^{1 2 3} 1.ಆ ಕಾಲಲಂ ರಾಜ್ಯಮಂತ ಖಾನೆಶುಮಾರಿ ರಾಸಿಚಗನದೈನ ಆಜ್ಞೆಯು ಚಕ್ರವರ್ತಿಆಯ್ನಾ ಔಗುಸ್ತಾನಿoಚ್ಚಿ ಎಲ್ಲ್ಯಾ . 2.ಕುರ್ಯಾನ್ಯಡು ಸುರಿಯನ್ಗಿ ಅಧಿಪತಿ ಅಯ್ನಾಪ್ದು ಈ ಮೊದ್ಲಾ ಖಾನೆಷುಮಾರಿ ನಡಸ್ಯ. 3.ಅಪ್ಡು ಅಂದ್ರೂ ಖನೆಷುಮಾರಿ ರಾಬಿಚ್ಚಾನದಾನ್ಗು ವಾಳ ವಾಳ ಊರ್ಲಗಿ ಎಲ್ಲಿಲಿ. ^{4 5} 4.ಯೋಸೆಫಡು ಸಹ ತಾನು ದಾವಿದುಡ ಇಂಟತನ್ಮೋಡು ಗೊತ್ರುಮೊಡು 5.ದಾನಿಚ್ಚಿ ಪೇರುರಾಬಿಚ್ಚದಾನ್ಗು ತಂನ್ಗಿ ನಿಶ್ಚಿತಾರ್ತಮೈನ ಮರಿಯಳ ಜೊತ್ಲ ಗಲಿಲಾಯ ಸೀಮೆಯ ನಜರೇತ್ ಅನ ಊರ್ನಿಂಕ ಎಲ್ಲಿ ಯೂದಾಯ್ಲ ಉನ್ನ ಬೇತ್ಲಹೆಂಅನ ದಾವೀದುಡು ಊರ್ಗಿ ಪಾತಡು. ^{6 7} 6.ಅಪ್ಡು ಮರಿಯಳು ನಿಂಡಾ ಗರ್ಬಿಣಿಆಯಂಟಾದಿ.ವಾಳು ಅನುನ್ನಪ್ದು ದಾನ್ಗಿ ದೀನo ನಿಂಡಿದಿ . 7.ದಾನ ತನ್ನ ಚೊಚ್ಚಲಕೊಡಕ್ನಿ ಕನಿ ಬಟ್ಲಾ ಸುತ್ತಿ ಛತ್ರಂಲಾ ವಾಳ್ಗಿ ಸ್ಥಾಳಂಲೇನ ಕಾರಣಂ ವಾಡ್ನಿ ಗೋದಲಿಲ ಪಣ್ಬೆಟ್ಟಿoದಿ. ^{8 9} 8.ಆ ಸೀಮಾಲ ಕುರುಬಲು ಸೇನಿಲಉಂಡ್ಗಿನಿ ರಾತ್ರಿಲ ವಾಳ ಗೋರ್ಲಾಹಿಂಡಿನಿ ಕಾಸುಂಡದಾನಿ 9.ಕರ್ತುಡ ದೂತುಡು ಒಕ್ಕಡು ವಚ್ಚಿ ವಾಳ ಎದುರ್ಲಾ ನಿಲ್ಚ್ಚ್ಗ್ನ್ನಡು ಕರ್ತುಡ ಪ್ರಭೆಯು ವಾಳ ಸುತ್ಲೂ ಪ್ರಕಾಶಿಚ್ಚ;ವಾಳು ಬಹಳಂಗ ದಡ್ಸ್ಗ್ನ್ನಾರು . ^{10 11 12} 10.ಆ ದೂತುಡುಗಿ ವಾಳ್ಗಿ -ದಡ್ಸಗವದ್ದಂಡಿ ,ಇನಂಡಿ;ಜನಲ್ಗಂದ್ರು ಮಹಾ ಸಂತೋಷಾನ್ನುಟುಸೇಸ್ನಾ ಶುಭಸಮಾಚಾರಂ ಮೀಕಿ ತಿಳ್ಬಿಸ್ತಾನು. 11.