¹ A ehole yena Yoane mobatisi aneme, ateyaka ta esobe e Yudea. ² Abalaka bo : Yambolani, zambi bokumu bo diko bodi mbuti. ³ Yoane adi iyo atondoko Isaya natina ende, mosakoli, tango ebala yo : iye edi moholi mo iyo adi agama ta esobe : Bongejani nzea eKumu, sembolani nzea jikeke. ⁴ Yoane adaka na esenza e ngungi ji ....., na mokaba mo eposo etito modingi bongo. Asayakejaka bakpe na poki emokonda. ⁵ Bato ba Yelusalema, na ba Yudea esusu pe na bituka bisusu bidi nzinganzinga mbuti na Yoladeni, bakeke adi yo ; ⁶ na, boyambola masumu mabu, babatisamaka nande ta dua e Yoladene. ⁷ Kasi, aneyo bodoa bo bato banene a libatisi linde ba Falisayi na ba Sadukayi, abali nabu : Libota li mabate, iyo ndani onejaini no ba otieni kele iye eduaka ? ⁸ Oboa botani mbuma e sembo i bohekoja molema, ⁹ na pe bosa kumejani na botondoko no bene : Bodi na Abalayama bo sango osu ! Tina bo natondini no bo na mabanga maa Njambe aboani boimaneja bana ba Abalayama. ¹⁰ Epondo esami ta nginga ji mole : mele misusu imi pe bobota mbuma ipele mi lenamabi na pe midumbama ta mosa. ¹¹ Mbi, nabatisaka no ta madiba, abo ohekojeni milema ; kasi iyo oduaka ngongo embi adi na nguya bono mbai, na nakokiti boloa bikoto binde. Yo, abatisabi no na mwembo mosenoke pe na mosa. 12 Adi nalingendali nde ta mabo, abongejalea ehole ende pe asangejabi ndongo ji nde ta ekolo, kasi angojalea sobe na mosa imu motakabi bo limea. ¹³ Na bowa Yezu alongi tagalilai pe Yuludani bokeke adi Yoane, na tina ebo abatisame nade. ¹⁴ KasiYoane a kiaka, na bobala bo: edi nebo nasengeli na batisame nawe, pe odi boloa adi mbi! ¹⁵ Yezu amo balei: Kina boo esaleme, te ngasa ekoki bo bokokeje makambo masusu ima madi sembo pe Pe Yoane aihula bo kiya te. ¹⁶ Asiyeja Yezu bohula abtisama, aimani amaliba. pe iinja, liko lilipoi, pe anii mwembo mo Njambe bo tita oninga ebenga pe modoi diko jinde. ¹⁷ Pe inja moholi mokani adiko na iloba idii: Iyobo mwana ombi obdingo, adinde napi bolingo bombi losusu.