¹ Pe bo sambejani te atina ebo ota sambejamani te. ² Te ngesa ba osambejabini na e sambeji iye edino bo sameja, pe ba omekabini emekeli iye idino bo meka. ³ Tina ndani ibutu a liso li ngene owe, pe ota ane mbumbu i libaya iji idi ta liso jiwe? ⁴ Tope ndenge ndani ebwani we bo bala na ngene owe: Kina mbi na longeje mbumbu ji libaya a liso li we, owe iyo odi na mbumbu adi we? ⁵ Moto o poloso, longeja boso mbumbu a liso liwe , pe ngongo so o jebe bo longeja mbumbu ji libaya aliso ji ngene owe. ⁶ Pe bo pani leka losenoake adi ba mbwa, pepe bolumbani miyaka minu adi ba ngulu, abo banga bo badae pe bo putakaka, ba dae bo sombo adino pe bolakakani. ⁷ Sengeni, pe epamabini nanu; lukani na odiabini; bomani ekuke na ba olipwabini. ⁸ Zambi moto mosusu owojoko adia dea, na yona odukaka aboloja dea, pe bakadipoe na iyona okabome ekuke. ⁹ Moto ndani atei enu aboani bopa mwana onde litai, aka mowojo mwembe ? ¹⁰ Joni, ekada bo awoji moswi, aboani bomo pa nzo ? ¹¹ Ekada bo, batomboki ndenge edi nu, ojebini bopa leka lipele adi bana banu, na bono boni sangwanu iyo yona adi odiko apabi leka lopele na ibaya bamo sengi. ¹² Esusu epalakano bo bato bakoe adino, kooni ameti adibo, zambi edi mobeko na basakoli. ¹³ Ingeani ta ekuke ekeke. Zambi ekuke iye enene, nzea enene ekalome ta bobunga, na bike ba kakweyaka. ¹⁴ Kasi ekuke edi ekeke , nzea ekeke ekalome a bomoi, na edi na bakeke baka ediye. ¹⁵ Sabaneani na basakoli babe. Badoadino na bisenza bi pate, kasi atei bu badi oyi babe. ¹⁶ Ojebabini bo na mbuma jibu. babukaka mbuma diko diko di nzube, to mosuke diko di matayi ? ¹⁷ Mole mosusu mopele moka bote mbuma jipele, kasi mole mobe mobotaka mbuma jibe koko. ¹⁸ Mole mopele mobwaniti bobota mbuma jipele. ¹⁹ Mole mosusu imu mokabote mbuma jibe mokweleme na modumbame ta mosa. ²⁰ Edi nde na mbuma jibu o bajebabini. ²¹ Iba ba baleaka mbi: Kumu,kumu! ba ingeyabiti ta bokumu bo diko, kasi iyo omoti okoko posa e tata ombi iyo odi diko. ²² Bike babalabi nambi masu maya : Kumu, Kumu, boisakolaka na nkombe ewe ? boibenganaka mingoli na kombe ewe ? na pe boikoko bikamwa bula na kombe ewe ? ²³ Na boa na balabi nabu bwase mene : najebiti no pepe, daani bowali nambi, ino bakomeli ba bokeseni. ²⁴ Natina emina, moto ndani aki maloba mabalaka mbi na isi ta misala, akwana dea na moto o bokengi iyo otongi ndako ende diko di matai. ²⁵ Mbuwa akwi, mbonge jidoi, mipepe mibomi na midoi diko di ndako emina : ekwiti te, te ngasa emai diko di matai. ²⁶ Kasi, moto ndani okabi maloba maa, na amisi ta misala te, akwana dea na moto elabe o tongi ndako ende diko di mbume. ²⁷ Mbuwa akwi, mbonge jidoi, mipepe mibomi na midumbi ndako emina : ekwi, pe bobejama bomina bodaki enene. ²⁸ Ngongo i Yesu bosieja maloba maya, boyike bo bato bajima ejimeli ende ; ²⁹ zambi ateyaka olongo moto yo adi na kpati, na titi ndenge e bakomeli babu.