^{1 2} 1.ಚಕ್ರವರ್ತಿ ಆಯ್ನಾ ತೀಬೇರಿಯಡು ಪಟ್ಟಂಗಿ ವಚ್ಚ್ನ ಪದೈದು ವರ್ಷಂಲಾ ಪೋತ್ಯಾಪಿಲಾತುಡು ಯೂದಾಯನ್ಗಿ ಅಧಿಪತಿಯು ಯೆರೋದುಡು ಗಲಿಲಾಯನ್ಗಿ ಉಪರಾಜುಡು ವಾಡ ತೊಮ್ಮುಡೈನಾ ಪಿಲಿಪ್ಪುಡು ಇತುರಾಯಡು ತ್ರಕೋನೀತಿ ಸೀಮೆಗಳಿಗೆ ಉಪರಾಜುಡು ಲುಸನ್ಯನು ಅಬಿಲೇನೆಗೆ ಉಪರಾಜುಡು ಅಯ್ನಂದ್ಗು. 2.ಅನ್ನನೂಡು ಕಾಯಫನುಡು ಮಹಾರಾಜಡೈನ ಕಾಲಂಲ ಜಕರೀಯಡ ಕೊಡಕೈನ ಯೋಹಾನಡುಗಿ ಕಾಡ್ಲಾ ದೇವುಡ ವಾಕ್ಯಂ ಉಂಟಾಯ. ³ 3.ವಾಡು ಯೂರ್ಧಾನ್ ಏರು ಸುತ್ತುoಡ ಪ್ರಾಂತ್ಯಲಂತ ಸಂಚಾರo ಸೇಸಿ ಜನಾಲ್ಗಿ ಮೀಳು ಪಾಪ ಪರಿಹಾರಂಗೈಯ್ಯಿ ದೇವುಡ ಕಡ್ಗಿ ತಿರಿಕ್ಕಾನ್ನಿ ದೀಕ್ಷಾಸ್ನಾನಂ ಸೇಬಿಚ್ಚಗವಾಲನಿ ಸಾರಿ ಸೋಪ್ನಾಡು ⁴ 4.ಇದಿ ಯೆಶಾಯಡನ ಪ್ರವಾದಿಯ ಗ್ರಂಥಮ್ಲಾ ರಾಸುಂಡ ಮಾಟ್ಗಿ ಅನುಸಾರಂಗ ನಡ್ಸ್ಯಾ . ^{5 6} 5.ಆ ಮಾಟಾ ಯೆಮಂಟೆ ಕರ್ತುಡ ದಾವ್ನಿ ಸಿದ್ದಮ್ನಿ ಸೇಯಂಡಿ ,ಆತುಡ ಹಾಡಿಲ್ನಿ ನೆಟ್ಗಿ ಸೇಯ್ಯಾಂಡಿ. 6.ಅಂತ ಹಳ್ಳಕೊಳ್ಳಲು ಮುಸ್ಪಡ್ತಾವಿ ಅಂತ ಕೊಂದ್ಲು ಗುಡ್ಲು ತಗ್ಗಿಸ್ತಾವಿ ,ಡೊಂಕೈಡಾವಿ ನ್ಯರ್ಮ್ಆಯ್ತಾವಿ,ಕೊರಕ್ಲಿನಾ ದಾವ್ಲು ಸಾಮಂಅಯ್ನಾವಿ ಅಂತ ಮನುಷ್ಯಲು ದೇವುಡನಿಂಕ ಸಿದ್ದಮೈನ ರಕ್ಷಣಂನಿ ಸೂಸ್ತಾಳು ಅನ್ನಿನ್ದಾಂಗು ಅಡವಿಲಾ ಕೂಸವಾಡು ಶಬ್ದಮುoದಿ ಅನಿಂದೆ. ⁷ 7.ಇಟ್ಟುನ್ದಪ್ಡು ವಾಡು ತನ್ನಿಂಕ ದೀಕ್ಷಾಸ್ನಾನಂ ಸೇಬಿಚ್ಚಿದಾನ್ಗಿ ಎಲ್ಲಿ ವಚ್ಚಿ ಜನಾಲ್ ಗುಂಪುಲ್ಗಿ ಎಲೈ ಸರ್ಪಾಜಾತಿವಾಳೆ ಮುಂದ್ರ ಸೂಸಿವಚ್ಚಿ ದೇವುಡು ಕೊಪಮ್ನಿಂಕ ತಪ್ಪಿಚ್ಚ್ಗನ್ಗಿ ಮೀಕಿ ಉಪದೇಶಂ ಸೇಸ್ನಾವಾಳು ಯೌಳು? ⁸ 8.