¹ Iye Yeso apipo yaka no bombi,o chweya ano Galilaya osa a ikumbu ngiyo Yudeya,amondu o Yolodani. ² Ambaja ata kisoba nayo ako kpata,no inani o heiso bombi bo bakabu. ³ Bafalisayo bomubokuwo bo nayo ako kaniyo:Yandi ido guwe ako kponyo moyi ango,akuu o yaka mengana bo? ⁴ Oyosiyo bo:Napopoko komu bo a mupunganiya,asobei akiya guwe no moyi ⁵ no osugo bo:Ako imani guwe asiya ise no inye,o letoniyo no moyi ango,ibo bapini beka ndutu mengana? ⁶ No bangomu bata bapini,batiya ndutu mengana.Mombi ati lukuwa komug iye Asobee a leteniso ⁷ Bo musi giyo bata bo akuu o imani Musa asugo bindikiya moyi ubaluwa bo ibaa yosiyo? ⁸ Obu tosiyo bo:Ya akuu o mutima wota bumu nguwa weno njoo Musa anisigiyo bo mombi ikponyo;a mupunganiya yabiyo komu bani. ⁹ Noni sigiyo bo mombi ngiya a kponyo moyi ango,yobiyeni mu tabo omufo no guwe,osika omo,okiyo pite. ¹⁰ Bakpata bomusigiyo bo:Yobiyeni bo yaka ngiye guwe ya bani apeyi o moyi,yango no dada mombi ako sika moyi. ¹¹ Obu tosiyo bo:bombi babomu bango mbiya komu yaka ngiye,yobieni komu ta uba bano nimbiya. ¹² Do yano buga nguba bachweya lijangi ta buwa bo inye;no bomo, bombi njoo babikiso lijangi,no bomo bata ba kisoniso ibo bambinyo bongo,akuu o bungama uba akuu o bisi.Mombi ngiya akunda nimbiya imbiya. ¹³ Ambise ongo bomikiya no bana,do bibu napiya likondo,no bibu lumbiya.Yaka mengana bakpata bobu kponyo. ¹⁴ Yeso o su go:Siyeni bana bota belebele,nati bu nangyo komu anika andemi;do bungama nguba akuu o bisi ba ngbangangbanga nabo. ¹⁵ Obu napiya likondo,no ongwa anani. ¹⁶ Mombi mungana,esingana osigiyo Yeso bo:Mupananakiya,nosisekiyo akiya imani yeteido do nipata buheya ngubo bengono? ¹⁷ Mengana njoo yelo.Wokundiyeni akumoniyo,beyoko mapanu. ¹⁸ Uka kani?Yeso o mutosiyo:Wati wa komu mombi;wati gkunda komu moyi o mombi,wati bo komu;wati chweya komu demu o mujee; ¹⁹ bibiso ato no anu;no:kunda nduku asoo kundi uwe makinyongo. ²⁰ Mundambu osugo bo:Nakyo kiya yaka ngiye neni ibomu;yo tukoo tiya imani? ²¹ Yeso o musigiyo bo:Wo kundiyeni abiyo ngbingbii,sa wo gaba likyemu ngile soo libomu,wolinjo ba masikini,wali gboka sina likyemu ngile neni akuu o bisi. ²² Ambise ongo wo nakpata.Iye oka bani,mundambu osa no ikoko,do abiyo no likyemu lija. ²³ Yeso osigiyo bakpata bo:No nisigiyo tano ingono,ya bukayi mombi likyemu akumoniyo akuu o bisi. ²⁴ Noni sigiyo bata,nama aweja chwana amati o ihoo yo musonaji,yaka mengana mombi o likyemu akumoniyo a bun gama nguba akuu o bisi ²⁵ Iye bakpata boka bani,bopata ikoko nogbe,bosugo bo:Ani aka aheya? ²⁶ Yeso osugo bo:Ako bombi,yango kyananakiya,ako Asobee ya kyananakiya. ²⁷ Iye Piele apunga yaka,osugo bo:Ina, isu tasiya yaka ibomu,tonakpata,yeso yabiyo sina tani? ²⁸ Yeso otosiyo bo:Noni sigiyo ta ingono,Iye yaka yanatana sina,Mwana o mombi,awolo sina a kiti o bungama iyo ubiba,inu nguba na nakpata,nawolo sina akuu mangama tekebe no bepini,na sambiso sina mafini tekebe no bepini nguko Isilaeli. ²⁹ Mombi ngiya,ako ino yesemi,asiya ba manye beboyi no ubo baguwe,ama moyi ama guwe,ama bana,itaka,likaa ali pata sina machaa alofu,no apata ijangiya ngiye mago no mago. ³⁰ Baja ngubo peyi,no baja ngubo mupipiyo babiyo sina apeyi.