ಅದೇಮಂಟೆ ,ಈ ಪದ್ದು ಮೀಗೋಸ್ಕರಂ ದಾವೀದುಡ ಊರ್ಲಾ ಒಕ್ಕ ರಕ್ಷಕುಡು ಪುಟ್ನಡು. ಆತುಡು ಕರ್ತಾಡೈನ ಕ್ರೀಸ್ತುಡು. 12.ಅತುಡು ಮೀಕಿ ಗೊತ್ತಯ್ಯದಾನ್ಗಿ ಗುರುತೆಮಂಟೆ -ಬಟ್ನಿಂಕ ಸುತ್ತುಂಡ ಒಕ್ಕ ಕಂದ ಗೋದಲಿಲ ಪೋನ್ಗಉಂಡದಿ ಕಾಣ್ತಾಲು ಅನಿ ಸೋಪ್ನಾಡು. ^{13 14} 13.ಫಕ್ಕನೆ ಆ ದೂತುಡ ಜೊತ್ಲಾ ಪರಲೋಕ ಸೈನ್ಮೋಳ ಒಕ್ಕ ಪೆದ್ದ ಗುಂಪು ಕನ್ಬಿಚ್ಚಗಾನಿ - 14.ಪೈನ್ ಲೋಕಂಲ ದೇವುಡುಗಿ ಮಹಿಮೆ ,ಭೂಲೋಕಂಲ ಮನುಷ್ಯಲೋಗಲ ಸಮಾಧಾನ ದೇವುಡು ವಾಳ್ಗಿ ಒಳಸ್ತಾಡು ^{15 16} 15.ದೇವ ದೂತುಲು ವಾಳ್ ಬಲಿನಿಂಕ ಪರಲೋಕಂಗಿ ಎಲ್ಲಿಪೈನಂಕ ಆ ಕುರುಬ್ಲು -ಮಾಮು ಇಪ್ಡೆ ಬೆತ್ಲಹೆಮ್ಗಿ ಪೈಯಿ ಕರ್ತುಡು ಮಾಕಿ ತಿಲ್ಬಿಚ್ಚ್ನ ಈ ಸಂಗತಿನಿ ಸೂತಮು ಪದoನ್ಡಿ ಅನಿ ವಾಳ್ವಾಳ್ ಲೊಗ ಮಟಡ್ಗನಿ 16. ತಟ್ನ ಪೈ ಮರಿಯಳ್ನಿ ಯೋಸೇಫಡ್ನೀ ಗೋದಲಿಲಾ ಪೊಂಗನುಣ್ಣ ಆ ಕಂದನಿ ಸೂಸ್ಗಂಟಾರು. ^{17 18 19 20} 17.ದಾನ್ನಿ ಸೂಸ್ನಾಪ್ದು ವಾಳು ಆ ಪಾಪು ವಿಷ್ಯಲಾ ವಾಳ್ಗಿ ಸೊಪ್ಪಿನ ಮಟಾಲ್ನಿ ತಿಲ್ಬಿಸ್ತಾಳು. 18.ದಾನ್ನಿ ಇನಿನವಾಳನ್ದ್ರು ವಾಳ್ಗಿ ಕುರುಬ್ಲು ಸೋಪ್ನ ಮಟಾಲ್ಗಿ ಆಶ್ಚರ್ಯಂ ಪೊಟ್ರಿ. 19.ಆಯ್ನಾ ಮರಿಯಳು ಆ ಮಟಾಲಲ್ನ ವಾಡ ಮನಸ್ಲ ಪೊಟ್ಗನಿ ಯೋಚನಂ ಸೇಸ್ತಾಉಂಟಾದಿ. 20.ಕುರುಬ್ಲು ವಾಳ್ಗಿ ದೂತುಲ್ನಿಂಕ ಸೋಪ್ಪಿನಟಲೇ ಅಂತಾ ಸಂಗತಿಲ್ನಿ ಇನಿ ಸೂಸಿ ಅವಟ್ಲ್ಗೊಸ್ಕರ ದೇವುಡ್ನೀ ಕೊಡಾಡ್ತಾ ಸ್ತುತಿಸ್ತಾ ಯನಕಿತಿರ್ಗಿ ಪೈಯಾಳು. ²¹ 21.