¹ Laka koa, page samua, babamankglah untu kami biar firman Jubata bisa tasampeant sacapatnya man muliakan nang udah tajadi ka antara kao. ² Babamankg uga supaya kami lapas dari kajahatant man ba pagaco, karna ina samua urankg ba iman. ³ Maka koa Jubata tatap ati, Ia nguatant kao man ngalindungi kao dari si jahat. ⁴ Man kami ngaranan kapicaya'ant ka Jubata kesah kao, lea yian ahe nang kami pasanan kao ngalakuannya man tatap ngalakukannya. ⁵ Biarlah Jubata nang tatap nunjukant atinyu ka kasih Jubata man ka caradikant Kristus. ⁶ udah koa kami ba pasant ka kao, page samua, ka dalamp nama Jubata dirik Yesus Kristus, supaya kao nyauhi' diri nyu dari page nang malas bakaraja, man nang idup ina sasuai ahe nang diajarant nang laka kao narima mpat ka kami. ⁷ Maka koa kao babaro laka nauan lea mae kao musti nuruti ( meneladani ) kami. Kami ina ba sipat pamalas ka antara kao, ⁸ kami ina bagago' pamakanan secara nang ina barati, sabaliknya kami bakaraja karas siang malam supaya kami ina jadi beban ka antara kao. ⁹ Sabanarnya kami bukenya ina ada hak untuk koa, melainkan karna kami nian mao jadi urankg nang gagas ( teladan ) ka antara kao, suapaya kao bisa nuruti kami. ¹⁰ Waktu kami pas katangah-tangah kao, kami laka ba pasant ka kao, " kade ada urankg ina mao karaja, ame lah ia makant". ¹¹ Karna kami nangar ka tangah kao ada nang pamalas ina suka bakaraja malahan jadi panggangu'. ¹² Urankg-urankg nang lekoa kami tagur man nasehati ka dalam nama Jubata Yesus Kristus supaya ia ka koa tanang man makant pamakanannya babaro. ¹³ Tapi kao, page samua, amelah ragu-ragu ngalakukan ahe nang baik. ¹⁴ Kade ada nang ina ngalakukan ( mengindahkan) ahe nang kami kata'ant kadalamp surat nian, paratiant urankgnya man ame barayunkg man ia supaya ia supe. ¹⁵ Amelah anggap ia koa munsuh tapi tagur ia lea page. ¹⁶ Biarlah Jubata damai sajahtra nyurahant dami sajahtra tarus ina ba kaputusant ka kao ka dalam sagalam macam. Jubata yartai' kita' samua. ¹⁷ Salam dari ku, Paulus, nang ku nulis pake kokotku babaro, man nang aku tanda tangani' babaro ka satiap surat nang kunulis. ¹⁸ Mudahan anugrah mpat ka Jubata dirik Yesus Kristus nyertai kita' samua.