¹ Edaki atei e bato basakoli ba lokuta, pe eda omoti atei e nu balakisi babe, bakoejaka masanga mabe, pe iye, ekalone molakisi iyo obasikola, agbulabi diko ji bu mene bobejama bo mbalakaka. ² Bato banene babasusa a bobeya bobu, pe njea e soti eda na gala ebe a modjo mobu. ³ Na njea e posa enene e falanga baseidja fanga ino na bosola no masolo malumi na bokosa ima mahuli a mayele mabu, kasi a modjo mo ehole ayai mosambejea obu adi bogo tina eboko mosala monde pe moweli obu aweisi yio te! ⁴ Te ngasa, ekada bo njambe abanea banjelu bakoko lisumu te, kasi ekada bo aba dumba ta mombondo mo modidi pe ababa baneaka tina e bosambejama; ⁵ Ekada bo alibanea ngondo esuku, kasi akayeleja Noa, yo moto o mwmbe, moteyi yona o sembo, ehole edua pela diko di ngondo e babeyake; ⁶ ekada bo apa etumbu bingumba bi Sodomo na Gomola, bobapa ndakisa poji bato babe badoabi ngongo, ⁷ Pe ekadabo aheleja mosembwi Lota, atei ewa enene na edeali pe bonja ngongo na mida mibe mi bato bande ⁸ ( Zambi mosembwi yona, adaka atei ebu, anongejaka mwembo monde busa na busa a modjo imi moneke pe mokaka yo na misala mibo mibe mabowa); ⁹ Kumu adjebi bokangola atei e momekano bato badalaka atei e sembo, pe bobanea bato ba taki sembo poji bolia etumbu liswi di bosambejama, ¹⁰ Iba banoe basa paa ngongo ji munu atei ji posa ji bobejama pe na lisumu libakumu. bato bakasatombe pe na lofundo, bata bangaka te bololea kembo, ¹¹ Na boa ba angelu, diko na ngulu pe na nguya enene, te bapake yongo liyo bosamba bo bolelea a boso bo Kumu. ¹² Kasi bo, ta koko dea na bileli bibu, olongo tito ba mokonda iba bakabotama bo bapeame pe bawame, basingaka dea ngando ji bojebaka te, bagwa na bobe bobo mene. ¹³ Na bodimiaka koko litomba li misala mibe. badiaka sepe ebu na bosapa na sepi a ndanda busa; bato ba mbindo, basapaka atei ebokosea bopu mene, na bokoko bopele adi no. ¹⁴ Badi na miso malumake na ekobo pe bapeli pe malumi na masumu; balomaka mwebo mibwembu atei edimeli; badi na milema miyeyoa na bokoo posa di mokuku; badi bana ba malakeli mabe. Ngongo e bokina njea sembo, basa bungejae bolandaka njea e Balame, mwa momi o Bosolo, iyo okapale lifuta ji lisumu likoo, ¹⁶ Kasi iyo odiaka pamela tina e bobuka mobeko: punda o mwali o taka meko, akaneja moholi mo moto, alembea mosala mo mosakoli. ¹⁷ Bato baya badi elenge e mimbondo mitaki maliba, mapata ima mabenganaka mopepe: molili moli poji bo. ¹⁸ Na maloba malumi na ndjobo, bakoko misala mi posa mi mokuku a njea bobeja iba bandongaka bohela a li bato tali ta libunga; ¹⁹ Ba balejaka bosomi, ehole edi bomena bahumbu e bobeyama, te ngasa omoti omoti adi mohumbu o iye elonga etei ende. ²⁰ Na boa, ngongo ebosa takija deka bosusu bobe ba ngondo, na njea e jebi e Kumu pe Moheleji Yesu Klisto, basaisa ta mosala naikina pe iba balongama, mola mobu mongongo modi mobe bonoo moyambo. ²¹ Te ngasa edaka bopele atina ebu bo pe bojeba njea e sembo, oko bosabungea, ngongo e boejeba, ta malako masenwake ima mapama nabu. ²² Eimeya alibo iye ebalaka lisese limoti li soti: mbwa asombi boyaka miya mikangaki yo, pe ngulu asombi bosabokea a potopoto.