¹ Ako angbinga ngiya anani, bakpata besinganiya Yeso bosugo bo:Ani aka amuja a bungama nguba akuu o bisi? ² Yeso esoko mwana ata bele,o mu napiya ati ebo, ³ osugo bo:Nonisi giyo tano ingono,no nataneni komu neka ndi bana belebele,nango kumoniyo komu a bungama nguba akuu o bisi. ⁴ Kido,mombi mubomu ngiya a disoniso ndi mwana ata bele ngiya abiyo mujanana akuu o bisi. ⁵ No mombi mubomu ngiya ateteya mwana ata bele ndiya ake,ona teteyo imi. ⁶ Mombi oyaeni mungana o bana uba banabaya imi,osisekiyo bimusanga no ikopi yeta buto,bomu giso amati o lisini ata muja. ⁷ Ikoko no dodo akoyaka yo bubibi!Do yata ido bo bubibi bika,ikoko no mombi ngiya bubibi beka ako ingbaa yango! ⁸ Yobiyeni bo ikondo ama mutindi nguwo wossoo wanowe akotuma a bubibi,ikioko,wo igiso lu no uwe;yedo abiyo indikape,koliko abiyo no mitindi no likondo wosa a gyaa. ⁹ Yobiyeni bo iso ngiye yesoo yanowe ako kwisisiso,i luwo,wo i giso lu no uwe,yelo abiyo sokomu no iso mengana,koliko anisa a gyaa ¹⁰ Beyonokeni ako jalao bana nguba;do ba malaika nguba bebo bakyo ina mesu nguka Abaa ngiya akuu o bisi. ¹¹ Do Mwana o mombi eka akoheiso iye ya yangaa. ¹² Yanowe aniniya ndi ima?Mombi obyeni no bakondolo miya,no mungana e paniya,asiya si batekebe isa no isaboku akuu o likpangba, akohata mungana ngiya epaniya? ¹³ No,o mineni,noni sigiybo ta ingono,akwa igyagya akochana batebe isaboku no isaboku uba bangomu bepaniye. ¹⁴ Kubani,yangomu bukunda nguba Ato eno ngiya akuu o bisi,bo mwana ango mungana ipaniya. ¹⁵ Mwana anu okiyeni bubibi,yakanakeni inu nayo bapini.Okeni,ambo wo muheiso. ¹⁶ Onokeni komu,sika bata mombi ngomo ama bapini,do yaka yisiyo amesu ko bombi bapini ama baatu. ¹⁷ Oyaa eni nabo anuka,ungiya kanisa,oyaeni anuka kanisa,ibiyo andoo ndi mupagano ama mombi o adiya ¹⁸ Noni sigiyo tano ingono,ibomu ngiye nakweyo sina iyani asi o ipa,yakweyeniyo kuwo akuu o bisi,no iye naboo iyani a dodo,ya booniyo kuwo akuu o bisi. ¹⁹ Noni sigiyo bata bo,bombi bapini bokaneni iyani a dodo ako nita akuu o yaka mengana bo,ya binjoniyo ako ino yo Abaa iya akuu o bisi. ²⁰ Do aka bombi bapini ama baatu bojonokiyoo ako ino yesemi,nabiyo amati o ebo. ²¹ Piele omisinganiya,asugo bo:Muheiso,nosisekiyo a nipaakiya nduku asemi machaa mapitani,ona kiyeni bubibi?Machaa medianika? ²² Yeso o mutosiyo:nosugo komu machaa medianika,batekebe medianika machaa mediya ²³ Bungama uba akuu o bisi bandi ngama ngiya abiyo akopoo likyemu ngile lango. ²⁴ Iye apunga poo likyemu,beka no mombi ngiya a gya falanga alofu mungana. ²⁵ Ndi abiyo komu no angu o lipa,mumbinyo likyemu osugo ga bimu gaba,iyo,moyi an go,no bana,no likyemu ngile lan go libomu,bupulu osiyo. ²⁶ Mombi o teya,eka okwa apeyi o mumbinyo likyemu asugo bo:Muheiso,aniya baka ikoko,natoso likyemu ngile soo ta libomu. ²⁷ Ominiya ikoko,mumbinyo likyemu o musiya bo isa,omutosiyo likyemu. ²⁸ Iye achweya,mombi o teya ngia anani ojonokiyo no mombi ngiya abiyo no bupulu ango falanga miya.Omufa asugo bo:Atosiyo falanga ngiya asemi ta aka. ²⁹ Mombi o bupulu okwa asi mundindanakiya,asugo bo:Abetiya baka si,natoso tosoni. ³⁰ Sokomu o baya,o mufa,omumaya a boloko,mupaka itoso falanga ngiya anani. ³¹ Iye bange bena bani,bokwa ikoko nogbe,bosa ako nungakiya ngama yaka ndaka yakyanakiyoo. ³² Ngamo esoko mombi o teya ngiya anani omusigiyo bo:Mombi o teya atabibi,nanatosiyo pungo bupulu ngiya asoo ta mubomu, ³³ do wana kikelekiyo pungo,akuu o imani weniyo komu penge mange ikoko,ndi naneyo pe uwe? ³⁴ Mombi o likyemu,opata mutima wota bibi,onga bo bimufa,mupaka itoso likyemu libomu. ³⁵ Abaa ngiya asemi akuu o bisi,anikiya sina inu ku bani,mombi ngiya ango ipaakiya komu mange mutima mungana.