ಅಲ್ಟೈತೆ ಮೀ ಮನ್ಸು ದೇವುಡು ಕಡ್ಗಿ ತಿರ್ಗಿನ್ದನಿ ತಕ್ಕಂ ಫಲಮ್ನಿಂಚ್ಚಿ ಸೂಪಿಚ್ಚಂಡಿ.ಅಬ್ರಹಾಮುಡು ಮಾಕಿ ಮೂಲಪುರುಷುಡು ಕದಾ ಅನಿ ಮೀಲೋಗ ಅನ್ಗಾವದಂಡಿ. ದೇವುಡು ಅಬ್ರಹಾಮಡ್ಗಿ ಆ ರಾಳ್ನಿಂಕಾನು ಬಿಡಲ್ನಿ ಪುಟ್ಟಿಚ್ಚೋಡಕಾದನಿ ಮೀಕಿ ಸೋಪ್ತಾನು. ⁹ 9.ಇಪ್ಡೆ ಮಾoಡಲು ಬೇರ್ಗಿ ಕೊಡ್ಲಿ ಎಸುಂಡಿ; ಮಚ್ಚಿ ಫಲಂನ್ನಿ ಇಗುನ್ನ ಪ್ರತಿಒಕ್ಕ ಮಾನ್ನಿ ನರ್ಕಿ ಅಗ್ಗಿಲ ಎಸ್ತಾಳು ಅನಿ ಸೋಪ್ನಾಡು . ^{10 11} 10.ಅಪ್ಡು ಆ ಗುಂಪೋಳು-ಅಟೈತೆ ಮಾಮೇಮಿ ಸೇಯ್ಯಾಲ ಅನಿ ವಾಡ್ನಿ ಅಡ್ಗಿನ್ದಾಂಗು ವಾಡು - 11.ರೊಂಡು ಅಂಗ್ಳು ಉನ್ನವಾಡು ಈಡ್ಗಿ ಒಕ್ಕ ಕೋಡ್ಲಿ ;ಅಹಾರಂ ಉನ್ನವಾಡು ಲೆಗುನ್ನವಾಡ್ಗಿ ಈನಿ ಅನಿ ವಾಳ್ಗಿ ಸೋಪ್ನಾಡು. ^{12 13} 12.ಸುಂಕಂವಾಳು ಸಹ ದೀಕ್ಷಾಸ್ನಾನಂ ಸೇಬಿಚ್ಚ್ಗಾವಾಲನಿ ವಚ್ಚಿ -ಗುರುವೇ ,ಮಾಮೇಮಿ ಸೇಯ್ಯಲ ಅನಿ ವಾಡ್ನಿ ಅಡ್ಗಾಲು ವಾಡು - 13.ನೆಮಿಚ್ಚಿನ ಹಾಸಲ್ಗಿಂತ ಹೆಚ್ಚಂಗ ಏಮು ಎಲ್ಸ್ಗಾವದ್ದಂಡಿ ಅನಿ ವಾಳ್ಗಿ ಸೋಪ್ನಾಡು. ¹⁴ 14.ಸಿಪಾಯಿಲು ಸಹ ವಚ್ಚಿ -ಮಾಮು ಏಮಿ ಸೇಯ್ಯಲ ಅನಿ ವಾಡ್ನಿ ಅಡ್ಗನಪ್ಡು ವಾಡು ವಾಳ್ಗಿ -ಯವ್ವಲ್ನೈನ ಬೆದರಿಚ್ಚದಂಡಿ ;ಯವ್ವಳ್ ಪೈನಾನ ಸುಳ್ ದೂರು ಎತ್ಗವಚ್ಚಿ ದುಡ್ಲು ಕಸ್ಗಿಚ್ಗವದ್ದಂಡಿ ;ಮೀ ಸಂಬಳಮ್ಲಾ ತೃಪ್ತಾಲ್ಕಾಂಡಿ ಅನಿ ಸೋಪ್ನಾಡು. ^{15 16} 15.