ಆ ಪಾಪುಗಿ ಸುನ್ನತಿಸೇಸಾದಾಂನ್ಗಿ ಕಲ್ಸಾದಾನ್ಗಿ ಎನಂದಿ ದಿನಾಲು ನಿಂಡಿನ ಪೈನ ದಾನ್ಗಿ ಯೇಸುಅನಿ ಪೇರ್ ಪೆಟ್ಟಾರು. ಅದಿ ಗರ್ಭಮ್ಲಾ ಮೂಡದಾನ್ಗಿಂತ ಮೊದ್ಲು ದೇವಾದೂತುಡು ಅದೇ ಪೇರ್ನಿ ಸೂಚಿಚ್ಚಾಡು . ^{22 23 24} 22.ಬಳಿಕ ಮೋಶೆಯ ನೀಮಮ್ನ ಪ್ರಾಕಾರo ವಾಳ ಸೂತ್ಕುಂ ಕಲ್ಸದಾನ್ಗಿ ತಕ್ಕಂತ ದಿವ್ಸಾಲು ನಿಂಡಲು ವಾಳು ಆ ಪಾಪುನಿ ಯೇರುಸಲೀಮ್ಗಿ ತಿಸ್ಗಾನಿ ಪೈನಾರು. 23.ಎಂದ್ಗಂಟೆ ಚೊಚ್ಚಲು ಗಂಡ್ಲಾನ್ನಿ ಕರ್ತುಡ್ಗಿ ಮೀಸಲನ್ಬಿಚ್ಚಗನ್ನ ಅಂದ್ಗನ್ನಿ ಕರ್ತುಡ ಧರ್ಮಶಾಸ್ತ್ರoಲಾ ರಾಸುಂಡಟಲೆ ದಾನ್ನಿ ಕರ್ತುಡ್ಗಿ ಸಮಪ್ರಿಚ್ಚಾಲುನ್ದ್ಯಾ. 24.ಇಂತೆ ಕಾದನಿ ಕರ್ತುಡ ಧರ್ಮಾಶಾಸ್ತ್ರ್ತಾಮ್ಲಾ ಸೋಪ್ಪುನ್ದಟಲೇ ಒಕ್ಕ ಜೋಡಿ ಬೆಳವಕ್ಕಿಲ್ನಿ ಕಾನಿ ರೊಂಡು ಪಾರಿವಾಳಮ್ನ ಮರಿಲ್ನಿಕಾನಿ ಬಾಲಿ ಇವಾಳುಡ್ಯಾ. ^{25 26} 25.ಆ ಕಾಲಂಲ ಯೆರುಸಲೆಮ್ಲಾ ಸೀಮೆಯೋನಡನ ಒಕ್ಕ ಮನುಷ್ಯಡು ಉಂಡ್ಯಾ .ಇ ಮನುಷ್ಯಾಡು ನೀತಿವಂತುಡು ದೇವಾ ಭಕ್ತುಡು ಅಯುಂಡಿ ಇಸ್ರಾಯೇಲ್ ಜನಾಲ್ನಿ ಸಂತೈಸುವಾಡು ಯಪ್ಡು ವಚ್ಚಿನಾನನಿ ಆರ್ಯೈಸ್ತಾವುoಡ್ಯಾ; ಮಲಿ ಪವಿತ್ರಾತ್ಮ ಪ್ರೆರಿತುಡೈಉಂಡ್ಯಾ. 26.ಇದಿಕಾದನಿ, ಕರ್ತುಡು ಅಮ್ಪಿಚ್ಚಾಲುನ್ನ ಕ್ರೀಸ್ತುಡ್ನೀ ಸೂಸಾದಾನ್ಗಿಂತ ಮೊದ್ಲೇ ನುವ್ವ ಸಚ್ಚೆಟ್ಲೀದುಅನಿ ಪವಿತ್ರಾತ್ಮ ಮೂಲ್ಕ ವಾಡ್ಗಿ ದೈವೋಕ್ತಿ ಉಂಟಾಯ. ^{27 28 29} 27.