¹ Kinani boko bosembo ta miso ma bato, poji bo oneneni amiso mabu; longo ekina, ota diabini mbano a miso ma sango onu odi ta diko. ² Na bowa okada opa makabo ma mawa, pepe bo boma mo ndule aboso bowe, elenge ekoko bato ba mayele mabe atei eeba sinagoga pe ta njea, na tina ebo ba kumijame na bato. Na baleini soti ba diaka mbano ji bobo. ³ Kasi oka pa likabo li mawa, kina bo eboo ewe e mwali eta jeba iye ekoi we na eboo e momi, ⁴ atina bo likabo jiwe linoye atei e sekele;pe Sango owe, iyo odi boane ta sekele, a sombeje we. ⁵ Okada o bondelani, pe bo dani oko bato ba mayele mabe te, iba ba palaka bo bonde ba mai liko atei e ba sinagoga pe ta suka ji bba njea, poji bo bato babaane. Na na baleakani soti, ba diaka mbano ji bobo. ⁶ Kasi okada bo sambela, kweya ta eteni ewe e ndako, dipa ndako, pe hongo sango owe iyo odi ta bisika bi sekele; pe sango owe, iyo oneke ta sekele a palea we eyano. ⁷ A bo bondela pepe bo balabala ma jangi tina,elenge e ba pagano, iba ba kanisaka bo na ngulu e maloba soko ba yambe boo. ⁸ Pebo kwanani na bu te, te ngasa sangwanu a jebi eka ndani edi nanu posa, yambo ibo omo wajini yo. ⁹ Injani nde nge ndani ekokino bo bondela: sangwasu iyo odi ta diko! Kina bo kombe ewe edae eswenwake; ¹⁰ Kinabo bo konji bowe bodoe;kinabo mokano mowe mo saleme diko ji kpoto pe ta diko. ¹¹ Paso busabu lipa lisu di busa na busa; ¹² limbisa ma bunga ma biso, elenge iso bo limbisaka bato iba bokoi iso bobe; 3 pebo kina so ta komekama te kasi olongese so adi moyini. Tengasa adiwe, atei e bianga bi susu,bo konji nguya pe kembo. Amene! ¹⁴ Oka limbisani bato mabema bu, sango onu ta diko a limbisabini koko; ¹⁵ kasi olimbisitini bato te, sango onu a limbisabiti no koko te ma bunga manu. ¹⁶ Leliye edino bo peya nja, pebo dani na elenge e mawa, oko bato ba mayele mabe, ibaba baimejaka maso mawa, poji boineja bato boo ba peyi nja. Na baleini soti, badi bo dia mbano ji bobo. ¹⁷ Kasi okada bo peya nja, suwa malasi pe sosa miso mawe, ¹⁸ Na tina bo ota ineja na bato boo opeyi nja, kasi nde na sango owe odi ta bisika bi kuku ; pe sango owe, iyo oka nee ta kuku, apabi nawe. ¹⁹ Pe bosa lejeyani leka ta kpoto, ani ba sekeleke na soko ji bejakaleya, pe bayibi ba hokeyaka pe ba ibakalea; ²⁰ kasi bombani leka ta diko, ani ba sekeleke naba soko ba hono te bo bejaka, pe ani ba yibi ba aneke pe bata ibaka te. ²¹ Jambi esika edi leka bowe, edipe esika edi molema mo we. ²² Liso lidi mwinda mo mokuku. Ekada liso diwe lidii bo pele, mo kuku mowe mo susu mo ngengi, ²³ kasi ekada bo liso lidi bobe, mo kuku mowe mosusu mo dii ta tei e molili. ekada bo pole edi atei ewe edi molili, mbala boni edabi molili muwa monene! ²⁴ Moto akokiti bo salela ba konji ba baye. Te ngasa, to a hinaleya omoti, pe adimealea okina; to abatamalea na omoti, pe a kinalea okina. O kokitini bo salela Njambe na mbala emoti mamon. ²⁵ Nati emina na bali: pe bangani te poji bo moi bonu na ekaa ndani eyakaleanoni, tope poji mokuku monu, tope olwaleani yeni. bo moi bo noiti leka, pe mokuku bo noo bisenja? ²⁶ Yokeani mbulu ba diko: bata anaka te pete ba twe koko, teba bombe pe te; pe sango onu ta diko aba yejaka. Bowa ino oditini na tina bo dolawa bo te? ²⁷ Moto ndani atei e nu, na ma banjo mande, akoki bo bakeya ndambo ebo adiko ji asu ma nde? ²⁸ Pe tina boni odini bo tungisama na tina e bi senja? Yokeyani ndenge edi bo kandowa mbeto ji bi langa: te ba koke mosala nongo bo isa ehaa; ²⁹ Tina emina na bali boo Salomo koko,Na kembo jinde ji susu, a ilwaka bi senja olongo omoti obu. ³⁰ Ekada bo Njambe alaeja mele mi bisika imi midi busebu pe puma ebwani bo lumbama amosa, boniboni alwajabi no , bato ba edimeli ji keke? ³¹ Pe bo tungisamani te, pe bo balani pepe: Bo yakabi ndeni? bo mwalea ndeni? bosa lwaejabi na yeni? ³² Zambi makambo maya masusu edi ba pagano baka lukeluke. Sango onu a diko ajebi iye edi nanu posa. 3 Lukani bosoboso bo konji pena bosemo bo Njambe pe leka losusu bo bwani bo pama nanu ta diko. ³⁴ Pe bosa tungisani na puma; zambi puma edi na mijo minde mene. Lisu limoti limoti lidi na mijo minde.