ಇಟ್ಟುನ್ದಂಡ್ಗು ಇಸ್ರಾಯೇಲ್ ಜನಾಲು ವಚ್ಚಗಾನ ಕ್ರೀಸ್ತುಡ್ನಿ ಎದ್ರು ಸೂಸವಾಲೈಗುನ್ನದಾಂಗು ವಾಳನ್ದ್ರು ಯೋಹಾನಡ್ ವಿಷ್ಯಂಗ -ಊಡು ಆ ಕ್ರೀಸ್ತುಡೈಡಚ್ಚೋ ಎಮೋ ಅನಿ ವಾಳ್ ಮಂಸ್ಲಾ ವಿಚಾರಂಸೇಸ್ಗಾಉನ್ನಪ್ದು 16.ಯೋಹಾನುಡು ವಲ್ಗಂದ್ರು -ನಾನಂತೂ ಮೀಕಿ ನೀಳ್ ಸ್ನಾನಂ ಸೇಬಿಚ್ಚಾವಾಡು;ಆಯ್ನಾ ನಾಕಿಂತ ಶಕ್ತುಡು ವಸ್ತಾಡು. ಅತುಡ ಸೋಪ್ಲಾ ಬಾರಂನಿ ಇಂಪೆದಾಂನ್ಗೂ ನೀನು ಯೋಗ್ಯಡ್ಕಾದು.ಆತುಡು ಪವಿತ್ರಾತ್ಮಲ ಅಗ್ಗಿಲಾನು ಮೀಕಿ ಸ್ನಾನಂ ಸೇಬಿಸ್ತಾಡು. ¹⁷ 17.ಆತುಡು ಮೂರಾನ್ನಿ ಸೈಲಾ ಪೊಟ್ನಾಡು;ತಾನ್ ಕಣಮ್ಲಾ ರಾಶಿನಿ ತೂರಿ ಹಸನಂಸೇಸಿ ತಾನ್ ಗೋದಿನಿ ಕಣಜಮ್ಲಾ ನಿಮ್ಪಿಚ್ಚ್ಗಾನಾದಾಗಿಉಂಡಾಡು,ಹೂಟ್ನ್ನಿ ಆರ್ಗುಣ್ಣ ಆಗ್ಲಾ ಕಾಲ್ಚಿಎಸ್ತಾನು ಅನಿ ಉತ್ತರಂಇಚ್ಚಡು. ^{18 19 20} 18.ಇಂಕಾ ಬೇರೆ ಅನೇಕ ಮಾಟಲ್ನಿಂಕ ಊಡು ಇಸ್ರಾಯೇಲ್ ಜನಾಲ್ಗಿ ಬುದ್ದಿ ಸೊಪ್ಪಿ ಸುವಾರ್ತಮನ್ನಿ ಸಾರ್ತಾವುoಟಾಡು. 19.ಆಯ್ತೇ ಉಪರಾಜುಡೈನ ಹೆರೋದುಡು ತಾನ್ ಅನ್ನನೈನ ಪೆoಡ್ಲಾಮು ಆಯ್ನಾ ಹೆರೋದ್ಯಳ ನಿಮಿತ್ತoಗ ತಾನ್ ಸೇಸ್ನಾ ಅಂತಾ ದುಸ್ಕ್ರುತ್ಯಾಲ 20.ನಿಮಿತ್ತಂಮೈ ಯೋಹಾನಡ್ನಿಂಕ ಗದ್ರಿಚ್ಚೋಡೈ ವಾಡ್ನಿ ಸೇರ್ಮಾನೆಲಾ ಯೇಬಿಚ್ಚಿ ವಾಡ ದುಷ್ಕ್ರುತ್ಯಲಾ ಲೆಕ್ಕಂನಿ ಇಂಕಾ ಹೆಚ್ಚಿಚ್ನಾಡು. ^{21 22} 21.