¹ Musetn, Yesus yondou ko' sena murid'Ou, "Batuh sandungan pasti akon oduh, pa selaka lah nya do nyobeb'Ou. ² Lebih baik sebuwoh batu kilangan do ungkobut ko' kukou'Ou ngen yuh do nongkotn ko' wa'ng laut daripada yuh jaji sangungan bagi ena cuk ti'i. ³ Waspadalah! jika saudara mu'u, nogu'lah yuh; jika yuh nyoso dusa'ou, nampunilah yuh. ⁴ Bahkan, jika yuh bedusa tehadep mu'u semuwou uju'u kali wa'ng ni'i onu, ngen pering ko' mu'u uju'u kali sambel yondou, 'Oku'u nyoso,' ampunilah yuh." ⁵ Sondou rasul-rasul setn ko' Tompo'u, "Nambohlah imon omi!" ⁶ Jaweb Tompo'u ko' dietn, "Jika mu'u umpu' imon do bas ruwa'ng encawai ja, mu' doput yondou ko' beta'ng murbei ti'i, 'Terubutlah musu tanou ngen mudip nun laut,' ngen beta'ng setn akon taet ko' mu'u." ⁷ "Esihkah musu antara mu'u do oduh hamba, do gi benajak atou menggebala, akon yondou ko' hamba'Ou setn watu yuh embarik musu umuh, 'Goti', nguru'lah ngen man'? ⁸ Bukutn yuh malah akon yondou ko' hamba'Ou setn, 'Seniyop lah kemakotn ngen oku'u ngen nongi lah bekokes do layak nengi ngelayan oku'u selagi oku'u bemakotn. Musetn, barulah mu'u buleh bemakotn'? ⁹ Enihkah yuh akon beterimou kasih ko' hamba'Ou setn kerena ngelaku do perinto'Ou? ¹⁰ Musetn gi ngen mu'u. Apabila mu'u umus ngelaku semua do perinto ko' mu'u, hendaklah mu'u yondou, 'Omi'i hamba do dex beroga. Omi'i hanya ngelaku enih do wajib omi'i laku.'" ¹¹ Wa'ng jorotn'Ou nuju Yerusalem, Yesus senusu nun perbatasan anrata Samaria ngen Galilea. ¹² Saat murut ko' sebuoh desa, yuhbedoput ngen sumeng nya kusta do mujou musu'Ou, ¹³ ngen dietn mogotn, "Yesus, Guru, Kesiyotn omi'i!" ¹⁴ Watu yesus ngerejuh dietn, yuh yondou ko' dietn, "Bu'lah ngen tuju' odup mu'u ko' imon." Ngen, watu dietn wa'ng jerotn, dietn jaji tahir. ¹⁵ watu salah ni'i musu dietn ngerejuh bahwa odup'Ou mus paguh, yuh umbarik ngen memuji Tompo'u ngen yu jotn, ¹⁶ Lalu belutut nun adop kojou Yesus ngen terimou kasih ko'-Ou. Nya setn seura'ng Samaria. ¹⁷ Musetn, Yesus yondou ko' nya setn, "Buketn kah oduh sumung nyado nun terakir? Nun epihkah perui nya do buketn? ¹⁸ Udex kah nun antara dietn do embarik nengi memulia tompo'u selain nya buketn ti'i? ¹⁹ Lalu, Yesus yondou ko'Ou, "mokot ngen bu' lah, imon mu'u do nyelamot mu'u." ²⁰ Watu do posik kuduh ura'ng nya Farisi tenta'ng kapan Kerajaan Tompo'u akon mondu, Yesus jenawob duetn ngen yondou, "Kerajaan Tonpo'u akon mondu' tanpa tanda-tanda do doput ngerejuh, ²¹ udex akon oduh nya do yondou, 'Ngerejuh, Kerajaan Tompo'u oduh nun eti'i!' atou 'Kerajaan Tompo'u oduh nun eih!' kerena semunu'Ou Kerajaan Tompo'u oduh nun todou mu'u." ²³ Musetn, Yesus yondou ko' murid'Ou, "Akon mondu' saat'Ou mu'u ingin sekali ngerejuh ni'i onu musu onu ena manusia, pa mu'u dex doput ngerejuh'Ou. ²² Nya akon ko' mu'u, 'Ngerejuh, nun eih!' atou 'Ngerejuh nun eti'i1' Akon tetapi, soh lah mu'u bu ngen noda' nya setn." ²⁴ "Sebeb mun kilot do penaco musu atu'u rengit do ni'i ko' atu'u rengit do buketn, musetn lah gi Ena manusia ko' onu-Ou. ²⁵ Akon tetapi, Ena manusia harus monderita muo hal terobih tayou ngen nun tenulak generasi ti'i. ²⁶ Ngen, mun do umboh jaji ko' onu ti'i nun Zaman Nuh, musetn gi lah ko' onu Ena Manusia. ²⁷ Nya bumakotn, menikoh ngen nikoh sampei ko' onu Nuh murut ko' wa'ng bahtera ngen bajir bas mondu' lalu nobus dietn semua. ²⁸ Samoh hal'ou do tejadi nun zaman Lot, saat setn nya man, yu'p, burih, juwa, puruh, ngen benagun. ²⁹ Pa, wa'ng onu Lot kontou kuta Sodom, opui ngen belerang robu' musu rongit mun jetn ngen nobus dietn semua. ³⁰ Musetn lah keadaan'Ou watu onu Ena Manusia do nyata. ³¹ Watu onu setn, esih pun do gi wa'ng nun raw romin, ngen barang'Ou oduh nun wa'ng romin, Ba'a lah yuh mungau nomik'Ou; ngen esih pun do gi nun wa'ng umuh, b'a lah yuh moring. ³² Ingotlah enih do terjadi nun osou Lot! ³³ Esih pun do berusaha melihara nyawa'Ou, akon magotn nyawa'Ou. Ngen esih pun do magotn nyawa'Ou, akon nyelamotn'Ou. ³⁴ Oku'u yondou ko' mu'u, watu bengaru' setn akon oduh 2 ura'ng do buus nun 1 tempet buus. Akon tetapi, do seura'ng akon do tobotn, sedangkan do bukutn akon do kontou. ³⁵ Duwuh dayung akon ngeliling gandum besamoh. Do seura'ng akon do tobotn, sedangkan do bukutn akon kontou. ³⁶ [Musetn gi duwuh pekereja nun umuh, do seura'ng akon do tobotn, sedangkan do ni'i akon do kontou."] ³⁷ Lalu murud posik ko' Yesus' "Nun opih, Tompo'u?'' Jaweb Yesus ko' dietn, "Nun opih oduh bangkei, nun oit lah manuk bu'uh akon begumpu."