¹ Musetn, Yesus cerita sebuwoh umpama ko' murid'Ou nengi yondou ko' dietn bahwa dietn harus selalu bedoa ngen dex cuk toi. ² Kuwotn'Ou, "Nun sebuwoh kuta, oduh seura'ng hakim do udex toru' ko' Tompo'u ngen udex ngeromot nya bukutn. ³ Nun kuta setn, oduh seuran'ng janda do terus mondu ko' hakim setn ngen yondou, 'Jugotn lah keadelan ko' ku'u terhadop rawet ku'u.' ⁴ Nongi kuduh waktu, Hakim udex rou turung janda setn. Akon tetapi, musetn hakim setn yondou wa'ng toi'Ou, 'Meskipun oku'u udex toru' ko' Tompo'u ngen udex ngerumot esih pun, ⁵ pa kerena janda ti'i terus-menerus genanggu ku'u, oku'u akon jugotn keadelan ko'Ou yuh udex yusoh oku'u ngen mondu terus-menerus."' ⁶ Lalu, Tompo'u yondou, "Kerungoh lah enih do hakim yondou do dex adel setn. ⁷ Udex kah Tompo'u akon jugotn keadelan ko' nya do penurih-Ou do mogotn ko' ou nerang ngen bemgarou? Enih kah yuh nunda-nunda sampei tuwoi nengi turung dietn? ⁸ Oku'u yondou ko' mu'u, Yuh akon jagu' jugotn keadelan ko' dietn. Akon tetapi, watu Ena Manusia mondu', enihkah yuh akon doput imon nun bumi?'' ⁹ Yesus pun yanpoi umpama ti'i ko' kuduh ura'ng do anggop odu' dietn dou ngen pedubou nya bukutn. ¹⁰ "Oduh duwuh ra'ng bu ko' Bait Tompo'u ya bedoa. Do seura'ng nya Farisi ngen nya pengumpu oajak. ¹¹ Nya Farisi setn mujou ngen ngucop doa tenta'ng odu'Ou, 'Ya, Tompo'u, oku'u beterimou kasih ko' kom kerena oku'u udex mun do bukutn; mun pemeras, penipu, pezina, atou bahkan mun pengumpu pajak ti'i. ¹² Oku'u bepuasa duwuh kali seminggu, oku'u jugotn sepersumung musu seluruh pengaselan ku'u.' ¹³ Akon tetapi, si pengumpu pajak mujou agak jou, bahkan udex ngerejuh ko' rongit. Sebaik'Ou, yuh nontu' suda'Ou sambel yondou, 'Ya, Ta, Tompo'u. Berbelas kasihlah ko' ku'u, si pendosa ti'i.' ¹⁴ Oku'u yondou ko' mu'u, pengumpu pajak ti'i moring ko' romin'Ou sebagai nya do lebuh dou musus nya Farisi setn sebeb nya ingin odup akon do pedubou odup akon do pedatuh." ¹⁵ Lalu, nya tobotn ena dietn do gi cuk ko' Yesus supaya Yuh menjamah dietn. Akon tetapi, watu sena murid ngerejuh'Ou, dietn mulai doruh nya setn. ¹⁶ Pa, Yesus ena-ena setn nengi mondu ko' dietn ngen yondou, "So lah ena-ena cuk setn mondu ko' oku'u, ba'a ngalang dietn sebeb Kerajaan Tompo'u umpu' nya do mun dietn ti'i. ¹⁷ Oku'u yondou do sesunggu'Ou ko' mu'u, esih pun do dex terimou Kerajaan Tompo'u mun ena cuk, yuh dex akon murut ko' wa'ng-Ou." ¹⁸ Oduh seura'ng pemimpitn dietn do posik ko' Yesus, "Guru do paguh, oduh do harus ku'u lakikan nengi doput mewarisi modip do kokol?'' ¹⁹ Jaweb Yesus ko-Ou, "Monih mu'i nyebut Oku'u paguh? Unyak do paguh selain Tompo'u sendiri. ²⁰ Mu'u puont tenta'ng