¹ Mo maili, wana ise, lomba Mmbali mendi ito ya Mmbali ba balangane na kobhebha embo aika mo ino. ² mendi toeke o maoko ya mea obhaya mendi wo eti wea obhaya. ³ Ijije atosa ma , akotonka okpala nakono okowa mo ngea obhaya. ⁴ Tokotengea utu ya kowa kande na ijije mendi oete na koeta weena engo ta notoma. ⁵ Ijije abhaisa chetoo ino mo ngea ya kosama ya Mmbali na kolendea yesu. ⁶ Tanotoma, wananna, molina ya ijije Yesu. moike kpalea na wana ya nna yawe wo oengo waika kpalea na Yesu. ⁷ moyowe ino wene embo, mo ikemba ito na ito toike monkati ino. ⁸ Toyebila kowa chekpanga wea monda na mokambo, monda na azabhu, toikile mo chendi na mo yoa mokoeta mendi toto samile komonkamea mekumbo. ⁹ Ataikile ngo ate toyoa mendi ya liti totosamile komonka moino, wati ngea. nngo atoikile na muisho. ¹⁰ Embo toikile kawe, nalengenile chande mba tolengenaka, mbamea ata samile mokambo, nango ata bhekoya, koya. ¹¹ Watobhaesa, mo wakati, nango kosama monkati ino, mea engo aika na mendi obhaya. ¹² Tobhayane na engo weya, toyemo ijije Yesu. ¹³ Kino, wana ise, nango kokocha mokoeta ilonga. ¹⁴ Mba mea atasamile engo tolengena. moengo malobha, omoyowe, nango ata kosama moike nande mendi aseyenkene. ¹⁵ Nango komosea mba moyai, omo owe mba mana ya nna. ¹⁶ Ngo Mmbali meya ya phio akonka bhemene phio, kande, mowakati eti, Mmbali aike moino wati. ¹⁷ Nano sesea, ano Polo na kooko yano mene. ngo nngo ngo kooko yani mo malobha yani eti;ngo embo nawa komea. ¹⁸ Chombo ya Mmbali ise, na Yesu ijije aike mo ino eti.