ಜನಾಲಂದ್ರು ದೀಕ್ಷಾಸ್ನಾನಂ ಸೇಬಿಚ್ಗನಪ್ದು ಯೇಸು ಸಹ ಸ್ನಾನಂ ಸೇಬಿಚ್ಚ್ಗಾನಿ ಪ್ರಾರ್ಥಾನಂ ಸೇಸ್ತುoಡಗ ಆಕಾಶಂ ತೆರ್ಸಿ ; 22.ಮಲಿ ಪವಿತ್ರಾತ್ಮುಡು ದೀಹಾಕಾರಂಗ ಪಾರಿವಾಳ್ಲಕ ಆತುಡ್ ಪೈನಾ ದಿಗ್ನಾಡು.ಅಪ್ಡು -ನುವ್ವ ಪ್ರೀಯಡೈನ ನಾ ಕೊಡ್ಕು ,ನಿನ್ನಿ ನೀನು ಮೆಚ್ಚಿನಾನು ಅನಿ ಆಕಾಶಂವಾಣಿ ಆಯಾ. ^{23 24} 23.ಯೇಸು ಉಪದೇಶಾಂ ಸೇಸೆದಾನ್ಗಿ ಪ್ರಾರಂಬಿಚ್ನಪ್ದು ಹೆಚ್ಚು ಕಡ್ಮಿ ಮುಪ್ಪೈ ಏನ್ ಡ್ಲೋಡೈನ್ಟಾಡು.ಆತುಡು ಜನಾಲ್ ಎಣ್ಕೆಗಿ ಯೋಸೆಫಡ ಕೊಡ್ಕು. 24. ಯೋಸೇಫಡು ಹೇಲಿಯಡ ಕೊಡ್ಕು; ಊಡು ಮತ್ಥನಡ ಕೊಡ್ಕು ಊಡು ಲೇವಿಯ ಕೊಡ್ಕು;ಊಡು ಮೇಲ್ಖಿಯ ಕೊಡ್ಕು;ಊಡು ಯನ್ನಾಯಡ ಕೊಡ್ಕು; ^{25 26} 25.ಊಡು ಯೋಸೆಫಡ ಕೊಡ್ಕು ;ಊಡು ಮತ್ತತ್ಥಿಯಡ ಕೊಡ್ಕು; ಊಡು ಅಮೊಸಡ ಕೊಡ್ಕು ;ಊಡು ನಹೂಮಡ ಕೊಡ್ಕು;ಊಡು ಎಸ್ಲಿಯಡ ಕೊಡ್ಕು; 26.ಊಡು ನಗ್ಗಾಯಡ ಕೊಡ್ಕು; ಊಡು ಮಹಾಥುಡ ಕೊಡ್ಕು;ಊಡು ಮತ್ತಥೀಯಡ ಕೊಡ್ಕು;ಊಡು ಶಿಮೀಯಾಡ್ ಕೊಡ್ಕು;ಊಡು ಯೋಸೇಖಡ ಕೊಡ್ಕು; ^{27 28 29} 27.ಊಡು ಯೂದಡ ಕೊಡ್ಕು; ಊಡು ಯೋಹಾನಡ ಕೊಡ್ಕು ;ಊಡು ರೇಸಡ ಕೊಡ್ಕು;ಊಡು ಜೆರುಬಾಬೇಲುಡ ಕೊಡ್ಕು,ಊಡು ಸಲಥಿಯೇಲುಡ ಕೊಡ್ಕು;ಊಡು ನೇರಿಯ ಕೊಡ್ಕು ; 28.ಊಡು ಮೇಲ್ಖಿಯಡ ಕೊಡ್ಕು; ಊಡು ಅದ್ದಿಯ ಕೊಡ್ಕು;ಊಡು ಕೊಸಾಮಡ ಕೊಡ್ಕು;ಊಡು ಎಲ್ಮದಾಮಡ ಕೊಡ್ಕು ;ಊಡು ಎರನ ಕೊಡ್ಕು ; 29.ಊಡು ಯೆಹೋಷುವುಡ ಕೊಡ್ಕು ; ಊಡು ಎಲಿಯೇಜರಡ ಕೊಡ್ಕು ;ಊಡು ಯೋರೈಮಡ ಕೊಡ್ಕು ;ಊಡು ಮತ್ಥಾತುಡ ಕೊಡ್ಕು ;ಊಡು ಲೇವಿಯ ಕೊಡ್ಕು; ^{30 31 32} 30.