hukum-hukum ti'i: 'Soh berzinah, soh ngongku, soh jugotn saksi palsu, serta hormot lah samou ngen sundou mu'u."' ²¹ Jaweb mya sent, "Oku'u mus taet semua setn watu oku'u gi muda." ²² Watu Yesus kerungoh-Ou, Yuh ko' nya setn, "Gi mugu' hal do kura'ng. Juallah semua koyuh mu'u ngen dogoilah ko' nya musuketn, mengka mu'u akon umpu' rota nun suga; ngen gotilah, mo lah Oku'u." ²³ Watu nya setn kerungoh sondou Yesus setn, yuh jaji sedih sebeb yuh sanget kaya. ²⁴ Musetn Yesus ngerejuh yuh ngen yondou, ''Sulit munu' bagi nya kaya murut ko' wa'ng Kerajaan Tompo'u! ²⁵ Bahkan, robih mudoh unta murut rubang jarum musu nya kaya murut wa'ng Kerajaan Tompo'u." ²⁶ Nya do akon kerungoh sondou setn yondou, "Kalau muset, esih do uncutn selamot?" ²⁷ Jaweb Yesus, "Enih do mustahil bagi manusia adalah mungkin bagi Tompo'u." ²⁸ Lalu, Petrus yondou, "ngerejuhlah, omi mus kontou semua do omi umpu' ngen noda kom." ²⁹ Yesus yondou ko' dietn, "Oku'u yondou do sesunggu-Ou ko' mu'u, udex seura'ng pun do kontou romin, osou, saudara, nya tu'u, atou ena'Ou demi Kerajaan Tompou, ³⁰ do dex akon terumou hal setn belimpoh ganda ko' masa ti'i, ngen ko' onu do akon mondu, mudip do kokol.'' ³¹ Lalu, Yesus genumpu kesumung duwuh murid-Ou ngen yondou ko' dietn, "kerungo, tou akon bu ko' Yerusalem ngen segala sesuatu do segala do nulis sena nabi tenta'ng Ena Manusia akon do gunonop. ³² Yuh akon do senorah ko nya do udex kunonol Tompo'u. Yuh akon do nulou, do aniaya, ngen do ngerujou. ³³ Ngen, mus dietn tubut-Ou, dietn akon nobus-Ou. Akon tetapi, nun taruh onu, Yuh akon bangkit agi." ³⁴ Pa, sena murid udex ngeroti ni'i pun hal musu ti'i. Roti' sondou do rahasia bagi etn sehingga dietn udex penaham enih pun do mus do yondou. ³⁷ Watu Yesus hampe nun Kuta Yerikho, oduh nya bokop do gi nguru' nun bugih jorotn sambel ngemis. ³⁶ Watu nya bokop setn kerungoh nya muwou luwet, yuh posik enih do tejadi. ³⁷ Ngen, nya yondou ko'Ou, "Yesus musu Nazaret moh luwet." ³⁸ Mengka, mogotn lah nya bokop setn, "Yesus, Ena Daud, kesihotnlah oku'u!" ³⁹ Nya do ponu nun jowi rombongan, doruh ngen nya bokop setn ngen bodou-Ou ngunu. Akon tetapi, yuh malah mogotn lebih jou, "Ena Daud, kesihonlah oku'u!" ⁴⁰ Lalu Yesus ngundu' ngen bodou nya bokop setn do tobotn ko' odup-Ou. Watu nya bokop setn nyusuk, yuh posik ko-Ou, ⁴¹ "Enih do mu irou supaya Ku'u pebuwot ko' mu'u?" Nya bokop setn junaweb, "Tompo'u, oku'u irou bodou botu ku'u uncut ngerejuh agi." ⁴² Yesus nyonou kok yuh," Ngirijuhlah imenmu'g meh empaguh mu'g. ⁴³ Watu setn gi, yuh depud ngerijuh ngen mulei mou nedak Yesus samel penuji Tompou. Watu nya kepa ngerijuh hol set, dietn gi penuji Tompou.