¹ Na boa Yesu atombama ta lisobe na nzea e mwembo, bo amekame na mongoli. ² Ngongo ji bokia miya masu tuku inei na bulu tuku inei, aka nza. ³ Momeki, amea yo mbuti nande, amo balea: Ekada bo odii mwana o Njambe, balea matai maa bo mahekoe mwembe. ⁴ Yesu asombeji: Esonomo bo: Moto ayelabiti oko na mwembe ngasa, kasi na maloba masusu ma imanaka ta monoko mo Njambe ⁵ Zabulu a motomba ta engumba esenoke, amo bakei adiko di tepelo, ⁶ na amo balea bo: Ekada bo odi mwana o Njambe, sadumba nase ; zambi esonomo bo: Apa dea meko ai babwenji bande natina ewe ; na ba tomba we a momo mabu, a bobanga bo mako mawe mata la litai. ⁷ Yesu abala nande : esonomo koko bo : otameka biti Kumu, Njambe owe. ⁸ Mongoli amotomba na ekina ta mono momoti moyai, amo ineja boKumu bosusu bo ngondo na kembo ji mina, ⁹ na amobalea : Napabi we leka losusu, oka ngulama na bosakoa mbi. ¹⁰ Yesu abala nande : Sagula - we, Satana ! zambi esonomo bo : osakoa Kumu, Njambe owe, na omosalela yo omoti. ¹¹ Naboa mongoli amokina. Na inzaka, babwenji baduaka dea adi Yesu, na bamosalela. ¹² Yesu, aka yo bo Yoani akabama, asa bomba ta Galilea. ¹³ Adonga Nasaleta, na akee boda ta Kapalanauma, ediama mbuti na mbu, atei e ekolo e Zabulona na e Nefatali, ¹⁴ atina bo ekokisame, imaya matondomoko na nzea e Yisaya, mosakoli : ¹⁵ Bato ba Zabulona na ba Nefatali, na ba ngondo ekina mbuti na mbu, na bikini bowali na Yoladene, na bai Galilea bato ba epaeli, ¹⁶ Bato baya badi ta modidi, Bani muinda monene ; na diko di badi ta ngambo et modidi mo yogo mwinda moimana. ¹⁷ Ehole yena Yesu abanda boteya, na abala : Hekojani milema, zambi bokumu bodiko bodi mbuti. ¹⁸ Olongo edalaka yo ta boyai bo mbu bo Galilea, ane bangene babae, Simona, abeamaka Petelo, na Andele, ngene onde, ibaya badumbaka monyama atei e mbu ; zambi badaka bato balobi. ¹⁹ Abali nabu : Landani mbi, na naokobini balobi ba bato. ²⁰ Ta ehole emina, bakina minyami, pe bamokimana. ²¹ Yana asalindaka yo boso, ane bangene babae bakina, Yakobo, mwana o Zebede, na Yoane, ngene onde, ibi badaka atei e bwato esika emoti na Zebebe, sangwabu, na ibaya babongejaka minyama mibu. ababeaka, ²² pe ta ehole emina bakina bwato na sangabu, pe bamokini. ²³ Yesu adalaka ta Galilea ebimba, adaka ateya atei ndako e Njambe, sango epele e boKumu, pe ahelejaki bigo bi ndenge esusu na bigo ngenge na ndenge ta tei ebato. ²⁴ Gala ende edali ta Sulia ebimba, pe bamoloeke bato basusu banongomoko na bigo na saya ilolenge ebokesene, ji membo mibe, bigo bimbulu, na babukabuka ; pe aba helejaka. ²⁵ Bobuke bo bato badaki bamolanda, ta Galilea, ta Dekapole, ta Yelusalema, ta Yudea pe bowali bo Yoladene.