ಊಡು ಸಿಮಿಯೋನುಡ ಕೊಡ್ಕು ;ಊಡು ಯೂದುಡ ಕೊಡ್ಕು;ಊಡು ಯೋಸೆಫುಡ ಕೊಡ್ಕು;ಊಡು ಯೋನಾಮಡ ಕೊಡ್ಕು;ಊಡು ಎಲಿಯಕೀಮುಡ ಕೊಡ್ಕು; 31.ಊಡು ಮೇಲೆಯಾಡ ಕೊಡ್ಕು;ಊಡು ಮೆನನ್ನಡ ಕೊಡ್ಕು; ಊಡು ಮತ್ತಾಥಡ ಕೊಡ್ಕು;ಊಡು ನಾತಾನಡ ಕೊಡ್ಕು ; ಊಡು ದಾವೀದುಡ ಕೊಡ್ಕು; 32. ಊಡು ಇಶಾಯಡ ಕೊಡ್ಕು; ಊಡು ಒಬೇದುಡ ಕೊಡ್ಕು; ಊಡು ಬೋವಜನಡ ಕೊಡ್ಕು ; ಊಡು ಸಲ್ಮೊನಡ ಕೊಡ್ಕು;ಊಡು ನಹಸ್ಸೋನಡ ಕೊಡ್ಕು; ^{33 34 35} 33.ಊಡು ಅಮ್ಮಿನಾದಾಬುಡ ಕೊಡ್ಕು; ಊಡು ಆರ್ನೈಯಡ ಕೊಡ್ಕು ;ಊಡು ಎಸ್ರೋನಡ ಕೊಡ್ಕು; ಊಡು ಪೆರೆಸೆಡ ಕೊಡ್ಕು; 34.ಊಡು ಯೂದುಡ ಕೊಡ್ಕು; ಊಡು ಯಾಕೋಬುಡ ಕೊಡ್ಕು; ಊಡು ಇಸಾಕುಡ ಕೊಡ್ಕು; ಊಡು ಅಬ್ರಹಾಮುಡ ಕೊಡ್ಕು;ಊಡು ತೇರನಡ ಕೊಡ್ಕು; ಊಡು ನಹೋರಡ ಕೊಡ್ಕು; 35.ಊಡು ಸೆರೂಗನಡ ಕೊಡ್ಕು;ಊಡು ರೆಗೂವೇಲುಡ ಕೊಡ್ಕು; ಊಡು ಪೆಲೆಗಡ ಕೊಡ್ಕು; ಊಡು ಹೇಬೆರುಡ ಕೊಡ್ಕು; ಊಡು ಸಾಲುಡ ಕೊಡ್ಕು; ^{36 37 38} 36.ಊಡು ಕಾಹಿನಡ ಕೊಡ್ಕು; ಊಡು ಆರ್ಫಕ್ಷಾದಡ ಕೊಡ್ಕು; ಊಡು ಶೇಮುಡ ಕೊಡ್ಕು; ಊಡು ನೋಹಾನಡ ಕೊಡ್ಕು; ಊಡು ಲಾಮೆಕಡ ಕೊಡ್ಕು; 37.ಊಡು ಮತೂಷಲಡ ಕೊಡ್ಕು; ಊಡು ಹನೋಕಡ ಕೊಡ್ಕು;ಊಡು ಯೆರೆದಡ ಕೊಡ್ಕು;ಊಡು ಮಹಳಲೆಲಡ ಕೊಡ್ಕು; ಊಡು ಕಯಿನಾಡ ಕೊಡ್ಕು; 38.ಊಡು ಎನೋಷಡ ಕೊಡ್ಕು;ಊಡು ಸೇಥಡ ಕೊಡ್ಕು;ಊಡು ಆದಾಮಡ ಕೊಡ್ಕು; ಊಡು ದೇವುಡ ಕೊಡ್ಕು.