¹ సోదరులారా, ఆత్మసంబందులైన మొనుసులోటి వాచ్చురు తీరి నాను నింగ్లోటి వాచ్చారుదోని. శరీర స్వభావం ఇక్కిరాయోటి, క్రీస్తుకోరు పసిబిడ్డలోటి వాచ్చురు తీరి నింగ్లోటి వాచ్చురుదు వంచు. ² నింగ్లున పాలువాతు పెంచికీరి గానీ కర్రీ తినిపిక్కిల్లా. ఇప్పుడు కూడా నింగ్లు అత్తును వంకురు స్థితి కోరు ఇల్లా. ³ ఎందాతుకు ఇండిగా నింగ్లు ఇంకా శరీర స్వ భావమోటి కీరంగా. నింగ్లచ్చి అసూయ, కలహము కీదు. అ త్తును బట్టి నింగ్లు శరీర స్వభావం కలిగి మొనుసు తీరి నర్దు గురాయే? ⁴ నింగ్లుకోరు ఒండాలు 'నాను పౌలుకు సెందిక్కురా లును', ఇంకొండాలు 'నాను అపోల్లోకు సెందిక్కురాలును', యిండు సొన్నక్కురంగా ఇండిగా నింగ్లు శరీర స్వభావం ఇక్కి రాయే ⁵ అపొల్లో ఏదు? పౌల్ ఏదు? రెండాలు పరిచారకులే. రెండాలుకు ప్రభువు తందిక్కురు భాధ్యతలకు అనుకూలంగా అయిలు ద్వారా నింగ్లు నమ్మికీరంగా. ⁶ నాను నాటికీరి, అపొల్లో తన్ని వాకుసు. అయితే అదు పెరుగురు తీరి సేందిక్కురుదు దేవురు. ⁷ కాబట్టి పెరుగు రు తీరి సేందిక్కురు దేవురుకోరే కీదు గాని, నాటురాలుకో గాని, తన్ని వాకురాలుకో గాని ఎందాదు ఇల్లా. ⁸ నాటురాలు తన్నివాకురాలు సేయిరుదు ఒండే. ఒండోండాలు కష్టబుగురు కొద్ది ప్రతిఫలం పొందిగాదు. ⁹ నంగ్లు దేవురోటి కలిసి సేయిరాయ. నింగ్లు దేవురుట కొల్లు, దేవురు ట కట్టడం. ¹⁰ దేవురు నాకు దయసేందిక్కురు కృపవలన నాను నైపుణ్యం ఇక్కురు నిర్మాణికునిగా పునాది ఓటి. ఇంకొం డాలు అది మేని నిర్మించక్కుదు. అయితే అది మేని కట్టక్కు రు ప్రతి ఒండాలు అయిలు ఎన్నగ కట్టక్కుదో జాగ్రత్తుగా పా తుగుభేకు. ¹¹ పునాది యేసు క్రీస్తే. ఓటిక్కురు ఈ పునాది అల్లా ది, ఇంకొండు పునాది ఏదు ఓడుమాదు. ¹² ఈ పునాది మేని ఏదన్నా బంగారం, వెండి, విలువిక్కురు కెళ్లు,చెక్క,చెత్త పరకలు, ఇంతారుదోటి కట్టిగా ¹³ అస అస పని గడ్లికి బూక్కుదు. ఆ దినమున అత్తును స్పష్టంగా బయలు పరచాదు. ఎందాతుకు ఇండిగా నెరుపు ఆ పని సేయాదు. ప్రతి ఒండాలుట పనిని మంటలు పరీక్ష సేయాదు. ¹⁴ పునాది మేని ఏసా పని నిలుబూక్కుదో అత్తు కు ప్రతి ఫలము దొరుకాదు. ¹⁵ ఏసా పని కాలిపోక్కుదో అత్తుకు నష్టము వారాదు. అదు తప్పించుగాదు గాని మంటలకోరుం డు తప్పించుగురు తీరి ఇక్కాదు. ¹⁶ నింగ్లు దేవురుట గుడి యిండు దేవురుట ఆత్మ నింగ్లుకోరు నివసించక్కుదు యిండు నింగ్లుకు తెలిమాదా? ¹⁷ దేవురుట గుడిన ఏదన్న పాడుసేందిగా దేవురు అత్తును పా డుసేయాదు. దేవురుట గుడి పవిత్రం. ఆ గుడి నింగ్లే. ¹⁸ ఏదు అత్తుకు అదే మోసుపోగుమానం గా. నింగ్లుకోరు ఏదన్నా ఈ లోకరీతిగా అదు జ్ఞానము ఇక్కి రాలు ఇండుగుంచ, జ్ఞానం పొందుగిత్తుకు అదు బుద్ధిహీను డు ఆగుబేకు. ¹⁹ ఈ లోక జ్ఞానము దేవురుట దృష్టికి బుద్ధిహీన తే. 'జ్ఞానులను అస సొంత జిత్తులుకోరే ఆయన పుడుసుగా దు' యిండు ²⁰ 'జ్ఞానులు ఆలోచనలు వ్యర్థము యిండు ప్రభు వుకు గొర్తు' యిండు రాసి కీదు. ²¹ కాబట్టి మొనుసులను బట్టి ఏదు అతిశ యించుమానంగా. ఎందాతుకు ఇండిగా అడ్డి నింగుటాదే. ²² పౌలైనా, అపొల్లో అయినా, కేఫా అయినా, లోకమైనా, జీవ మైనా, మరణమైనా, ఇప్పుడిక్కురుదు అయినా, వారుదు అయినా,అడ్డి నింగుటాదే. ²³ నింగ్లు క్రీస్తుకు సెందిక్కురాయ, క్రీస్తు దేవురుకు సెందిక్కురాలు.