayo agik nyiap uman ngarum, nyam kaatn pamele, ¹¹ trus nyam nganik dak rangit kabuka trus nyabuah tampat katn nyosor, pang kain da ahuk sosor ka bumi, katn nurun ge kaampat sudut;e. ¹² Dak sadatn tampat koh ani sagale macam banatang bakajak ampat trus sagale da marayap ka bumi, trus manuk - manuk da karangit. ¹³ Lakak koh, ani suara da banene ket nyam: "Makatlah, Petrus, ngaleletlah trus umanlah." ¹⁴ Tapi Petrus banene, "Katik pang diah, Nyabata; karane kit katik pernah uman sagala jai da tacamar da sais." ¹⁵ Tapi saratn koh kadua sidah agik ket nyam: "Jai da nga kat nyucikan Nyabata, kaak katn mugik tacamar." ¹⁶ Hal diah nga ani taru sidah; lalu tampat koh langsung katn naap malik makak ke rangit. ¹⁷ Sementara Petrus agik bingung taok soal jai maksud pamele da katn nganik, nganiklah, kayo da katn nayuk Kornelius nga agutn ka turak pagar koh, pas kayo nyam lakak nyangke soal galak da naruk ramin koh. ¹⁸ Kayo nyam nato trus nyangke batol Simon, da katn mugik Petrus, madik dak koh. ¹⁹ Pas Petrus agik mikir soal pamele;e koh, Roh Nyabata banene ket nyam, "Nganik, taru ngan agik majo muk. ²⁰ Makat lalu sosorlah trus anolah samuk nyam. Katik boleh ragu yak ano ge nyam, karana kitn da ngutus kayo nyam. ²¹ Maka Petrus sosor ke kayo nyam lalu banene, "Kitn diah sook da muk ngagas. untuk Jai muk utukng?" ²² Kayo nyam banene, "Sook prajurit gaatn;e Kornelius, sook da batol da bapumung ka Nyabata, da katn kanal baik oleh samaan bangsa Yahudi, katn ngabar bitn malaikat Nyabata da suci manso muk yak utukng ka ramin nyam supaye nyam kaatn dangah kabar bit kubm" ²³ Jadi, Petrus ngunan kayo nyam yak nyorop trus madik ge nyam. Akap ano, trus ano samuk - samuk ge kayo nyam, ani age - age bitn Yope nganang nyam. ²⁴ Trus akap hari pang kayo nyam ano ke Kaisarea. Kornelius ngantik nyam; nyam nga mengkubuk age adik ge ahub - ahub;e. ²⁵ Koh nga tarjadi pas Petrus nyorop, Kornelius badaput ge nyam trus berlutut dak kajak nyam yak mambungkuk ge nyam ²⁶ Tapi Petrus nantatn;e, sambil banene, "Agut! Kit pun sook mansia." ²⁷ Samantara Petrus agik banene ket nyam, nyam nyorop trus kaatn karah kayo bakubuk samuk - samuk. ²⁸ Nyam banene ket kayo;e, "Muk pane bak bahwa katik katn ngaboleh bitn kayo Yahudi untuk bajeket ato ngunjung sook bitn bangsa laitn. Tapi Nyabata nga nojok kitn bahwa kitn kaak nato sook mansia da camar ge da sais. " ²⁹ Maka koh kitn utukng katik mambantah, pas kitn katn ngutus. Maka, kitn nyangke ket muk jai muk katn ngututs untuk kitn." ³⁰ Kornelius banene, "Ampat ano da lalu pas jam da samuk, kitn agik bapumung tudak ano, trus nganik sook are agutn ka turak kitn makai pakaian da basinar. ³¹ Nyam banene, "Kornelius, doa muk lakak katn Nyabata dangah, trus kolektan muk ket sook papa ruga lakak Nyabata ngingat soal muk. ³² Maka, nayuklah sook ke Yope, trus nabatn ket muk sook are gaatn;e Simon, da katn nato Petrus. Nyam madik ka ramin sook panyamak kurit gaatn Simon, dak suut paitn laut." ³³ Maka koh segeralah kitn nayuk sook ket muk, repo ate nga utukng. Tolok diah kaik samaan nga utukng ka diah dak turak Nyabata ket muk. ³⁴ Lalu Petrus muka babak trus banene, "Sajujur;e kitn ngerti bahwa Nyabata katik mamihak ket asi pun. ³⁵ Bahkan, dak setiap bangsa nyaungan sook da bapumung da ngaraje da batol katn narima bitn Nyam. ³⁶ Muk pane kabar bahwa Nyam katn ngutus ket umat Istrael, Pas Nyam mugik kabar baik soal damai sejahtera naruk Nyabata Yesus Kristus, kohlah Nyabata sagale mansia ³⁷ Muk sadik pane bahwa paristiwa koh nga terjadi, kohlah ket samaan Yudea, katn mulai bitn Galilea, ng lakak pambabtisan Yohanes katn mugik; ³⁸ kajadian koh barkaitan ge Nyabata Yesus kayo Nazaret, sanalah Nyabata nga ngurapi Nyam ge Roh Kudus ge kuasa-Nyam. Nyam ano utukng barbuat baik ge manyembuhkan samaan da tartindas bitn Balis, karane Nyabata samuk ge Nyam. ³⁹ Kai dah saksi bit sagala hal danga ni Nyam bulah bait ka nagari sook Yahudi ge' ka Yerusalem--Yesus diahlah da ni kayo ngamis, ngantuk e' ka kayu salib. ⁴⁰ Nyabata danga nkamakat Nyam ka ando ka taru ge' ngajadikan Nyam takanal, ⁴¹ Inya ka samaan sook, tapi ka saksi danga gatn milih pangkuru kat Nyabata--kai sadi', da uman ge' nyucur samu' Nyam palaka' Nyam bangkit bit antara sook kabis. ⁴² Inyam anga marintah ite ngkat mugi' ka sook daraya ge' basaksi bahwa diahlah danyungan dalaka' kat Nyabata milih nkat jadi Hakim bit da idup ge' da kabis. ⁴³ Dakoh adalah bagi Nyam samaan Nabi basaksi, supaye stiap sook dapacaya kasadat Nyam arus narima pangampunan dose bit gaat E'. ⁴⁴ Nyantagal petrus agi banene tentang hal dakoh, Roh Kudus sosor ka sambu samaan sook dadangah kabarNyam. ⁴⁵ Sook-sook da tamasok kalompok sook da pacaya da basunat--samaan sook da utuk samu samu ge Petrus jadi takjub, karane karunia Roh Kudus nujutn uga kasambu sook-sook da inya Yahudi. ⁴⁶ Karane kayo dangah sook-sook inya Yahudi dakoh banene kasadat bahasa-bahasa laitn ge' nyanjung-nyanjung Nyabata. Lalu Petrus naham, ⁴⁷ Bisa ba nyungan mana' pait jauh-jauh bit sook-sok diah supaye kayo kati ni mamu,-sook-sook diah da anga narima Roh Kudus samu' ge' ite' ?" ⁴⁸ Lalu inyam marentah kayo ni mamu' kasadat gaat Yesus Kristus. Lalu, kayo mahe nkat madi' samu'-samu' ge' kayo satuhi' mani-mani ando.