ಊಡು ಪವಿತ್ರಾತ್ಮಪ್ರೇರಣೆನಿಂಕ ದೇವಾಲಾಯ್ನಗಿ ವಚ್ಚಡು;ಅಪ್ದು ತಂಡ್ರಿ ತಲ್ಲಿಲು ಯೇಸುಅನಿ ಪಾಪುಗಿ ಧರ್ಮಾಶಾಸ್ತ್ರಾoಲ ಸೊಪ್ಪಿನ ಪದ್ಧತಿ ಪ್ರಕಾರಂ 28.ನಡ್ಪಲನಿ ದಾನ್ನಿ ಲೋಕಿ ತಿಸ್ಗಾವಚ್ಚಿ ವಾಡು ದಾನ್ನಿ ವಾಡ ಸೈಲಾ ತಿಸ್ಗಾನಿ ವಾಡು ದಾನ್ನಿ ವಾಡ ಸೈಲಾ ತಿಸ್ಗನಿ ದೇವುಡನಿ ಕೊಂಡಾಡಿ- 29.ಒಡಯಡೆ ,ನೀ ಮಾಟ್ಲ್ಲು ನೇರವೇರ್ಷೆ ;ಇಪ್ಡು ಸಮಾಧಾನಂನಿಂಕ ಪೈಯ್ಯದಾನ್ಗಿ ನೀ ದಾಸುಡ್ಗಿ ಅಪ್ಣೆಆಯಾ. ^{30 31 32} 30.ನುವ್ವ ನೇಮಿಚ್ಚಿನ ಕಕ್ಷಾಕುಡ್ನೀ ನೀನು ಕಂಡಲ್ನಿಂಕ ಸೋಸ್ನಾಡು. 31.ಅಂತಾ ಜನಾಲ್ಗಿ ಪ್ರತ್ಯಕ್ಷಂಕಾನಿ ಅನಿ ಅತುಡ್ನಿ ಓದ್ಗಿಚ್ಚವು . 32.ಅತುಡು ಅನ್ಯಾದೇಶಂವಾಳ್ಗಿ ಜ್ನಾನೋದಯಂನ ಎಲ್ಗು ,ನೀ ಪ್ರಜೆಲೈನ ಇಸ್ರಾಯೇಲೋಲ್ಗಿ ಕೀರ್ತಿ ಅನ್ನಡು ^{33 34 35} 33.ಆ ಪಾಪುನ ವಿಷಂ ಅಯ್ಯಿ ಸೋಪ್ನ ಈ ಮಾಟ್ಲ್ಗಿ ದಾನ್ ತಂಡ್ರಿ ತಲ್ಲಿ ಆಶ್ಚರ್ಯಂಪಡ್ನಟ್ಲಾ ಸೀಮಿಯೋನುಡು ವಾಲ್ನಿ ಅಶಿರ್ವಾದಿಚ್ಚಿ ತಲ್ಲಿಆಯ್ನಾ ಮರಿಯಾಳ್ಗಿ- 34.ಇನಾ ,ಈತುಡು ಇಸ್ರಾಯೇಲ್ ಜನಾಲಾ ಅನೇಕ್ಲು ಪೊಡದಾನ್ಗು ಅನೆಕ್ಲು ಲೇಸಾದಾನ್ಗಿ ಕಾರಣಂ ಐತಾಡು; ಮಲಿ ಜನಲು ಎದ್ರು ಮಟಾಡದಾನ್ಗಿ ಗುರುತುಐನ್ಟಾಡು; ಇಟ್ಲೇ ನಿಂಡ ಜನ್ಮ ಅಂತರಂಗಮ್ನ ವಿಚಾರಲು ಬೈಲ್ಗಿ ವಚ್ಚಾವಿ; ದೀನ್ಗಿ ಇತುಡು ಪುಟ್ಟಿನ್ದಿ . 35.ಇದಿಕಾದನಿ ನೀ ಪ್ರಾಣಂಗಿಂತ ಅಲ್ಗು ನೆಟ್ಟಿನಟ್ಲಅಯ್ತಾದಿ ಅನಿ ಸೋಪ್ನಾಡು. ^{36 37 38} 36.ಇದಿಕಾದನಿ ಆಸೇರುಡ ಕುಲಂನ ಫನುವೇಲುಡ ಬಿಡೈನ ಅನ್ಯಾಳನಒಕ್ಕ ಪ್ರವಾದಿನಿ ಉಂಡಾದಿ.