1
Paulo, na Silva bena Timoteo, mo numba la Mmbali moTesalonika; waikile ka Mmbali ise ito na ka Yesu ijije.
2
Chomboo na guwe, wanonke mo Mmbali ise, na ijije Yesu.
3
Toika mo mendi yawe, mana ise mo ikena chombo, ka Mmbali. embo aika liti mendi yakoyakowa yaweaeta kotobhota mpanja. na koika na uluma, na meya eti.
4
Endo ino aika ilongo, mo numba la Mmbali, mendi yako lendea ino, na koyakoa Mmbali monka tiyaweya engowatosamile mendi ya Mmbali.
Aika alama ya liti mokobhaya ka Mmbali, mendi wano tendeya nzambi ino monkati mookota ya Mmbali; moembo moika mokoteska.
6
Nyo sheliya ya Mmbali akofeneya weya engo wa konoseya bule.
7
Nakononka, ino waikile mokonosea bule, moimone moongo na ito, embo ijije Yesu abhuanya kiyo na wa malaika ya okpala yande.
8
Mokati ya tosa, mokowanka azabu moengo weya na wongo koila mendi ya ijije Yesu.
9
Moembo akoika, bosolo bila kochoka kpalea na cheaso la ijije na kobhebha okpala yande.
10
Embo akoiya mokoeta utu amoka engo omobhebha mendi, ya ilongo, ande na koyakoa mowoengo wea wayakoila, mendi kobhebha iti ijije ayakolea.
11
Ngo maana toika mokolomba bila kokocha mendi ino. mendi Mmbali ito akono sambisa monkati ya mekambo ino, na aengemanisa okpala yande, na weena eti engo aika ilongo mokosama chande, na mekambo engo yakoila
12
Mendi lina la ijije yesu aike moko bhebha kawe na ango obhebhe kande mo numba ya mmbali mo ito na ijije Yesu