¹ Barita kaatankgan Jubata dirik Yesus Kristus man tasatunya dirik basama Ia, kami minta, page samua, ² supaya kao ina mudah bingung man ina tanang, baik ke sumangat, ke pakataant mao pun nang koa barita, nang dingata'ant mpat ka kami, saolah-olah ari Jubata udah atankg. ³ Amelah ada nang nyasatant kao make cara ahe pun, sanape arinya koa atankg tataplah atankg dohok murtad, tataplah dinyata'ant dohok talino durhaka, nang tatap binasa, ⁴ Ia koa lawan nang ninggiant dirik-Nya ka atas samua nang dinyabut man dinyambah untu Jubata. ⁵ Ina me kao taringat ahe nang aku laka ngigatant ka kao tentang halnya nian pas aku basama-sama man kao? ⁶ Ampeat kao nuan ahe nang nahan ia sampe ia mulai' nyata'ant dirinya ka ari nang laka dinatapant untunya. ⁷ Maka ampeat rahasia ka durhaka'ant koa udah mulai bakaraja maka koa masih ada nang nahan ia. Ahe nang nahannya koa laka disingkirantnya. ⁸ Barulah si pendurhaka koa mulai' nyata'ant diri tapi Jubata Tuhun pasti ngancurantnya make nafas mulutNya man uga ngancurantnya waktu Ia nyata'ant diriNya ka atankganNya ana. ⁹ Atankgnya si pendurhaka koa untu pekerjaan setan nang dinyertai man bamacam nang dingalakukan man tanda-tanda ajaib ba mujizat-mujizat palsu. ¹⁰ Man uga dinyertai ba berbagai tipu daya jahat ka kabantnya nang agi nuju ka punahan karna ia ka koa ina narimak nang batol nang bisa nyalamatant ia ka koa. ¹¹ Koa lah sebabnya Jubata ngatankgan penyasatant ka atas ia ka koa, nang muat kabantnya picaya ka pagalok. ¹² Hasilnya ia ka koa samua mao diadili, kabantnya nang ina picaya kabanaran tapi sabaliknya repo-repo kadalamp hal nang ina batol. ¹³ Ampa koa kami tatap ngucap sukur ka Jubata untu kao, page-page yang dingasihi Jubata. Karna Jubata laka milih kao jadi buah nang pertama ( buah sulung ) untu kasalamatanka dalamp ka sucian Roh man ka dalamp kayakinan untu hal nang batol. ¹⁴ Ka dalamp hal nian lah Ia nyaru kao lewat injil nang udah kami mare sabatolnya kao namu kamuliaan mpat Yesus Kristus Jubata dirik. ¹⁵ Maka koa, page-page badirilah nang tagap man sagii' palajaran-palajaran nang aka kao narima, baik koa lewat pakata'ant kami mao ge lewat surat-surat kami. ¹⁶ Mudahan Jubata dirik Yesus Kristus, man Jubata Apa' dirik nang laka ngasihi dirik man laka nyurahant penghiburan nang kekal man pagarapant masa nang atankg nang tagap ( teguh ) karna anugrahNya, ¹⁷ mulai' pangibur man nagapant ( meneguhkan) atinyu dalamp satiap pakaraja man pakata'ant nang banar.