¹ Mendi atenga koluka ka ijije ito Yesu klisto na kosongona kito nawo tanokonga, wana wa ise, ² nango koileka konoalea mongo amoti mo nngea ino ya koisa ka nango koyakoa kono limenisa, wala mo kokomana wala mo mendi waala momalobha akotoka ekito, mba mmbo utu wa mokota wa engemana. ³ Mea na amoti atanokesi mo nngea eti; mendi ate amonye otono la seekana a mpanja, na kosea mea a obhaya kobhuanya, mana a kolimena, ⁴ Mokpanei a koimana kiyo na weena ewewti wako owa ate Mmbali ao wako kundindia malu, bhena kojumana monumba ya Mmbali. ⁵ Wotokulikisa wino mawazo ate nanoowanga nja mendi, mbo naikile ekino? ⁶ Ka lophena woyewa mendi yanosimba, mokobhuanya moisautu. ⁷ Mendi ate mmbhendo ya mea amoti yawo mokotumeka; abhaliya mea aiki amosimba alimene. ⁸ Na ngo wakati kobheya kakoseekana, ngo ijije Yesu akoindowa na mophopho a kama kande, na nakochoawa na kasa ka kowa kande. ⁹ Kseekana ka mbo obhaya kakoetaka,mo okpala la ibilisi, na namuna otia ogaga, mo alama na mendi ya omaya. ¹⁰ Na koluaneka waoni ewati wa okpala la Mmbali ko weya wakosidhia mendi ate watayakoile osamo la liti mo kowaondisa. ¹¹ Kae Mmbali akowatomea okpalala moti la lakowalimenisa, mendi ate waekeleya mendi ya omaya. ¹² Mendi ate weya ewati watayakoile mo liti, alakini wayakoile mendiya kokosana,watoeke mokasa. ¹³ Ekito, wana wa ise monda na ijije taengemana mo lina lino kosumbukanisa chombo ka Mmbali nango kaena, mendi ate Mmbali anosanile kobhenda konookowa mo okobhe wa ibilisi, mokonowomboka na okpala na koyakowa nkati na liti. ¹⁴ Mo njongo anotaambea mo malobha ito, mo kanonka kabhebo ka ijije Yesu klisto; ¹⁵ Mo njo eti, wana waise, kokomani, na kobhenga mendi ya moti njo woeyakowa, mba mo mendi ito, ao mo malobha ito. ¹⁶ Ijije Yesu klisto bhemene, na Mmbali isetu, mea atosama, na mea atonka mo chombo chande kotoonowa masoli nango kotungea na osebheleo wa liti, ¹⁷ Phongisi wetoo wino, na koyoma mo mekambo eti ya kokola na mendi eti ya kokola!