ಆದಿ ನಿಂಡಾ ಮುಸಲ್ದಿ ;ಆದಿ ವಾಡ ಕನ್ಯವಸ್ಥೆ ಕಳ್ಸ್ನoಕ ಮೊಗಡ ಜೊತ್ಲಾ ಯೋಡು ವರ್ಷಂ ಬಾಳ್o ಸೇಸಿ ಯನಬೈನಾಲ್ಗು ವರ್ಷಂ ವಿಧವೆ ಆಯoಟಾದಿ. 37.ಆದಿ ದೇವಾಲಯನ್ನಿ ಉಡ್ಸಿ ಪೋಗುಂಡ ಉಪವಾಸಂ ವಿಜ್ಞಾಪಾಲ್ನಿಂಕ ರಾತ್ರಿ ಪೊಗಲು ದೇವುಡ ಸೇವೆಯನ್ನಿ ಸೇಸ್ತಾಉಂಟಾದಿ. 38.ಆದಿ ಗಲ್ಗ್ಲಾ ದೇಗ್ಗರ್ಗಿ ವಚ್ಚಿ ದೇವುಡನಿನ್ಕೈನಾ ಉಪಕಾರಮ್ನಿ ನೆನ್ಸಿ ಕೊಡಾಡಿoದಿಕಾದನಿ ಯೆರುಸಲೆಮ್ನ ಬಿಡುಗಡನ್ನಿ ಹಾರೈಸ್ತಾಉಂಡವಾಳ್ ಜೊತ್ಲಾ ಅತುಡ ವಿಷ್ಯoಆಯಿ ಮಾಟಡದೈನ್ಟಾದಿ. ^{39 40} .39.ಇಟ್ಲೈ ವಾಳು ಕರ್ತುಡ ಧರ್ಮಶಾಸ್ತ್ರಾoಲಾ ಸೊಪ್ಪಿನ ಕರ್ಯಾಲಾನ್ನಿ ನೆರವೇರಿಚ್ಚಿನ ಪೈನ ಗಲಿಲಾಯನ್ಗಿ ಸೇರ್ನಾ ನಜರೆತ್ಅನಾ ವಾಳ ಊರ್ಗಿ ಯನ್ಕಿ ತಿರ್ಗಿ ಪೈಯರು. 40.ಆ ಬಲಾಕುಡು ಪೆರ್ಗಿ ಬಲಂ ಆಯಿ ಜ್ಞಾನಂನಿಂಕ ನಿಂಡಿನವಾಡೈನಾಡು;ಮಲ ಅತುಡ ಪೈನ ದೇವುಡ ದಯಂ ಉಂಡ್ಯ.a ^{41 42 43 44} 41.ಆತುಡ ತಂಡ್ರಿತಲ್ಲಿಲು ಪ್ರತಿ ವರ್ಷಮು ಪಸ್ಕ ಪಂಡ್ಗoನ ಜಾತ್ರಗಿ ಯೇರುಸಲೆಮ್ಗಿ ಪಾತಉಂಟಾಳು. 42.ಇಟ್ಲುಂಡಗ ಆತುಡು ಪನ್ನೆoಡು ವರ್ಷಂವಾಡೈನಪಡು ವಾಳು ಪಂಡ್ಗನ ಪದ್ದತಿಯ ಪ್ರಕಾರಂ ಆನ್ಗಿ ಪೈಯಾರು. 43.ಪಂಡ್ಗoನ ದಿನಾಲ್ನನ್ನಿ ತಿರ್ಬಿಚ್ಚ್ಗನ್ನಿ ಯನ್ಕಿ ತಿರ್ಗಿ ವಚ್ಚಾಪ್ದು ಬಾಲಕುಡೈನ ಯೇಸು ಯೇರುಸಲೆoನಲಾನೇ ಉಳ್ಸಂಡ್ರಿ. 44.ಅತುಡ ತಲ್ಲಿತಂಡ್ರಿಲು ದಾನ್ನಿ ತಿಲಿಗುಂಡ ಆತುಡು ಯಾತ್ರಾವಾಳ ಗುಂಪ್ಲಾ ಸೇರುoಟಾಡು ಅನಿ ಭಾವ್ಸಿ ಒಕ್ಕ ದಿನoನ ಪ್ರಮಾಣಂ ನಡ್ಸಿ ^{45 46 47} 45.ಬಂಧುಭಂದವಲಾ ಪರಿಚಿತಿವಾಳಾನೂ ಅತುಡ್ನಿ ಉಡ್ಕಿ ಕಾನುಗುಂಡ ತಿರ್ಗಿ ಯೇರುಸಲೆಮ್ಗಿ ಹುಡ್ಕನ್ನಿ ಪೈಯಾರು. 46.ಮೂಡು ದೀನಾಲ್ಪೈನಾ ಅತುಡ್ನಿ ದೇವಾಲಯಮ್ಲಾ ಸೂಸ್ತಾರು.ಆತುಡು ಭೋದಕ್ಲಾ ಮದ್ಯಾ ಕುಚ್ಗಾನ್ನಿ ವಾಳ ಉಪದೆಶಾನ್ನಿ ಇoಟಾ ಪ್ರಶ್ನೆ ಸೇಸ್ತಾಉಂಟಾಡು. 47.ಆತುಡು ಆಡ್ನಾ ಮಾಟಾಲ್ನಿಅನ್ನಿ ಇನಿನ ವಾಳನ್ದ್ರು ಆತುಡ ಬುದ್ದಿಗೂ ಉತ್ರಾಲ್ಗು ಆಶ್ಚರ್ಯಂಪಟ್ಟಳು. ^{48 49 50} 48.ತಲ್ಲಿತಂಡ್ರಿಲು ಆತುಡ್ನಿ ಸೂಸಿ ಬೇರ್ಗೈರಿ ;ಮಲಿ ಆತುಡ ತಲ್ಲಿ - ಕಂದಾ,ನುವ್ವ ಮಾಕಿ ಎಂದ್ಗೂ ಇಟ್ಲಾ ಸೇಸ್ತ್ವು ? ನೀ ತಂಡ್ರಿನೀ ನೀನು ಯಂತೋ ತಳಮಳಗನಿ ನಿನ್ನಿ ಉಡ್ಕಿ ವಚ್ಚಿನಾಮುಕದಾ ಅನಿ ಸೋಪ್ಪಿನಾ 49.ಆತುಡು ವಾಳ್ಗಿ -ಮೀಳು ನನ್ನಿ ಹುಡುಕ್ಕನಾನು?ನೀನು ನಾ ತಂಡ್ರಿಯ ಇಂಟ್ಲ ಉಂಡಿಂದಿದನಿ ಮೀಕಿ ತಿಲ್ಸ್ಲೀದಾ? ಅನಿ ಉತ್ತರಾಂ ಇಚ್ಚನಾಡು. 50.ಆಯ್ನಾ ಆತುಡು ಸೊಪ್ಪಿನ ಮಾಟ್ನ ಅರ್ಥಮ್ನಿ ವಾಳು ಗ್ರಹಿಚ್ಚಲೇದು. ^{51 52} 51.ಬಳಿಕ ಆತುಡು ವಾಳ ಜೊತ್ಲಾ ನಜರೆತ್ಗಿ ವಚ್ಚಿ ವಾಳ್ಗಿ ಅಧಿನಡುಆಯ್ನಾಟಾಡು.ಅತುಡ ತಲ್ಲಿಯು ಈ ಸಂಗತಿಲ್ನನ್ನಿ ವಾಡ ತಾನ್ ಮನಸ್ಲಾ ಪೆಟ್ಟಿಗಾಂದಿ. 52.ಯೇಸು ಜ್ಞಾನಂಲಾನು ದೇಹಾಂಬಲಂಲನು ವೃದ್ದಿ ಆಯ್ತಾ ವಾಚ್ಚಾಡು; ಇದಿಕಾದನಿ ದೇವುಡ ಮಲಿ ಮನುಷ್ಯಾಲ ದಯೆಮು ಆತುಡ ಪೈನ ಹೆಚ್ಚೈತ ವಚ್ಚ.